Eduking's Handmade Zeros

ဥတုရာသီများကို ရင့်မှည့် ပြောင်းလဲစေနိုင်သော

2011-12-11T02:24:00.000-08:00

အသံတွေဟာ

ဆူညံမှုအတွက် မလုံလောက်သလို

တိတ်ဆိတ်မှုအတွက်ကျ

အလျှံအပယ်ဖြစ်နေခဲ့တယ်

ရုတ်တရက် ဆိုက်ဝင်လာနေတဲ့

အလင်းရောင်ကြောင့်

အမြင်အာရုံဟာ တကယ်ပဲ

ဝေဝါးသွားခဲ့တယ်။

ရေစက်တွေ တစ်စက်ပြီး တစ်စက်

ခေါင်းပေါ်မှာ စုဆုံလာတဲ့အထိ

တစ်ရွက်ပြီး တစ်ရွက်

စာမျက်နှာတွေ ကျော်ကျော်သွားနေပုံ

အနံ့အသက်ကင်းစင်တဲ့ ရင်းနှီးမှုတစ်ချို့

အခန်းအပြင်ဖက်က ခြေလျှပ်တိုက်သံ

သစ်ရွက်ချင်း ထိရိုက်သံတွေနဲ့

ယှက်ထွေးရောတင်

အာရုံဟာ

သူမရဲ့ သဏ္ဍန်များအတွက်

ကိုလိုနီရပ်ဝန်း တစ်ခုလို

ညင်ညင်သာသာ သိုသိုသိပ်သိပ်

နောက်တစ်နေ့ဟာ

နောက်တစ်ရက် ဖြစ်မလာတော့တဲ့နောက်

အတိတ်လည်း …

အနာဂါတ်လည်း …

ပစ္စုပ္ဗန်။

ပစ္စုပ္ဗန်တွေသာ များများလာခဲ့။

ထင်/မြင်သာအောင် ဖော်ပြနိုင်စွမ်း လွန်မြောက်တဲ့အခါမှ

နာကျင်ခြင်းဟာ နာကျင်ခြင်း မြည်ပါလိမ့်မယ်။

ရေစက်တွေ တစ်စက်ပြီး တစ်စက်။

ဒီတစ်စက်မှာ ကွဲကွာတဲ့အခါ

နောက်တစ်စက်. . .

ခန့်နေ

Diary 23 10 2011

2011-10-23T08:08:00.000-07:00

ဒီနေ့ ကျွန်တော့် ပထမဆုံး video projectတစ်ခု အပြီးသတ်မယ့်နေ့မှာပဲ မနက်နိုးနိုးချင်း အဖွားဆုံးတဲ့ သတင်းကို ကြားတယ်။ နောက် သတိရချိန်ကျ ကျွန်တော် တက္ကသိုလ်ထဲမှာ ကင်မရာကိုင်လျက်သား၊ လမ်းတောက်လျောက် ကျွန်တော် မျက်ရည်တွေ မထိန်းနိုင်ခဲ့ဘူး။ shootingကို ဖျက်ချင်တာပေါ့။ ဒါမယ့် သူငယ်ချင်း ၂ယောက်ကို ငဲ့တယ်။ ဘယ်တုန်းကမှ ဖြစ်ချင်တဲ့အတိုင်း ဖြစ်မလာတာနဲ့ ကျွန်တော်ဟာ အမြဲလက်ပွန်တသီး။ ကျောင်းထဲမှာ သူငယ်ချင်းတွေကို တွေ့မလား.. ကျွန်တော် လိုက်ရှာနေမိတယ်.. တယ်လီဖုန်းမျက်နှာပေါ်က နာမည်တွေတစ်ခုချင်းကြည့် ပြီး ဘယ်သူ့ကို ပြောပြရင်ကောင်းမလဲ ကျွန်တော် စဉ်းစားတယ်။ ဘယ်သူမှ မရှိဘူး။ ကျောင်းဆရာပြောဖူးတဲ့ စကားတွေ ကျွန်တော် ပြန်ကြားတယ်။ ပီမို့ အဖေဆုံးတုန်းက စာသားတွေ ကျွန်တော့် စိတ်ထဲဝင်လာတယ်။ တယ်လီဖုန်းလိုင်းတွေဟာ သတင်းဆိုးတွေကို သယ်လာမှန်း ကျွန်တော် တကယ်မသိခဲ့ဘူး။ အဖွားဟာ ငြိမ်းချမ်းနေမှာ.. လွန်ခဲ့တဲ့ တစ်ပတ်က ဖုန်းဆက်တော့ အသံတွေ ဖျော့နေတယ်.. ဘာမှမလိုချင်ပါဘူး ကွယ်.. ဒီမှာလည်း အကုန်ရနိုင်ပါတယ်.. ကျွန်တော် ပြန်ကြားတယ်.. သူကြိုးစားပြီး ဟန်လုပ်ပြောနေတာ ကျွန်တော် သိခဲ့တယ်.. ကျွန်တော့်ရဲ့ မျက်လုံးတွေ.. ကျွန်တော် လူမှန်းသိစအရွယ်ကတည်းက ဆေးမျိုးစုံကို နေ့တိုင်းမပျက် သူသောက်နေရတယ်။ ဆေးတွေနဲ့ နှစ်(၂၀)ကို သူထိန်းခဲ့တယ်.. ကျွန်တော် ဒိုင်ယာရီထဲမှာ ရေးတယ်.. သူ့ဘဝဟာ မချိုဘဲ မလိုတဲ့ သွေးထဲမှာမှ အချိုဓါတ်တွေ စုတဲ့သူလို့။ သူဘာဖြစ်ချင်တယ်ဆိုတာ ဘယ်တော့မှ သူမပြောခဲ့ဘူး။ နောက်ဆုံးအချိန်မှာ သူ့ကလေးတွေ မပြေလည်တာကို စဉ်းစားမိသွားရင် သူ သိပ်ထိခိုက်ခဲ့မှာပဲ။ ကျွန်တော် တစ်လမ်းလုံး ရေငတ်တယ်.. ဘတ်စ်ကားတွေ စီးတယ်.. ကဗျာဆရာ လှသန်းဆုံးတာ ကျောင်းဆရာပြောလို့ သိရတယ်။ ကိုဖြိုးဝေကြီးနဲ့ ကျွန်တော် ဟိုရောက် ဒီရောက်တွေ လျှောက်ပြောခဲ့တယ်။ ကျွန်တော် လမ်းတလျှောက် အသိတစ်ယောက်မှ မတွေ့ ဘူး။ တွေ့ ချင်လား မတွေ့ ချင်လား ကျွန်တော် မဝေကွဲဘူး။ ပူဆွေးသောကဆိုတာလည်း မျှဝေခံစားတယ်ဆိုတာထက် တစ်တိုင်ကနေ တစ်တိုင်ကူး လောင်ကျွမ်းတာလို့ပဲ ကျွန်တော် မြင်တယ်။ ကျွန်တော် ဘယ်သူ့ကိုမှ မကူးစေချင်ဘူး။ အဖွားဟာ ဘယ်သူ့ကိုမှ သူ့အပူတွေ အကူးမခံခဲ့ဘူး။ နောက်ဆုံး သူငြိမ်းသွားချိန်မှ ကျွန်တော်တို့ ပူခဲ့ရကောင်းမှန်းသိတယ်။..

ရပ်နေတဲ့ ညနေ

2011-10-20T09:12:00.000-07:00

အနားကအနာမှာ

ဘာသာစကားတွေ ချိန်း(ဆို)သွားတယ်

ခန္ဓာမှာသက်ရောက်နေပြီးဖြစ်တဲ့ သြဇာဓါတ်

ကော်ဖီတွေ တစ်ခွက်ပြီး တစ်ခွက်

သူ ကုန်သွားတယ်

ဝိုင်ခွက်ချင်း တိုက်မိသံတွေမှာ

ယင်ကောင်ဟာ သူ့ အလုပ်နဲ့သူ

တကယ်တော့ ဘယ်ရယ်လို့ မှတ်မှတ်ရရ

ချရေးလိုက်နိုင်ဖို့က

(ယင်ကောင်ဟာ သူ့ အလုပ်နဲ့သူ)

ဆက်သွယ်လျှပ်ကူးမှုကြီးကို အားပြုရ

လူကြိုက်အောင် ပိန်းမှ လူပြိန်းကြိုက်တာမျိုးတွေပဲ

ဟိုတုန်းကလို ဆိုရင်တော့

တစ်ညလောက် အဖေလွှတ်ပေးထားလိုက်ရင်ပဲ

နောက်တစ်နေ့ မနက်ဟာ

ကမ္ဘာဦးမှတ်တိုင်ကို ပြန်ရောက်တယ်

သူကအမေး ငါကအဖြေ

အနည်းဆုံးတော့ သူမ သင်ယူခဲ့တယ်

မတွေ့တာကြာပြီကို လက်ခံပေမယ့်

နေကောင်းလားကို တွေးကြည့်ရတာ..

x x x x မလွယ်။

ခေါက်ရှာငှက်တွေကို မမြင်ဖူးသူရဲ့

သဘောထားဆိုင်ရာ ပြဿဒါးတွေမှာလို

ဆက်ပြောရရင်

အရူးမတတ်သူဟာ အရူးမှန်း သိသာနေသလို။

ခန့်နေ

ငှက်လေးသို့ နှုတ်ဆက်

2011-03-24T05:19:00.000-07:00

ငါ- "ငှက်ကလေးရေ ပျံ/ပြန်ပါ

သည်တောအုပ်ဟာ

မင်းအတွက်

သစ်ရွက်ခြောက်တွေ ကြွေဖို့ရာ"

(ဒီလိုနဲ့ တောအုပ်ကြီးဟာ လည်ပြန်လှည့်ရင်း

ငှက်ကလေးအပျံကို လှမ်းကြည့်လိုက်ချိန်မှာ-

ဘယ်ခေတ် ဘယ်အခါကတည်းက ရှိနေမှန်းမသိတဲ့

မျက်ရည်တွေဟာ စမ်းချောင်းတွေအဖြစ်နဲ့

ငှက်ကလေးရဲ့ နောက်ကို လိုက်လံစီးဆင်းရန်)

-ကဗျာ စဝင်လာ-

လက်တွေဟာ

ဘယ်လောက်ကြာကြာများ

ဆက်လက်ဝှေ့ရမ်းနိုင်အုံးမှာလဲ

ခေတ်အဆက်ဆက်ရဲ့

နတ်ဘုရားတွေဟာ စောင့်ကြည့်နေပါမတဲ့

အိပ်ပျော်ဝင်စမှသည်

အချိန်အတော်ကြာသည့်တိုင်

ငါပဲ သစ်ပင်

ငါပဲ တောမီး ဖြစ်ခဲ့ပုံ၊ ဖြစ်နေပုံ-

နောက်ပြီး

ဟောဒီကျွန်းမြို့လေးရဲ့

မြောက်ဖက်မြစ်ရိုးတလျှောက်

တညီတညာထဲ

လိုက်ဆိုနေကြတာက

“အလွမ်းဟာ ဆေးစက်ကျရာ

ငရဲထင်စေသား”တဲ့။

ခန့်နေ

အက်ရှင်မင်းသား

2011-03-05T22:01:00.000-08:00

ဆေးရုံက ဆင်းတော့

ငါ့နောက်ယောင်ခံလိုက်လာတဲ့ ကောင်ဟာ

လူဆိုးလား လူကောင်းလားလည်း မသိရ

ရေချိုးနေတဲ့ ငါ့အခန်းဆီကို

ချဉ်းနှင်းဝင်ရောက်လာတဲ့အခါ

ဒေါက်တာဖြစ်ပြီး

သေနတ်ပစ်ကောင်းနေတာလည်း

လူနာတွေကို ညာသလိုများ ဖြစ်သွားသလား

ဒရမ်မာမှာ နည်းနည်းအက်ရှင်ဆန်သွားတာက

သိတယ်မလား.. ငါကလည်း နည်းနည်းထိုးလိုက် သတ်လိုက်ရမှ

ကျေနပ်တဲ့ကောင်ဆိုတော့

အဓိကက ပထမဆုံးတစ်ချက်မှာ ကိုယ်ဦးဖို့ပဲတဲ့

အခြေအနေမဟန်ရင် ငါ့သွေးသောက်ညီအစ်ကိုတွေ

ရောက်လာလိမ့်မယ်.. (ဟန်းဖုန်းနှိပ်စရာမလို)

ဒီမင်းသမီး အပြောင်းအလဲမြန်ပုံကလည်း

အပြင်က ငါ့ရည်းစားစိတ်ဆတ်ပုံနဲ့များ ကွာပါ့

ပြောရင်း ဆိုရင်း တံခါးဝမှာ ခြေသံကြားတယ်၊

ဖွင့်မပေးဖို့ ပိဟိုးကနေတောင်သွားမကြည့်မိဖို့၊

သူတို့က သေနတ်နဲ့ တေ့ထားမှာကို ငါ ကြိုသိနေတဲ့အကြောင်း၊

မလိုအပ်ရင် မင်းသမီးကို မသေစေချင်ကြောင်း၊

ဘာမှ မကြောက်နဲ့ သိလား..

ကိုယ်ရှိတယ်ဆိုပြီး

သူ့လက်ကို ကိုင် ပြေးမယ်လုပ်တော့

အေးစက်နေတာဟာ ငါ့လက်တွေပဲ..။

ခန့်နေ

မမနန်စီ

2011-01-13T12:08:00.000-08:00

ဧရာဝတီရဲ့ ဟိုးတစ်ဖက်ကမ်း တောင်တန်းတွေမှာ မိုးရိပ်မိုးစတွေ လှမ်းမြင်နေရပေမယ့်..

ဒီဖက်မှာတော့ တိမ်လိပ်တိမ်ယောင်တွေ ကင်းစင်သား..

အဲ့နေ့က မမနန်စီနဲ့ ကျွန်တော် စကားတွေ တပြောပြောနဲ့ မြင်းလှည်းလေးကို စီးလို့။

အာမိုကီယို လမ်းတစ်လျှောက်မှာပေါ့။ မမနန်စီက သူ့ ဆံပင်တွေကို တစ်ဖတ်သတ်ပြီး ညာဖက်ပုခုံးရှေ့ ဝှိက်ချထားတယ်။ ဘယ်အချိန်ကြည့်လိုက် ကြည့်လိုက်၊ သူ့အသွင်အပြင်ဟာ ကျော့ရှင်းလို့၊ ဒါပေမယ့်လို့ ကျွန်တော်က အခုမှ အပြင်မှာ သူ့ကို စမြင်ဖူးတာ။ သူ့အသံလေးကလည်း ညင်သာလို့၊ ကျွန်တော့်မှာ ကျောသပ်ပေးခံနေရတဲ့ ကြောင်းလေးတစ်ပိုင်းကို ဖြစ်လို့။ မမနန်စီအကြောင်း ပြောရင် သူ့ရဲ့ မျက်လုံးဝိုင်းကြီးတွေဟာလည်း မပါမဖြစ်ပေါ့။ (သူ့နဲ့ စကားပြောတဲ့အခါ အဲဒီမျက်လုံးကြီးတွေကို တတ်နိုင်သမျှ မကြည့်ရဲဘူး၊ စကားပေါ်အာရုံမရောက်မှာစိုးလို့။) နောက်ပြီး သူစီးနေကျ ကြံရည်ရောင်သဲကြိုး အောက်ခံအနက်နဲ့ ဖိနပ်လေး။ နေ့လည်စာတူတူစားတုန်းကတောင် သူ့ပန်းကန်ထဲ မကုန်တဲ့ အသားတုန်းလေးကို ကျွန်တော်ငေးကြည့်ပြီး “မမနန်စီတော့ ရုပ်ဆိုးကြီးနဲ့ ရတော့မှာပဲ”လို့ ကျွန်တော် မစမိခဲ့ဘူး။ မမနန်စီကတော့ ကျွန်တော့်ကို စကားသိပ်နည်းတယ်လို့ ထင်နေမှာပဲ။ တကယ်တော့ ပြောစရာတွေက အများကြီးရယ်၊ ပြောမထွက်တာရယ်သာ။

ဒီလိုနဲ့ မြင်းလှည်းလေးဟာ အာမိုကီယိုလမ်းမကြီးကနေ ခွဲထွက်လို့ နီညိုရောင်လမ်းလေးထဲ ရောက်လာတယ်။

လမ်းနာမည်ကိုတော့ ကျွန်တော် မေ့နေဆို၊ မမနန်စီက စကားတွေကောင်းနေတာကိုး။ တောအုပ်လေးတစ်ခု ရံထားတဲ့ လမ်းဘေးမှာက ကျောက်စရစ်ခဲပုံတွေနဲ့။ ကျွန်တော်မှာလည်း အဲဒီ ကျောက်စရစ်ခဲပုံတွေမြင်ရင် လည်ချောင်းထဲ နင်နင်လာသလို ခံစားရတယ်။ ဒီလိုနဲ့ ကျွန်တော် တံတွေးတွေမျိုချလိုက်၊ စကားဖောင်တွေ ကြိုးစားဖွဲ့လိုက်နဲ့၊ ကျွန်တော့် ပုံဟာ သက်တောင့်သက်သာတော့ တယ်မရှိလှဘူး။ အဲ့ကြောင့် မေးပြီးသားတွေလည်း ပြန်ပြန်မေးနေမိတယ် ထင်ပါရဲ့။ အရေးထဲ လမ်းမညီတာကြောင့် မြင်းလှည်းကလည်း ခုန်ချည်းနေတော့ကာ စကောထဲ ထည့်လှိမ့်ခံထားရတဲ့ ဇီးဖြူသီးလေးကို ဖြစ်လို့။ မမနန်စီကတော့ သူတို့မြို့မှာ စီးနေကျမလို့လားမသိ၊ သူ့အတွက်တော့ အလိုက်သတင့်နဲ့ သက်တောင့် သက်သာရှိလှတယ်။

ကျွန်တော်လည်း မှတ်မိသလောက် ဟာသလေးတွေ၊ ခေါင်းထဲပေါ်လာသမျှအကြောင်းလေးတွေနဲ့ စီရင်းကုံးရင်း၊ တောင်ပတ်လမ်းရဲ့ တစ်နေရာ စေတီလေးတစ်ခုနားရောက်တော့ မမနန်စီကို မေးလိုက်တယ်။

“မမနန်စီ.. ချမ်းနေရင် အနွေးထည်ဝတ်ထားလေ”

“ရှင်.. ကျွန်မ မချမ်းပါဘူး၊ ဒါနဲ့ ရှင် လူမှားနေပြီထင်တယ်၊ ကျွန်မ နန်စီမဟုတ်ဘူး”

“ဟုတ်ပါတယ်ဗျာ.. မမနန်စီမှ မမနန်စီအစစ်ပါ။ ကျွန်တော် မမှားပါဘူး။”

“မဟုတ်ရပါရှင်”

“ဟုတ်ပါတယ် မမနန်စီရယ်.. ဘာလဲ.. မမနန်စီက ကျွန်တော့်ကို မကလို့ ကိုယ့်ကိုယ်ကိုယ်တောင် နာမည် မေ့သွားတာလား”..

ခန့်နေ

မစ်စ်ကောလ်

2011-01-06T10:27:00.000-08:00

အဲဒီညတုန်းက စာကြည့်တိုက်ထဲမှာပေါ့၊ ညစာလည်း မရှိ၊ တယ်လီဖုန်းလည်း မရ၊

ဘေးမှာက Yပုံသဏ္ဍန်သစ်ပင်တွေ၊ အဝေးကလာနေသူ ကမ္ဘာမကြေသီချင်း၊

နောက်ပြီး လေတိုက်တဲ့အခါ ဘီယာဘူးခွံသံတွေ၊ ကျွန်တော်တို့လည်း ဘာဘာညာညာ

မတ်တပ်ထရပ်၊ ရာစုနှစ်အတော်အတန် ကြာတဲ့အထိပဲ၊ မတော်တဆပဲ ဖြစ်ဖြစ်၊ အမှတ်တမဲ့ပဲဖြစ်ဖြစ်၊

ရေလို လေလို နှင်းဆီလို ဘဝကိုရနိုးနိုး ရှိုက်မိရင်းက တစ်စုံတစ်ယောက်ဟာ..

တိတိပပ ဖော်ပြရရင်တော့ မေးခွန်းမေးဖို့ တစ်စုံတစ်ယောက်ဟာ၊ အမြဲလိုလို ကျွန်တော်တို့ထဲမှာ

ရှိနေတတ်တာ၊ ချောင်းဆိုးပျောက် ဆေးပုလင်းများစွာ၊ သစ်သားမီးခြစ်တွေနဲ့၊ မော်နီတာ ဖန်သားပြင်တွေ၊

တစ်ယောက်ကို တစ်ယောက်က လေးစားသမှုတွေ၊ ပါးစပ်တွေနား သကြားရောက်လာတဲ့အခါ

ပုရွက်ဆိတ်တွေ ထွက်လာပြီး၊ ကြံ့ခိုင်ရေးစစ်ဆေးခြင်း၊ အရေးယူဆောင်ရွက်ခြင်း၊ လိုရင်လိုသလို အချိန်းအချက်ပြု၊ အသီးအပွင့်တွေနဲ့အတူ၊

ဒါတွေအားလုံးဟာ နောင်လာမယ့်တွေဆီ (ဘာဆိုဘာမှ) သေနေမှာချင်း အတူတူ၊

ဒဏ်ရာသံချပ်တွေ၊ မီးလောင်ရာ ပင့်ရာလေ၊ ပြိုးပြိုးပြက်ပြက်များစွာဖြင့်သာ စွတ်ပျံ့ကြည်နူးဖွယ်ရာ၊

စာမျက်နှာတွေ၊ ကျွန်တော်၊ အာရုံလွှဲပါရစေ၊ မျက်နှာတွေ၊ မျက်နှာတွေ၊

ကျွန်တော် ထပ်မယူနိုင်တော့လို့၊ မွန်းလို့ ကျပ်လို့၊ စိတ်လက်ချမ်းသာရာ . .

မလုပ်ကြပါနဲ့ ခင်မျာ.. အစစ အရာရာ တောင်းပန်လျက်။

ခန့်နေ

လျှော

2011-01-03T14:38:00.000-08:00

တစ် ထစ် ချင်း. .

အားထုတ် တက်လာခဲ့သမျှ

အဆင်းဟာ

မြန်လိုက်တဲ့ ဖြစ်ခြင်း။

ခန့်နေ

မှတ်ချက်။ ။ဒီကဗျာလေးကို စရေးဖို့ပြင်နေတာ လွန်ခဲ့တဲ့ (၃)လလောက်ကတည်းကပါ။ မစခင်ကတည်းက တိုတိုနဲ့ လေး..ငါးကြောင်းလောက်ပဲ သုံးမယ်လို့ ဆုံးဖြတ်ထားတာ။ သို့ပေမယ့် စကားလုံးဖောင်းပွနေတာရယ်၊ အဓိပ္ပါယ်မသွားတာရယ်ကြောင့် ပြင်လိုက်၊ရေးလိုက်၊ဖျက်ပစ်လိုက်နဲ့ ကြာနေ၊ ဒီကြားထဲမှာပဲ တခြားကိစ္စတွေနဲ့ လုံးလည်ချာလည်ရင်း ပစ်ထားမိရာကနေ မနေ့ကမှ အမှတ်တမဲ့ စာအုပ်ပြန်လှန်မိပြီး အဆုံးသတ်နိုင်ခဲ့တယ်။ ကဗျာမရေးဖြစ်တာတော်တော်ကြာပေမယ့်.. ကဗျာတစ်ပုဒ်ပြီးသွားတိုင်း ကျန်ခဲ့တဲ့စိတ်ခံစားချက်ကတော့ မပြောင်းလဲဘူး။ သစ္စာနီပြောသလို ကဗျာရေးခြင်းဟာ ကျွန်တော့်အတွက်တော့ အညောင်းပြေခြင်းတစ်ခုပါပဲ*။

လည်ပြန်

2010-11-27T00:27:00.000-08:00

ညီမလေးရေ

ငါ့ကို ခွင့်မလွှတ်လိုက်ပါနဲ့

ပေးမှတ်ထက်တောင်ကျော်ပြီး

ငါဟာ ကြိုမှားခဲ့၊ ပိုမှားခဲ့သူပါကွယ်

ဒီဘဝ ကျောက်သင်ပုန်ကြီးတစ်ခုလုံး

အဲဒီစာလုံးတွေနဲ့ ပြည့်တဲ့အထိ

ငါရေးခဲ့ပါမယ်

"ညီမလေးရေ

ငါ့ကို ခွင့်မလွှတ်လိုက်ပါနဲ့"

ခန့်နေ

အစဉ်သဖြင့်

2010-11-13T09:16:00.000-08:00

ချစ်ခင်နေတုန်းမှာပဲ ခွဲခွာခဲ့တာ ဘဝဆိုတာ

နှင်းဆီလို့နာမည်ပေးရင် ( မင်းလည်း ) မွှေးမှာပဲ

သွေးလန့်မှု အရွှေ့ အရွှေ့ထဲ

ပုံကြမ်းကောက်ကြောင်း စိတ်ကူးတလည်လည်

မြို့လည်ထဲ အက်ကြောင်းထ/ထပ်လို့

တစ်နေ့နေ့ တနဲ့နဲ့

လွန်လေပြီးသော နှင်းပွင့်များ

သက်တံရောင်စုံနဲ့ ဆွဲတာ

တရေးရေး တရိပ်ရိပ်

ဘယ်သူဆွဲတာလဲ အခုကြယ်။ ။

စိုင်းဝင်းမြင့်

(စိတ်ကူးချိုချို- ခေတ်ပြိုင်ကဗျာ အချို့ (စာ-၇)မှ)

Diary page 23 Oct 2010

2010-10-22T09:36:00.000-07:00

ကိုယ့်ကိုယ်ပဲ တွေ့ရှိသွားတာလား..

တွေ့ပြီးသားကိုပဲ ပြန်လွတ်ကျသွားတာလား..

တစ်စစီပဲ ပြုတ်ထွက်သွားသလား..

အီဗော်လူးရှင်းလား.. ကျဆုံးခန်းအင်ထရိုလား..

တောပြောင်းကျားကြီးပဲ ဖြစ်သွားလား..

ရွာသစ်ရောက်မယ့် သူကောင်းကြီးပဲ ဖြစ်မလား..

တစ်ကြိမ်တစ်ခါ ရူးနှမ်းသွားတာလား...

တစ်သက်လုံး ရူးခြင်းရဲ့ မူလပထမလား..

တစ်သက်နဲ့ တစ်ကိုယ် ကိုယ့်ကိုယ်ကို တစ်ခါမှ မတွေ့ဖူးတော့

ပထမဆုံးတွေလိုက်ရတဲ့ အချိန်မှာ ဖြစ်သင့်ဖြစ်ထိုက်

တအံတသြကြီးတွေလို.. “ဟယ်.. ငါ ပါလား”မျိုးလား. .

ဒါမှမဟုတ် ဖြစ်ရိုးဖြစ်စဉ် .. ထင်ယောင်ထင်မှား.. ကယောင်ကတမ်းလေလား. .

ကျွန်တော်ဟာ ဒီလိုနဲ့ပဲ နှစ် (၂၀)လေပဲတော့မလား....

Diary page 23 Sept 2010

2010-09-23T01:14:00.000-07:00

I am really distracted from everything these days.

I think I need a break.. a one real break...

I can't concentrate on things, esp the work now.

Inside me, it is happenning clashing of my thoughts.

So, I won't escape without struggling myself.

(of cuz, everybody won't if they don't too)

It is hard to say out what is on my thoughts.

Sometimes, I do thinking too much which couldn't even speak out a word.

Sometimes, I can't control myself from those thinkings, and they are very random,

such as emotions, movies, songs, love, poetry, goalkeeping, religion.

But once I start carrying on one of them, I start making my mind spread to something else.

It has been always I keep eyes on me and controlling myself- my manners, my thoughts-

I start to sick of me.

Everything is too concious. and

Thank you for reading this unnew story. It is jus another loser-is-lost-again.

ယင်လုံ နေသူများအကြောင်း

2010-09-15T10:00:00.000-07:00

နေရောင်ခြည်နှင့် တိုက်ရိုက်မထိတွေ့နိုင်ခြင်းက

စဉ်းစားစရာတစ်ခုခုရဲ့

ကျိုးလွယ် ပဲ့လွယ်

အနံ့အရသာနှင့် ပြည့်စုံကောင်းမွန်

လူမျိုးဘာသာမရွေး စားသုံးလည်းဖြစ်

ရေစိုခံ၊ အာမခံ

ကုန်ဆုံးရက်တွင်

သဘောတစ်ခုကို တွေ့ရှိ

စတင်ထုတ်လုပ်သည့်နေ့စွဲဟာ

ပြန်ပြောင်းပြောစရာ

ရက်လည်နဲ့အတူတူ

ဥတုသုံးပါး အထွန်းခံခြင်း

ကလေးများ အလွယ်တကူရောက်ရှိနိုင်ခြင်းများကြောင့်

(အညွှန်းအတိုင်း) ကောင်းစွာလှုပ်၍သောက်ပါ

အေးမြခြောက်သွေ့သောနေရာတွင် ထားပါ

စက်ဖြင့်လျှော်ဖွတ်ခြင်းဆိုလျှင် ရှောင်သွေလွှဲပါ

မခဲပါနှင့်၊

မိတ်အင် စိတ်တွင်

မီးမပေါက် ပြာမကြွေ

အခန်း အပူချိန်၌

တစ်နေ့ သုံးကြိမ်

ဆေးသား ခိုင်ခန့်/ပျက်ပြယ်နိုင် ကြောင်း

အမှိုက်ပုံးအတွင်း စွန့်ပစ်ခြင်းမှတဆင့်

ရေမရွေး အထည်မဆွေးနိုင်ကြောင်း

အလွယ်တကူ ဝါးစားနိုင်ပါက

သဘာဝစစ်စစ်၊ ပိုးသားစစ်စစ်၊ နွားနို့စစ်စစ်ဖြင့်

အသုံးပြုပြီး အဖုံးလုံအောင် ပြန်ပိတ်ပါ

အစက်ရာ မျဉ်းအတိုင်း ညှပ်ပါ၊ ဖွင့်ပါ၊

(လိုအပ်ပါက လှီးဖြတ်ပါ)

ကျန်းမာရေးနှင့် ညီညွတ်သော

ဓါတုဆေးဝါး/ဆိုးဆေးများပါရှိ

အဓိပ္ပါယ်နှင့်တကွ

အာဟာရဓါတ် ပါရှိမပါရှိသည်ကို မသိရ

မနက်တစ်ကြိမ် ညတစ်ကြိမ်

(မှီဝဲလိုက) မှီဝဲနိုင်သည်။

ရင်လှုံ နေသူများအကြောင်း

အရောင်ချွတ်ခြင်း ကင်းဝေးနိုင်ကြပါစေ။

ခန့်နေ.

ဥခွံထဲမှာလည်း အပြင်ကလိုပါပဲ

2010-08-13T02:28:00.000-07:00

ကျွန်တော် အစီရင်ခံနေစဉ်အတွင်းမှာပဲ
ရေးလက်စ ပထမပိုင်း အက်ဆေးဟာ အေးစက်ပြီးစီး
တစ်ယူဇနာခန့် အမူအယာများစွာ ပါဝင်လက်တွဲကာ
အသွေးတွေ၊ အသားတွေ၊
အချစ်တွေ၊ အနှစ်တွေနဲ့မို့
သက်သာ ပေါ့ပါးလျက်
တမြန်နေ့က အသဲနှလုံးတွေများနဲ့အတူတကွ
အရွယ်မရောက်ခင် အရောက်ပြန်ခဲ့ဖို့
လေးလေးနက်နက်၊ တွေးတွေးထင်ထင်
နှိုင်းနှိုင်းယှဉ်ယှဉ်၊ ချိန်ချိန်ဆဆ
အမှားကြီးများများ အများကြီးမှားသည်ကိုလည်း
ဂရုမစိုက်အား
မနေ့က ကျွန်တော့်နာမည်ဟာ ဘယ်သူ ဘယ်ဝါဖြစ်သည်ကိုသာ
ရှေးရှုလျက်
အချစ်ဆုံး သိလား.. အချစ်ဆုံး သိလားဟေ့..
အရွယ်မရောက်ခင် အရောက်မပျံနိုင်တဲ့အခါ
အထက်ဖော်ပြပါ အာရုံတွေရှိရာ အုံလာရခဲ့- အကြောင်းရင်း
သို့သော် ပျိုဖော်ဝင်စအချိန်၏
ယနေ့သတင်းအစီအစဉ်
ဤတွင်ပဲ ပြီးဆုံးပြီဖြစ်ပါသဖြင့်
နောက်တစ်ခေါက်လောက်... ငါ့ကို..
အထာသိချိန် အထိနာနာနဲ့ပဲ
ငယ်ချစ်ဟောင်းနဲ့ ပလက်ဖောင်းများစွာ
ထိုမှတဖန် ရောမန္တိချက်ပတာအသွားဖြင့်
အဆုံးမသတ်ခင် အစပ်သုံးရန်လိုလေသေးမရှိ
ဒါသည်ပင်လျှင် ရာဇသတ်ကြီးပုဒ်မ (--) အရ
ကဗျာရေးမှုဖြစ်ကြောင်း ပေါ်လွင်ထင်ရှားပါသဖြင့်

ခန့်နေ

...မတွေ့ဖြစ်တဲ့နောက်

2010-07-14T09:56:00.000-07:00

ရန်သူရဲ့
အသက်ရှင်သေးတဲ့သူ လက်ညှိုးထောင်
ဆိုတဲ့စကားကိုမှ
လက်တစ်ချောင်းလုံး ထောင်ပြမိလောက်အောင်ကို
ငါဟာ “အ”ခဲ့လေသလား..

အထီးကျန်တယ်ဆိုတာ
အမှောင်ခန်းထဲက
နံရံမှာ တစ်ယောက်ထဲ
ထောင့်ကပ်ထိုင်နေမှ
မဟုတ်ပါဘူးကွယ်..
လူအုပ်ကြီးတွေကြားမှာ မျက်နှာချင်း ဆိုင်နေပေမယ့်..
မြက်ခင်းပြင်တစ်ခုပေါ် တူတူထိုင်ခွင့်ရှိနေပေမယ့်လို့..
ဒါတွေဟာလည်း အထီးကျန်ခြင်းပါတဲ့
(မင်းဗလာစာအုပ်လေးရဲ့နောက်ကျောမှာ
ငါရေးပေးခဲ့မယ်..)

မိန်ကလေး..
တကယ်တော့
ငါဟာ မင်းကိုပြန်တွေ့ဖို့လည်း
မကြိုးစားခဲ့ပါဘူး..
ငါ့ရဲ့ မင်းနဲ့ မတွေ့ခင်က “ငါ”ကိုပဲ
ငါ ပြန်ရှာမတွေ့ဖြစ်နေခဲ့တာလေ။

ခန့်နေ

ကျွန်တော့်မြို့တော်လေးကို ပြန်ရွာချပေးပါ

2010-07-06T11:41:00.000-07:00

ထမင်းခဲတွေဟာ အေးစက်နေပေမယ်လို့

ထမင်းဝိုင်းဟာ နွေးတုန်း

နေရောင်ခြည် ပယောဂနဲ့

ပန်းတွေဟာလည်း ပွင့်လျက်

အရင်လို အရင်နေရာမှာ

အရင်လူတွေကို တွေ့လို့တွေ့ညား

မှတ်တိုင်းဟောင်းမှာ ဆင်းကျန်ခဲ့တဲ့အခါ

လေစိမ်းနဲ့ လူစိမ်းတွေသာ

မြို့တံခါးထဲ ဖြတ်ဝင်လာတာတွေ့ရ

နိစ္စဓူဝ

ဒိုင်ယာရီစာအုပ်တွေ ပိုထူလာတဲ့အခါ

အရင်ကထက်

အိမ်တံခါးတွေကို လုံလုံခြုံခြုံပိတ်ဖို့

ရယ်စရာတွေလည်း

ပိုပြောဖြစ်ပေမယ့်လို့

ပြောစရာရှိတဲ့အခါ မရယ်ဖြစ်ကြတော့ပါ။

ခန့်နေ.

အပြင်မှာ လူတစ်ယောက် ရှိနေတယ်

2010-06-27T10:51:00.001-07:00

မြို့ထဲကို ချဉ်းကပ်လာတာနဲ့အမျှ

ငါတို့ဟာ ကိုယ်စီကိုယ်ငှ ကြက်သီးမွှေးညှင်းတွေထ

မကြာခင်မှာ စပ်ဖြီးဖြီးနဲ့ ပါးစပ်တွေ ဟိုနေရာ၊ ဒီနေရာ တစ်ဝိုက်

မြေပုံတွေထဲ မြစ်တွေစီးဆင်းသလို ကဗျာထဲမှာ ဘာတွေစီးဆင်း

အဆင်မပြေရင်တောင် ဟောဟို တစ်ဖက်ကမ်းက အလုပ်လုပ်သူတွေနဲ့ ဓါတ်ပုံတွဲရိုက်မလား၊

ဘုရားစာတွေ တူတူရွတ်ကြမလား

ရင်ဘတ်ထဲက ခိုတွေကို အဝေးကို လွှတ်လို့

သစ္စာစောင့်သိသူတွေနဲ့ အတူတူပျော်ရအောင်

တံခါးကို ပိတ်ထားစရာ လိုတယ်၊ မလိုဘူး..

နေ့စဉ်၊ ညစဉ်၊ လစဉ် အစီအစဉ်များ..

စီရင်ချက်တွေထဲ ကျွန်တော် ပါသေးလား၊ ပါနေသလား၊

သေသေချာချာလုံမလုံ ကြည့်ပြီးမှ တံခါးကို ဖွင့်ပေးပါတို့၊

အထဲမှာ လေကောင်းလေသန့် မရရှိတဲ့အခါ

အသက်ရှင်ယုံသက်သက် ကျွန်တော်ဟာ ချေးငှားခဲ့ရ..

ဘောပင်ကို ကိုင်ရင်း၊ အပေါ်ကို ငုံ့ကြည့်ရင်း၊

သူငယ်ချင်းတွေနဲ့ ငြင်းခုံရင်းကပဲ လက်တွေဟာ ရှည်လာ၊

ဒီတော့ ခင်များမှာ မနေနိုင် မထိုင်နိုင် နေမသာ ထိုင်မသိ

ခြေအိတ်ထဲမှာ ဝှက်ထားတဲ့ ဓါးနဲ့ပဲ ထခုတ်ရမလား၊

လက်ပင်က သီးတဲ့ လက်သီးတွေနဲ့ပဲ ထရိုက်ရမလား၊

အိမ်မှာ ကောင်းကောင်းနေ၊

ဧည့်သည်လာရင် လေတွေတိုက်ရင် သိပ်ကြိုက်သူနဲ့

ခြေတစ်ချောင်းနဲ့ လက်တစ်ဝက်ကျိုး

ဗမာစကားကို ကဗျာဘာသာနဲ့ ပြော၊

ငါ့ဘေးမှာတော့ (၅)ယောက်ရှိနေတယ်

အမှန်ကို ပြောရင် ပိပိရိရိ မိမိရရ ရှိပါစေ ကိုယ့်လူ

ဘိုင့်ဘိုင်လို့ တစ်ယောက်ကို တစ်ယောက်နှုတ်ဆက်ရင်း

မနည်း ဆွဲခွာခဲ့ရပုံတွေနဲ့ ခွဲခွာရင်း

ပုံပြင်တွေဟာဖြင့် သက်မဲ့လူသားစားကြီးများ

နံပါတ်(၁)အင်္ကျီကိုမှ နောက်ဆုံးလူက ဝတ်ဆင်ထားရ လေတယ်။

ခန့်နေ.

ချိုက်မင်ဂျွင်းနဲ့ ပြန်တွေ့ခြင်း

2010-06-12T07:36:00.001-07:00

ခြင်ကိုထောင်ဖို့ ကြိုးစားရင်းက

လူဟာ ကိုယ့်ကိုယ်ကို ထောင်မိရက်သားဖြစ်စဉ်မှာလို

ကမ္ဘာကြီးရဲ့ အရန်ခုံတစ်နေရာက

အသက်ပါပါနဲ့ လှမ်းကြည့်လိုက်တဲ့အခါ

ဘုံမြေဇာပင်ကလေး ဖြစ်ရှာနေရသူ

ကဗျာဟာ

မော်ဖင်းတွေ ထိုးခံထားရပြီး

အသက်ရော ဒြပ်ပါ မဲ့ခါနီးဆဲဆဲ

လက်ပူးလက်ကြပ် (မိ)

လက်ဆုပ်လက်ကိုင် ပြရန် (မရှိ)

ဖြစ်သမျှဆိုတဲ့ ခေါင်းစီးအောက်

ရေလဲလို ရရာအဓိပ္ပါယ်မဲ့တစ်ခုခုကို ဆွဲကိုင်

(အစွဲတွေနဲ့ ကိုင်)

ကမ္ဘာဟာ ကိုယ့်အာဟာရ ကိုယ်မှီဝဲ

ဖြည့်တင်းနေစဉ်အတွင်းမှာပဲ

ကျွန်တော်တို့ဟာ ဝမ်းနည်း ဝမ်းသာ ဖြစ်ရ

အမြဲတမ်းလိုလို

သူ့အသင်းမှာဆို လူမစုံ

ဒါကြောင့်မို့လည်း

ကဗျာဖြစ်ရန် တစ်ကြောင်းလို။

ခန့်နေ.

သဘာပတိတွေနဲ့ ငါတို့ငြိနေခဲ့

2010-06-05T03:36:00.001-07:00

မျက်မှန်တပ်ကြည့်ပေမယ့် မျက်စိက မမှန်တော့.. မြက်ကိုပဲ မှန်မှန်စားသုံးရတော့မလို..

မျက်စိနောက်စရာကောင်းလောက်အောင်ကို ခင်များနောက်စိမှာ မြက်တွေ ကျုပ်ရဲ့ နောက်မျက်စိနဲ့ မြင်နေရတယ်..

အမှောင်ထဲမှာပဲ ကြည့်ကြည့်.. တကယ်တမ်း တောင်စွယ်မှာ အဓိပ္ပါယ် မကွယ်ခင်..

အပူဒဏ်ကို ရှောင်ရှားဖို့ ကဗျာများကို recycleစို့..

(၃)နာရီဟာ နာရီ(၃)လုံးကို တပြိုင်တည်း ခွဲ ခွာမှုဖြစ်ပွား..

ဒိုင်လူကြီးဟာ ဆုံးဖြတ်ချက်ကို ပြန်ပြင်ဖို့ ကိုယ်လေးလက်ဝန်..

သူမတကယ်သေဆုံးခဲ့ကြောင်းကို သူမကိုယ်တိုင် အတည်ပြုပြောကြားပြီးတဲ့နောက်မှာ၊

မိုးရွာပြီးစ မြက်ခင်းတွေ စိုနေတဲ့နောက်မှာ၊

ကျောင်းသွားရင်းနဲ့ ခင်များ သွားကျောင်းလာခဲ့တာ ဘာတွေပါလဲ..

အက္ခရာတွေနဲ့ အခါရက်ဟာ

ခင်များတို့ ပြောတဲ့ဟာသများထံ

အနက်ရောင်ကားကြီးနဲ့ အနားယောင် ကပ်သွားပြီး

နင်မဆုံးဖြတ်ခင်အထိ ဆက်ဖြုန်းနေပါရစေ.. ငါ့ကိုယ်ငါ

သစ္စာရည်ကို သောက်ပြီး၊ ဦးထိပ်မှာ ပန်ဆင်ပြီး၊ စားပြီး နာပြီး လာပြီး သွားပြီး၊

ထိုစဉ် ကုန်ကျစရိတ်အပြီးအစီး၊

လေတိုက်နေခိုက် လိုက်သေလိုက်တယ်..

အာရုံခွဲခြားဆက်ဆံ ခံစားနေရသည့် (၂)ညအိပ် တစ်သက်ရက်ခရီး..

စိတ်လေးနေစဉ် ဆေးလိပ်များ..

ကြည့်နေ ပိုကောင်းလာလိမ့်မယ်..

မဟုတ်လို့ကတော့နော်။

ခန့်နေ

ချိတ်

2010-05-10T22:45:00.000-07:00

ငါးမျှားရင်းက အမှတ်မထင်

တခြားအရာတွေကို

မိသွားတာမျိုး ကြုံဖူးသလား

(ဆရာချောကတော့ စင်္ကြာဝဠာကြီးကို မိခဲ့ပါတယ်တဲ့)

ငါးစာကို ရေထဲချတဲ့အခါ ငါးကိုမိတယ်

ပင်လယ်စာတွေချမိတဲ့အခါ ပင်လယ်ကို မိမယ်..

လူစာကို ချမိရင်တော့

အဲဒါ ကိုယ့်ကိုယ်ကို ပြန်မိတဲ့နေ့ပဲဖြစ်မယ်။

အဲဒီအခါမျိုးကျရင်

ကိုယ်ဘယ်ကို ပြေးနိုင်ခြေရှိသလဲ

ကိုယ်ကိုယ်တိုင်သိနေတော့

ကိုယ့်ဆီက ကိုယ်လွတ်အောင်

ကိုယ်ဘယ်လိုရုန်းမလဲ

ဒါပေမယ့်လို့

ကိုယ်ဘယ်ကိုပြေးမလဲဆိုတာ

ကိုယ်ကိုယ်တိုင် သိတာသေချာလား

ရည်ရွယ်ချက်တစ်ခုခုကြောင့်

ကိုယ်မဟပ်ခဲ့တာသေချာလား

ကိုယ်ဆွဲတင်လိုက်တဲ့ ချိတ်ရဲ့ထိပ်မှာ

ကိုယ်ကိုယ်တိုင် ပါလာတဲ့

ကိုယ်ရုပ်ကိုယ်ရော ကိုယ်မှတ်မိလား

မှတ်ပုံတင်နဲ့ တိုက်စစ်ကြည့်သေးလား

ကိုယ့်ထက် ကိုယ်ညံ့လို့ပဲဆိုပြီး

အေးအေးဆေးဆေးနဲ့ ငြိမ်ပါသွားတာမျိုးပဲလား

ပြန်လွတ်လိုလွတ်ညား

ရုပ်ပျက်ဆင်းပျက် ဖြစ်ပါစေ ရုန်းမလား

တဖျတ်ဖျတ်နဲ့ ထခုန်နေတာ

ကိုယ့်ကိုယ်ကို မိလို့ပျော်သွားတာလား

တဖျတ်ဖျတ်နဲ့ ထခုန်နေတာ

ကိုယ့်ချိတ်နဲ့ကိုယ်ဆူးတာ နာနေလို့လား

မမျှားခင်က အချိန်သတ်မှတ်ထားသလား

ဒါမှမဟုတ် မိချင်မိ၊ မမိချင်နေလား..

လိုအပ်ရင် O.T.(overtime) တွေပါ ဆင်းလား

တစ်ကြိမ်တစ်ခါပဲ မိရင်ရပြီလား

ဒါမှမဟုတ် ခဏခဏ ပြန်လွှတ်ပြီး ဖမ်းကြည့်သေးလား

ကိုယ်က ကိုယ့်အတွက် အနစ်နာခံဖို့ ကိုယ့်အစာကိုယ်ဟပ်ခဲ့တာလား

ကိုယ်က ကိုယ့်ကို ညှင်းဆဲဖို့ ကိုယ့်အစာကိုယ်တပ်ခဲ့တာလား

ကိုယ့်ကိုယ်ကို မိအောင် ဘယ်နည်းတွေ သုံးပြီးဖမ်းမလဲ

လေ့ကျင့်ခန်းတွေ ဆင်းရလား၊ အလုပ်သင်တွေ တက်ရသလား

Sponsor အထောက်အပံ့တွေယူသေးလား

ကိုယ့်လက်က ကိုယ်လွတ်အောင် ဘာတွေကြည့်ရှောင်မလဲ

ရာသီဥတုနဲ့ စိတ်အခြေအနေကို ထည့်စဉ်းစားဖို့လိုအပ်လား

ကံ၊ ဥာဏ်၊ ဝီရိယပဲလား

ကိုယ် ဘယ်အချိန်၊ ဘယ်နေရာမှာ ဘယ်လိုဆာမယ်ဆိုတာ

ကိုယ့်ကိုယ်ကို ကြိုသိနေလား..

ဒါမှမဟုတ် ကိုယ့်သဘာဝ ကိုယ်သိဖို့

အင်တာနက်တွေ၊ သုတေသနပြုကျမ်းတွေမှာ လေ့လာရသေးလား

သူငယ်ချင်းတွေကို အသုံးပြု စစ်တမ်းကောက်ကြည့်ဖူးလား..

ကိုယ့်ကိုယ်ကိုမျှားခံထိဖို့ ချိတ်ကို အဝေးကြီးပစ်ရလား၊

ဒါမှမဟုတ် ကိုယ့်အနီးအနားမှာပဲ ချလိုက်ရင်လည်း ဖြစ်သလား

ကလေးများ အလွယ်တကူမရောက်ရှိနိုင်တဲ့နေရာတွေမှာ ထားသလား

ကိုယ့်အစာ ကိုယ်သိဖို့ အလင်းရောင်ကောင်းမွန်စွာရရှိဖို့လိုအပ်သလား

ကိုယ့်အစာ ကိုယ်သိဖို့ အနံ့ခံကောင်းဖို့လိုသလား

ကိုယ့်အစာ ကိုယ်ဟပ်တဲ့အခါ

အမြဲတမ်း သမရိုးကျနည်းလမ်းကို သုံးလား

တစ်ခါတစ်လေ ကိုယ့်ကိုယ်ကို လှည့်စားကြည့်သေးလား..

ကိုယ့်စိတ်ကိုယ်ဆွကြည့်သေးလား

ဒီလိုပဲ ကိုယ့်ကိုယ်ကို ပြန်မိဖို့အတွက်ရော

ဦးနှောက်နဲ့ ကိုယ်ကာယ ဘယ်ဟာကို ပိုသုံးရလဲ

ကိုယ့်ထက် ကိုယ် လည်ဖို့၊ သွက်ဖို့ လိုလား

ဒါမှမဟုတ် တစ်ခါလာလည်း သည်ဖော်မြူလာပဲလား..

ကိုယ့်ကိုယ်ကို မိချင်ပါတယ်ဆိုမှ

သူများတွေက လာဟပ်တာမျိုးရောဖြစ်တတ်လား

အဲဒီအခါမျိုးကျ ဘယ်လိုလုပ်ပစ်လေ့ရှိလဲ

ကိုယ့်လက်ခုပ်ထဲက ကိုယ့်ကို

ကိုယ်ကိုယ်တိုင် အသေမသတ်ခဲ့ရင်တောင်မှ

ကိုယ့်ဟာကိုယ် ပြုခဲ့တဲ့ ဒဏ်ရာကို ကျက်ဖို့

အချိန်ဘယ်လောက်ယူရလဲ

ကိုယ့်ကိုယ်ကို ပြန်လွှတ်ပေးချင်စိတ်များကော

ရှိသလား

တစ်လုပ်စားဖူး သူ့ကျေးဇူးကို ထောက်သလား

အမိခံခဲ့ရတဲ့ ကိုယ်ဟာ

ကိုယ့်ကိုယ်ကို ပြန်မြင်တဲ့အခါမှာရော

ကိုယ်ရုပ်ကိုယ် မှတ်မိလား..

သိသိရက်နဲ့ မသိချင်ယောင်ဆောင်လိုက်မလား

လမ်းတွေ့ရင် နောက်မခေါ်တော့ဘူးလား..

သစ္စာဖောက်တစ်ယောက်လို ဆက်ဆံမှာလား..

သဗ္ဗေသတ္တာ ကမ္မသကာလို့ပဲ သဘောပိုက်လိုက်သလား

တစ်ခါတစ်လေ (ဒါမှမဟုတ်) ဘယ်တော့မှ

ကိုယ့်ချိတ်ဟာ ကိုယ့်ဆီ ပြန်မရောက်လာတာမျိုး ဖြစ်ဖူးလား

ဒါနဲ့

ကိုယ့်ကိုယ်ကိုယ်ရော ပြန်မျှားကြည့်ရဲလား

ခန့်နေ

မှတ်ချက်။ ။တခြားကဗျာတွေမှာ မှတ်ချက်၊ ရှင်းလင်းချက်တွေ မရေးဖြစ်တာကြာပေမယ့်

ဒီကဗျာမှာတော့ အထူးတလည် ရေးလိုပါတယ်။ ဒီကဗျာမှာ နည်းနည်းပြောစရာရှိပါတယ်။ မပြောလည်း ဖြစ်လို့ရပါတယ်။ ဆရာချော(မောင်ချောနွယ်) ခရေဇီတွေနဲ့ အခြားသော သူ့ကဗျာဖတ်ဖူးသူတွေအတွက် ထင်စရာတစ်ခုဖြစ်နေပါလိမ့်မယ်။ ဘာလဲဆိုတော့ ဆရာ့ရဲ့ “ပြီးပါပြီ”ဆိုတဲ့ ကဗျာထဲမှာ နောက်ဆုံး

“ငါးမျှားချိတ်တွေက အစာကို ငါမဟပ်ဘူး။

ငါ့ဘဝ ငါးစားကိုသာ ငါဟပ်ခဲ့တယ်။ ။”

ဆိုတဲ့ နှစ်ကြောင်းကို ဒီကဗျာဟာ ဆွဲဆန့်ရေးထားသယောင်ဖြစ်နေမယ်လို့ ကျွန်တော်ခံစားမိပါတယ်။

ဒါပေမယ့်လို့ ကျွန်တော် ဒီကဗျာကို စရေးတုန်းက အဲလို မရည်ရွယ်ခဲ့ရိုး အမှန်ပါ။

ကျွန်တော် အကြိုက်ဆုံး “ငါး”ထဲက တစ်ကြောင်းကိုသာ ရည်ညွှန်းအဖြစ်နဲ့ ပြန်သုံးခဲ့ပါတယ်။

ကဗျာအဆုံးသတ်ခါနီးကျမှ ကျွန်တော့်စိတ်ထဲ အဲ့အပေါ်က နှစ်ကြောင်းကို သွားသတိရမိလို့ အခုလို ရှင်းလင်းချက်ကလေး ထုတ်ဖြစ်ကြောင်းပါ။

ဆရာချောသို့ သတိတရ

ခန့်နေ

တစ်နေ့မှ မေ့မရသူလေးသို့

2010-05-09T21:40:00.000-07:00

လူတစ်ယောက်မှာ

သူ့အကြောင်း ဒဏ္ဍာရီတစ်ခု

ရှိသင့်တယ် မဟုတ်လား။

အရာရာဟာ

မြေကြီးပေါ် တုတ်ချောင်းနဲ့ ရေးခြစ်ထားသလို

ဖြစ်လွယ်ပျက်လွယ်တွေ ချည်းပါပဲကွယ်။

မင်းတစ်ဘဝလုံး ကြေကွဲကျန်ရစ်ရအောင်ဆိုပြီး

ငါ့ကိုယ်ငါလည်း အဆုံးမစီရင်ရဲ

ဒါဆို

သေနတ်ပြောင်းထဲ ချောင်းကြည့်ရင်း

ခလုပ်နှိပ်မိတဲ့ လူတစ်ယောက်ရယ်လို့

လူတွေ ပြက်ရယ်ပြု ကျန်ရစ်ကြမှာပေါ့

ငါ့ရဲ့ အကောင်းဆုံးကို ငါလုပ်မပြီးသေးသမျှ

ဘယ်အရာပေါ်မှာမှ

ငါ့ကိုယ်ငါ မပုံခဲ့နိုင်ဘူး။

ငှက်တစ်ကောင်ဟာ

ကောင်းကင်တစ်ခုတည်းမှာ နှစ်ခါပျံသန်းနိုင်ဖို့

နေမင်းကြီးကို တစ်ကြိမ်ပတ်ရတယ်။

တစ်နေ့မှ မေ့မရသူလေးရေ..

သည်တစ်ညနေခင်းလေးပဲဖြစ်ဖြစ်

အကောင်းတိုင်း တင်ကျန်ရစ်ဖို့

တောင့်ခံထားရသူပါ။

ငါက ဂျူးလိယက်ဆီဆာလိုပဲ

ကိုယ့်ရန်သူတွေရဲ့ စာရင်းကို မှတ်မထားတတ်ဘူး။

ကိုယ့်နာမည် ဘယ်သူတုန်းရယ်လို့

ကိုယ့်ဟာကိုယ် ပြန်မေးရတဲ့အခါမျိုးတွေမှာတော့

သေနတ်ပြောင်းထဲ ချောင်းကြည့်မိပြန်ရဲ့။

မင်းဖို့ ဒဏ္ဍာရီတစ်ခုပေါ့ကွယ်။

ပိုင်စိုးဝေ

ကလျာမဂ္ဂဇင်း

ဒီဇင်ဘာ၊ ၁၉၉၇။

(ဣတ္ထိယတောင်တန်း ကဗျာများ)

ဆယ်ကမ္ဘာပေါ့.. ဟုတ်လား နှင်း..

2010-05-08T07:39:00.000-07:00

Marina Bayသို့

ဆိုက်ကပ်ရန် ရထားကြီးဟာ

ဦးတည်ချက်တွေ မပြောင်း၊

ရည်ရွယ်ချက်သာ ပြောင်းခဲ့လေတယ်

နံဘေးက မိုးရေသံတွေ

မှတ်တိုင်ကျော်သွားတဲ့ အိပ်မက်တွေနဲ့

ကျောင်းသူလေး နင်းရာ လမ်းက

ကျောင်းသားလေး ခင်းရာ ပန်းများလည်း မလန်းနိုင်တော့ပြီ။

လက်ကြားက မီးတိုင်တိုတိုလေးတွေကို

စုပ်ယူအားပြုလို့

ငါတို့ကြားက စကြာဝဠာကြီးဟာ

ဒီလောက်တောင် ကွာခဲ့ရပါသတဲ့ကွယ်..

ဘာတွေပဲ ဖြစ်ခဲ့ဖြစ်ခဲ့

ဘာတွေပဲ ဖြစ်လိမ့်ဖြစ်လိမ့်

ကျွန်တော်ဟာ နေပြန်မကောင်းနိုင်တော့လို့..

အတောင်မဲ့ နတ်သမီးလေး“နှင်း”ရေ

ကိုယ့်ကိုယ်ကို ဂရုစိုက်ပါနော်...

ခန့်နေ

အမျိုးအစား- အတွင်းလှိုက်စားရောဂါ

2010-05-06T18:57:00.000-07:00

ဟောဒီမှာ တစ်ယူဇနာ ဆားငန်ရည်တွေ

ဟောဒီမှာ တစ်ယူဇနာ သဲပွင့်တွေနဲ့

ဟောဒီက ကျောက်ဆောင်တို့

ကဲ ပင်လယ်ဖြစ်ဖို့ ဘာကျန်သေးလဲ..

သူ ရင်ခုံတဲ့အခါ

လှိုင်း တွေ ထ ကမယ်။

ခန့်နေ

နှစ်နှစ်သား အနိဋ္ဌာရုံသို့တဖန်

2010-05-02T02:35:00.000-07:00

နာဂစ်နဲ့ ပတ်သတ်လို့ ကျွန်တော့်မှာလည်း ဒီတစ်ပုဒ်ပဲ ရှိတော့ကာ..

“မာရ်နတ်ရေးတဲ့ နာဂစ်ဇာတ် (သို့မဟုတ်) ပြာပုံထဲက ကဗျာ”

တစ်ညထဲပဲ…
ဒါပေမယ့်
တစ်ဘဝကို အမြဲရောက်သွားသလို..။

အဲဒီဘဝမှာ ..
စာသင်ခုံတွေ မရှိတော့ဘူး
မိသားစုထမင်းဝိုင်း မရှိတော့ဘူး
အိမ် မရှိတော့ဘူး
မေမေ့ရင်ခွင် မရှိတော့ဘူး။

သောက်ရေတွေထက်
မျက်ရည်တွေ ပိုများတယ်..
စာအံသံတွေ အစား
အစာလုသံတွေက
ကျောင်းလာတက်ကြတယ်...
ခေါင်းလောင်းထိုးသံတွေရဲ့ နေရာ
လူပျောက်ရှာသံတွေက
နေရာယူကြတယ်..
နို့စာပြီး အော်ငိုသံတွေဟာ
ဘုရားရှိခိုးသံတချို့ကို
ဖုံးလွှမ်းသွားတယ်..
နာဂစ်ရေ..
ဧရာဝတီ လယ်သမားကြီးရဲ့
ဒဏ်ရာမကင်းတဲ့ လက်တွေကိုများ
ဖြတ်ပစ်လိုတာလား...
တစ်ရက်ခြားတဲ့ ဘဝမှာ
ကျောင်းသားကနေ
ငါလည်း
သူတောင်းစားတစ်ယောက်ဖြစ်ပြီ ။

ဖေးကူရာ…
ငါတို့အတွက် အလှူလည်း
အဆီတွေ စုပ်
အသားတွေ ထုတ်ခံနေရလို့…
သစ်တစ်ပင်ဟာ
အမြစ်တစ်မျှင်တောင် မကျန်တော့လို့..
လှော်တက်တစ်ချောင်းဟာ
အနားအရောက်မှာ
ထင်းစတစ်ခု ဖြစ်သွားလို့။

ငါ့အတွက်
ခေါ်စရာ အဖေရယ် မကျန်၊
တော်စရာ အမေရယ်
ပြန်မလာတော့..
အပြစ်တင်ဖို့ရာက
စစ်ကျွန်ဘဝလား ?
ဆိုင်ကလုန်းလား ?
အတိတ်ကံလား ?
ဧရာဝတီလား ?
…………………
နိဂုံး မထိုးတတ်ခင်..
မီးမွှေးဖို့ဆိုပြီး
ငါ့ကဗျာလေးကိုလည်း
သူတို့ဆွဲယူသွားကြတယ်....။

ခန့်နေ

ဒီကဗျာကို ၂၀၀၈၊ သြဂုတ်လလောက်မှာ ရေးပြီးခဲ့ပါတယ်။ သံလွင်အိပ်မက်အင်တာနက်မဂ္ဂဇင်း ကို ပထမဆုံးပို့ဖြစ်ပြီး ဖော်ပြခံတစ်ပုဒ်လည်း ဖြစ်ခဲ့ပါတယ်။ အခု ၂၀၁၀ မေလ(၂)ရက်၊ နာဂစ်ဖြစ်ခဲ့တာ နှစ်နှစ်မြောက်အဖြစ် ပြန်လည် မှတ်တမ်းတင်လိုက်ပါတယ်..

ငါတို့ ဘာသာစကားကို ပြောတတ်သူတွေ

2010-05-02T00:19:00.000-07:00

စကားတတ်သူ၊ ကစားတတ်သူများ၊

ရေလျှံသူ၊ ရန်ရှည်သူများ၊

ရေတိမ်နစ်သူ၊ ရေနစ်တိမ်သူများ၊

ဝါးကူထိုးသူ၊ သူထိုးကူဝါးများ၊

သမ်းဝေနေသူ၊ ဝမ်းသေနေသူများ၊

ထိပ်တိုက်တွေ့နေသူ၊ ထိပ်တွေ့တိုက်နေသူများ..

ကျွန်ုပ်တို့၏ အဓိပ္ပာယ်ကို

ကျွန်ုပ်တို့က ဖော်ပြဖို့

ကျွန်ုပ်တို့၏ ဘာသာစကားနှင့်ပင် လုံလောက်ပါ၏။

ခန့်နေ

ဆောင်းရာသီဖြတ်သန်းသွားလာမှု မှတ်တမ်း

2010-04-29T05:17:00.000-07:00

ဆောင်းရာသီဟာ ကိုယ်လက်မအီမသာဖြစ်နေတယ်

ဆောင်းရာသီဟာ ဒီနေ့ ဖားမမိလို့/ မဖားမိလို့

ဆောင်းရာသီဟာ လမ်းသလားနေရခြင်း

ဆောင်းရာသီဟာ လည်ပင်းမှာ ဆောင်းရာသီဆိုတဲ့ ဆိုင်းဘုတ်ကြီးနဲ့

ဆောင်းရာသီဟာ လည်မျိုမှာ ကဗျာတွေ မျိုထားတယ်

ဆောင်းရာသီဟာ လည်ရှည်ဖိနပ်ကြီးကို စီးလို့

ဆောင်းရာသီဟာ မြို့ရဲ့ အထဲကို ဝင်လာပြီ

ဆောင်းရာသီဟာ လည်ပြန်တောင် ငဲ့မကြည့်ဘူး

ဒီလိုနဲ့ ဆောင်းရာသီဟာ ပန်ကာလေအပေါ် သံသယ/ရာ ဝင်မိတယ်

ဆောင်းရာသီဟာ ဆောင်းရာသီမှာ စွပ်ကျယ်တွေ ဈေးလျော့ရောင်းမိသလို

ဆောင်းရာသီဟာ ဆောင်းရာသီမှာ နှင်းတွေကို ဈေးတင်ခေါ်မိလေတယ်

ဆောင်းရာသီဟာ ဆောင်းတစ်ဦးရာသီနဲ့ ဆောင်းရာသီတွေရှေ့မှာ (ကြိယာဝိသေသနတွေမပါပဲ) လက်ထပ်ခဲ့လေတယ်

ဆောင်းရာသီဟာ ဆောင်းရာသီမှာ ဆောင်းရာသီနဲ့ အတောင်ပံချင်းခတ်မိရာကနေ နှင်းတွေ လွင့်လွင့်ထွက်လာသတဲ့

ဆောင်းရာသီဟာ ဆောင်းရာသီရောက်ရင် ဆောင်းရာသီအချင်းချင်း သတိရှိကြဖို့ လက်အောက်ဆောင်းငယ်ရာသီများကို ခေါ်ယူသတိပေးခဲ့တယ်

ဆောင်းရာသီဟာ ဆောင်းရာသီဈေးကွက်မှာ ငယ်မွေးဆောင်းပေါက်ရာသီများကို ခေါ်ယူဖို့ အထက်ဆောင်းရာသီကြီးမင်းထံ အစီအရင်ခံထားတယ်

ဆောင်းရာသီဟာ ဆောင်းချစ်စိတ်ဓါတ်ရှင်သန်ထက်မြက်စွာနဲ့ ဆောင်းဥအတုလေးတွေကို ဥချခဲ့တယ်..

"ဒါပေမယ့်လို့ နွေထီးခေါင်ကြီး နှင်းကိုမျှော်တဲ့ကိစ္စကတော့

ကိုယ့်စိတ်ကိုယ်ကို အတင်းအဓမ္မပြုကျင့်နေတဲ့ အရူးရဲ့ အလုပ်သာဖြစ်ပေလိမ့်မယ်"လို့

ဆောင်းဂျာနယ် ပြောရေးဆိုခွင့်ရှိသူတစ်ဦးက ဆောင်းဘာသာစကားနဲ့ အတည်အလင်းပြောကြားသွားခဲ့ပါတယ်

အလို... ဆောင်းဘာသာစကားဟာ “နှင်း” မှ ဟုတ်ပါစ...

ခန့်နေ

ငါ့ရင်ခွင်ကို (ဇော်ဝင်းထွဋ်)

2010-04-27T21:23:00.000-07:00

ဒီသီချင်းကို အစ္စဏီဆိုတော့မှ ကြားဖူးတာ.. နောက်ပြီးမှ ဇော်ဝင်းထွဋ် versionကို ပြန်နားထောင်ဖြစ်တယ်.. အသက်(၂၀)ပြည့်ပြီးနောက်ပိုင်း ဆောင်းဦးလှိုင်ရဲ့ စာသားတွေ ပထမဆုံး ပြန်မှန်တဲ့အကြိမ်ပေါ့ ...

ရှင်သာ ရှင်လိုက်ချင်တော့တယ် ကိုယ့်လူရေ

2010-04-25T07:29:00.000-07:00

သူဝင်သွားတဲ့အချိန်မှာ အခြေအနေက သိပ်မဟန်တော့ဘူး.. ကော်ဖီခွက်ထဲမှာ နို့ဆီလျော့နေပြီ။

ဘောင်းဘီအိတ်ထဲ လက်နှိုက်ပြီးတော့ အကြွေတွေကို ရေကြည့်နေတယ်.. အဝေးပြေးကားဂိတ်က မွေးနေ့ကိတ်ဟာ လက်သည်ပေါ်ပေါ် အလှီးခံနေရတယ်။

ဘာမှမတတ်နိုင်တော့ဘူး။ ပိုက်ဆံစုထားတာပြည့်ရင် သေကြောင်းကြံနည်း (၁၀၀)စာအုပ်ကို သူဝယ်ဖတ်ဖို့ စဉ်းစားထားတယ်.

သေကြောင်းကြံရန်အသင့်ဖြစ်ဖို့အတွက် ဟိုနေ့က ကျန်းမာရေးဒေါင်ဒေါင်မြည်ကြောင်း သူ့အစ်ကို ဆရာဝန်တစ်ယောက်ဆီမှာ သွားစစ်တယ်။ အားလုံး အိုကေပဲ။

ဆေးတွေကို လှုပ်မသောက်မိဖို့ ပြောတဲ့ဆရာဝန်ထဲမှာတော့ အဲဒီအစ်ကိုဟာ ပထမဆုံးဖြစ်မယ်။ ဟိုတစ်နေ့ကပဲ သူနဲ့ သူ့ကောင်မလေး စေ့စပ်လောင်ကျွမ်းခြင်း ပြီးစီးသွားတယ်။ (တကိုယ်လုံး ရစရာကိုမရှိခဲ့၊ ပေးစရာလည်း မရှိခဲ့)

“တကယ်တော့ နှစ်ယောက်လို့ပြောလို့ မရဘူး.. အမှန်က နှစ်စဗျ.. နှစ်စ.. မင်း တစ်စဟာ ဟိုတစ်စနဲ့ သွားသွားညိနေတာ..” သူ့ဦးလေးကဗျာဆရာပြောတဲ့ စကား နားထဲဝင်၊ လျှံ တက်သွားတယ်။

နှစ်ယောက်ရှိတာ သေချာပလားဆိုတဲ့ စကားကို သူ ရွံရှာမုန်းတီးခဲ့တယ်။ ဒီလိုနဲ့ ရှူနေကျ ရှူဆေးဘူးကို သူလိုက်ရှာကြည့်တယ်။ မီးခိုးရောင် မီးခိုးတွေဟာ ကောင်းကင်ပေါ်လိမ့်လိမ့်/လိမ်လိမ် တက်လာတယ်။

ဘယ်ဆီ ဘယ်ဝယ်မှန်း သူမသိချင်ဘူး။ ဓါတ်မီးတစ်လက်နဲ့ ဟိုရှာ ဒီရှာလုပ်ကြည့်တယ်.. သူ့ကိုယ်သူလည်း တွေ့လိုတွေ့ညား..။ အိပ်နောက်ဖေးက ဂိုဒေါင်မှာ လူတစ်ယောက်ကို လှမ်းတွေ့တယ်။ အချိန်အတော်ကြာ သူနဲ့ စကားတွေပြောဖြစ်ကြတယ်။

ဟိုလူက အဆိပ်သုံးတဲ့အခါ ကိုယ်နဲ့တည့်တဲ့ အဆိပ်ကို ရွေးသုံးသင့်ကြောင်း.. ဒါမှသာ သေခြင်းဟာ ကြာရှည်ခံမှာဖြစ်ကြောင်း.. အလာ့ဂျစ်ဖြစ်မဖြစ်လည်း အရင် နည်းနည်းစီ စမ်းသုံးကြည့်သင့်ကြောင်း။

သူက သူသေကြောင်းကြံစည်ဖို့လျှောက်လွှာတင်ထားတာ အခုထိမကျသေးကြောင်း.. အင်တာဗျူးတစ်ခု၊ နှစ်ခု ဖြေပြီးသော်လည်း သေချာပေါက်သေဖို့မှာ မသေချာသေးကြောင်း.. ခန့်မှန်းရန်ခက်ကြောင်း..

နှစ်ပတ်၊ သုံးပတ်လောက် ထပ်စောင့်ရမှာဖြစ်ကြောင်း.. စသဖြင့်ပေါ့.. သူ့ကိစ္စကို ဟိုရောက် ဒီရောက် လျှောက်ပြောနေမိတယ်..

သူ့မှာ (ကျန်းမာရေးစစ်ဆေး/ဆေးစစ်ချက်အရရော၊ စိတ်ဓါတ်၊ ကံဇာတာ၊ ပညာအရည်အချင်းအရပါ) သေဖို့အရည်အချင်းပြည့်မှီနေတာပဲ..

ဘာ့ကြောင့်များပါလိမ့်.. သူစဉ်းစားမရဖြစ်နေတယ်။ ဟိုလူကတော့ ဆိတ်ဆိတ်နေပြီး တစ်နာရီလောက်ကြာမှ တစ်ခွန်းဟ၊ နှစ်ခွန်းဟ ပြန်ပြန်ပြောတယ်။ နောက်တော့ သူလည်း ပိုပြောလာတယ်။

သေဖို့ ကိစ္စမှာ သိပ်လောရင် မကောင်းကြောင်း.. အခုခေတ် သေဆုံးခွင့်နည်းလမ်းတွေဟာ အနည်းဆုံး (၂)နှစ် (၃)နှစ်လောက် သေဖူးတဲ့အတွေ့အကြုံရှိမှသာ တိုးပေါက်ကြောင်း။

သေချင်သူတွေများနေကြောင်း။

သူဟာ အခုမှ အစိမ်းသက်သက် သေရမှာဖြစ်တဲ့အတွက် အခွင့်အလမ်း မဆိုသလောက် နည်းပါးကြောင်း၊ ဖြစ်နိုင်ရင် လျှောက်လွှာတင်ထားချိန်တွေမှာ အချိန်ပိုင်း သေဆုံးခွင့် နည်းဗျူဟာ၊ သီအိုရီများကို လေ့လာနေသင့်ကြောင်း။

ဒါမှမဟုတ် အသက်ပေးလမ်းကြောင်းပညာဘွဲ့ကို နောက်ထပ် (၃)နှစ်လောက် ထပ်တက်လိုက်ရင်တော့ သေခွင့်ရဖို့ တပမ်းသာ၊ ပိုသေချာကြောင်း။

“နာရေးလျှောက်လွှာခေါ်ယူမှု မှန်သမျှ ကျွန်တော်လျှောက်ထားတာပဲ ခင်မျာ” ဒီလောက်ကြီးတော့လည်း မရှားပါးသင့်ဘူး ထင်တယ်။ သေဆုံးပြီးသူတချို့ဆီက ထောက်ခံချက်လည်း ပါတာပဲ.. တစ်ခုခုများ လွဲနေလို့လား..

လျှောက်လွှာတင်တုန်းက ဓါတ်ပုံတွေ ဘာတွေက ဟောင်းနေလို့များလား.. ဖောင်မှာ ဖြည့်တဲ့လက်ရေးက မလှလို့လား.. မှင်က သူတို့ လိုချင်တဲ့ကာလာ မဖြစ်လို့လား.. ထင်ရှားသည့် အမှတ်အသားကို မကြိုက်လို့လား..

ဒါမှမဟုတ်.. သူအိပ်မောကျနေတဲ့အချိန် တယ်လီဖုန်းတွေ ဘာတွေများ ဆက်လို့ မသိလိုက်ရတာများလား။ ဒါမှမဟုတ်.. အသက်ကြီးနေလို့ မသေသင့်တာများလား..

ဒါတော့ မဖြစ်နိုင်ကောင်းရဲ့.. သူ့သူငယ်ချင်းတွေ တော်တော်များများတောင် စသေရမယ့်ရက်ကို ရက်ချိန်းယူပြီးသွားကြပြီ.. တချို့ကလည်း မသေချင် သေချင်နဲ့သေရ။ တချို့ကျတော့ သေချင်လို့ တစ်ပိုင်းသေနေတာတောင် မသေရ။

သေခွင်တွေ ဘာတွေ သေချာတွက်ကြည့်ပြီး ယတြာလေးဘာလေးရော..

တော်.. တော်ပါဗျာ.. ရယ်စရာတွေ မပြောပါနဲ့..

နေပါအုံးကွာ.. မင်းက ဘာရည်ရွယ်ချက်နဲ့ သေချင်ရတာတုန်း.. သူများတွေ သေနေလို့ popping လိုက် သေချင်နေတာလား..

ဟာ.. ခင်များမို့ ပြောရက်တယ်ဗျာ.. ကျုပ်က သေခြင်းကို နက်နက်နဲနဲ လေ့လာလိုက်စားနေတဲ့ သူဗျ..

အေးလေ.. အဲဒါကြောင့်လည်း မင်းခံနေရတာပေါ့..

အွင်.. ဝါသနာ၊ စိတ်ပါရာဖြစ်လို့ သေခွင့် လျှောက်ပါတယ်.. ခင်များပြောမှပဲ ရှင်ချင်စော်ကို နံသွားတာပဲ..

အဲဒီအချိန်မှာပဲ ရုတ်တရက် ရဲတွေဝင်လာပြီး ပြောလိုက်တာကတော့..

“ဟေ့.. မင်းတို့ နှစ်ကောင်ကို အသက်ရှူသံအတုပြုလုပ်မှုနဲ့ ဖမ်းလိုက်ပြီ.. ဝရမ်းအမိန့်အရ.. လူ့ပြည်မှာ လူဒဏ် တစ်သက်တစ်ကျွန်းခံဖို့သာ ပြင်ထားပေတော့”

“ဟိုက်.. .. ... ရှင်သာ ရှင်လိုက်ချင်တော့တယ် ကိုယ့်လူရေ”

ခန့်နေ

update။ ။ခေါင်းစဉ်ကို ပြန်လည်ပြုပြင်။

တာရာမင်းဝေကဗျာများ (မိုးခေါင်လို့ တီးတဲ့ဗုံသံ ကဗျာစာအုပ်မှ)

2010-04-23T22:55:00.000-07:00

အခုတလော ဖတ်ဖြစ်နေမိတဲ့ ဆရာတာရာရဲ့ မိုးခေါင်လို့ တီးတဲ့ဗုံသံတွေထဲက ကျွန်တော်နဲ့ လိုက်တဲ့ကဗျာတွေပေါ့..

ဗျတ်စောင်း ဘာသာဗေဒ

လခြမ်းအဝါကို မြင်လို့

ကောင်းကင်ကို မမြင်လိုက်ဘူး။

တစ်ယောက်နဲ့ တစ်ယောက်

ရွာရိုးကိုးပေါက် ဝေးခဲ့မိတယ်။

ကောင်မလေးရေ

ငါ့ရဲ့

အမေတစ်ဝက်၊ ဆောင်းရာသီတစ်ဝက် ကောင်မလေးရေ

ငါ့ကို ကယ်ပါ။

ငါ့ကို ကယ်တင်တယ်လို့ သဘောမထားဘဲ

ငါ့ကို ကယ်ပါ

မင်းရဲ့ အဖြူတစ်ဝက်ရဲ့ အဖြူတစ်ဝက်လောက်

ငါ့ကို ဆွတ်ပေးပါ။

ရင်ဘတ်က ကြယ်ငွေ့တွေ ဖြာကျလာတဲ့အထိ

ငါ ပွင့်ပစ်လိုက်ချင်လို့ပါ။

လယ်သူမ

ကျွန်တော့် တောင်ကုန်းကလေးပါ

အလင်းတွေနဲ့

ခပ်မို့မို့ တည်ဆောက်ထားတယ်။

နေ့ရက်တွေကြာ

နွေအပြာတွေ ပွင့်ပွင့်သွား။

ဖြတ်သန်းပြီးသား တိမ်တွေ

တစ်အုပ်ပြီး တစ်အုပ် ပြန်ကွေ့လာကြ။

... ... ...

ကျွန်တော် ပွေ့ပိုက်ခဲ့ရတယ်။

နောက်ဆုံးတော့လည်း

ဘာမှ မဟုတ်ခဲ့ပါဘူး။

ကိုယ့်ရင်ဘတ်ကိုယ် အကြမ်းကြုတ်ဆုံး ဆွဲဖွင့်ပြီး

နေပူကြဲကြဲတွေ သွန်ချပစ်ရတာက လွဲရင်ပေါ့။

သံယောဇဉ်ကိုမှ

ခုတ်ထွင်ရှင်းလင်းတတ်တဲ့ လယ်သူမရယ်

အခုတောင် လွမ်းတယ်။

အနုပညာ မှော်ဝင်စားမှု

ကြေးနီရောင်သင်းတဲ့

မြားကျိုးတစ်စင်း ထိမှန်ထားတယ်။

လက်ဖဝါးခြေဖဝါးမှာ

အမေဝတ်ပေးခဲ့တဲ့ အရေခွံတွေ ကျွတ်ကွာကျ

ပန်းရောင်ပျပျကလေးသာ ရှင်းပလာ...။

တကယ်တော့

မြို့ပျက်တစ်ခုပါပဲ

ဒါပေမယ့်.. ဗျတ်စောင်းတစ်လက်ရှိနေလို့

ကိုယ်.. ချိုနေမိတယ်။

နိုဝင်ဘာ

ငါ့ရဲ့ ရွှေအိပ်မက်ကို

ခြေကျင်းတွေလို ခွဲစိတ် ဝတ်ဆင်ထားတဲ့ မိန်းမ။

မြူခိုး နီညိုတွေကြားမှာ

စံပယ်တွေ ကပိုကရိုနဲ့.. လှလို့။

ငါ.. တစ်ပွင့်ပြီး တစ်ပွင့်ပြီး တစ်ပွင့်ပြိုလဲ

နှင်းအဆက်ဆက်တိုင်အောင် ကြေကွဲခဲ့ရပေါ့။

ကျွန်တော်နှင့် သနပ်ခါးပွင့်ကလေး

စစ်မက်ပြိုင်မိုး

ကြယ်ကလေးတွေ စီးချင်းမထိုးကြပါနဲ့။

မိုးချုပ်အိမ်ပြန်

လမင်းကို ပန်တဲ့မိန်းကလေး

ငြိမ်းချမ်းရေးနဲ့ အိပ်စက်နေလို့ပါကွယ်။

တာရာမင်းဝေ

အဲလိယစ်တ်ပြောတဲ့ Sensibility (ဇေယျာလင်း)

2010-04-22T08:39:00.000-07:00

ဆရာဇေယျာလင်းရဲ့ ကဗျာဘဝရှာတော်ပုံ ဆောင်းပါးချုပ်စာအုပ်ထဲက ကျက်တဲ့ကဗျာနဲ့ စိမ်းတဲ့ကဗျာဆိုတဲ့ ဆောင်းပါးတစ်ပုဒ်ကို အရင်က တင်ခဲ့ဖူးပါတယ်။ သူ့ရဲ့ ဆောင်းပါးတွေကို ကျွန်တော်လက်လှမ်းမှီသလောက်တင်ပြရတာဟာ ဒီနေ့ ခေတ်ပြိုင်ကဗျာတွေကို ထဲထဲဝင်ဝင်မရှိသူတွေအတွက် မိတ်ဆက်သဘောနဲ့ ရှိပြီးသားသူတွေအတွက်တော့ အထောက်အကူ (ပြန်နွေး)ဖြစ်လိုဖြစ်ညား သဘောသက်သက်သာဖြစ်ပါတယ်။ ကဗျာအမြင်မတူသူတွေအတွက်တော့ ရှုထောင့်သစ်တွေကို အကဲခတ်ရန်ပေါ့။ သူ့ကဗျာတွေဟာ ရှုပ်ထွေးအောင် တမင်ပြုလုပ်ထားတယ်လို့ ထင်ရသလောက် ဆောင်းပါးတွေမှာတော့ ရှင်းခနဲ၊ လင်းခနဲတွေ ဖြစ်နေတာမျိုး ကျွန်တော် ကြုံတွေ့ခဲ့ဖူးပါတယ်။ အခု ဆောင်းပါးကတော့ အဲဒီစာအုပ်ထဲကပဲ စာမျက်နှာ ၁၆၄မှာပါတဲ့ "အဲလိယစ်တ်ပြောတဲ့ Sensibility" ဆိုတဲ့ ဆောင်းပါးဖြစ်ပါတယ်။ (အဲလိယစ်တ် = T.S.Eliot)
အချိန်ရရင် ရသလို ကျန်တဲ့ ဆောင်းပါးများကိုလည်း တင်ပေးချင်ပါတယ်။..

...........................................................

အဲလိယစ်တ်ပြောတဲ့ Sensibility

ကျွန်တော်တို့ မြန်မာကဗျာလောကမှာ sensibilityကို “အာရုံခံစားမှု”လို့ ပြောကြတာရှိပါတယ်။ ခေတ်ပေါ်ကဗျာဆိုတော့ ခေတ်ပေါ်အာရုံခံစားမှုပေါ့။ modern sensibility လို့ သုံးကြတာလည်း တွေ့ရပါတယ်။ ခက်တာက ဒီ “ခေတ်ပေါ်အာရုံခံစားမှု”မှာ တိကျတဲ့ အဓိပ္ပာယ်ဖွင့်ဆိုချက် မရှိတာပဲ။ ခေတ်မှာပေါ်လာတဲ့ အာရုံခံစားမှုလို့လည်း အလွယ်တကူပြောမရ၊ ဘာကို အာရုံခံစားတာလဲ ဆိုတာလည်း ပြောရခက်။ ပြည်သူ့ဘဝသရုပ်ဖော်လိုလို၊ ပြည်သူ့ကိုယ်စားကဗျာရေးသူရဲ့ ခံစားချက်လိုလို၊ ကဗျာရေးသူရဲ့ တသီးပုဂ္ဂလခံစားချက်လိုလို၊ “ခေတ်ကိုထင်ဟပ်တဲ့” အာရုံခံစားမှုလိုလို၊ အားလုံးလည်း ပါဝင်ကောင်း ပါဝင်ကြပါလိမ့်မယ်။အသေအချာပြေကြတာကတော့ ခေတ်ပေါ်ကဗျာကို ခေတ်ပေါ်အာရုံခံစားမှုနဲ့ ရေးရတယ်ဆိုတာပါပဲ။ အဲဒီခေတ်ပေါ်အာရုံခံစားမှုဆိုတာ နေ့စဉ်ဘဝရဲ့ အဖြစ်သနစ်တွေ၊ ရိုက်ခတ်မှုတွေ၊ တွေ့ကြုံရင်ဆိုင်ရမှုတွေပေါ် တုန့်ပြန်မှုတွေချည်းသက်သက်လား။ ဘာသာစကားပေါ်မှာ၊ မီဒီယာတွေပေါ်မှာ၊ လူထုဆက်သွယ်ရေးစနစ်တွေပေါ်မှာကော အာရုံခံစားမှုမရှိနိုင်ဘူးလား။ မရှိဘူးလား။ အာရုံခံစားမှုပေါ်မှာ ပြန်အာရုံခံစားမှုမျိုးကော မရှိနိုင်ဘူးလား။ အာရုံခံစားမှုထဲမှာ အတွေးကော မပါဘူးလား။ အာရုံခံစားမှုနဲ့ အာရုံသိမှုဟာ အတူတူပဲလား။ ကွဲပြားမှုရှိသလား။ “အာရုံ”ဆိုတဲ့ စကားကို ဘုံထုတ်လိုက်ပြီး “ခံစားမှု”နဲ့ “သိမှု”ကို ဘယ်လိုခွဲခြားမလဲ၊ ဘယ်လို ဆက်စပ်မလဲ။

ဒါတွေဟာ ဘာသာစကားကို စိတ်ဝင်စားတဲ့ ကျွန်တော့်ဝသီကြောင့် ကျွန်တော်လျှောက်တွေးနေတာလည်း ဖြစ်နိုင်ပါတယ်။ ဒါတွေ မတွေးဘဲ၊ မစဉ်းစားဘဲ၊ သိစရာမလိုဘဲ ကဗျာတွေ ရေးနေလို့လည်း ရတာပဲမဟုတ်လား။ အဲဒါတွေ မပါဘဲ ဆုရကဗျာတွေတောင် ရေးလို့ရတာပဲ မဟုတ်လား။ “ကဗျာဆိုတာ ခံစားမှုကလာတာ၊ သိမှုတတ်မှုတွေဟာ ကဗျာကို ဖျက်စီးတယ်”ဆိုတဲ့ ရောမန္တိက အယူအဆကလည်း အခြေခိုင်နေသေးတယ် မဟုတ်လား။ ဒါတွေဟာလည်း အယူအဆကိစ္စတွေပါ။ အတ္တနောမတိတွေနဲ့လည်း ယှက်နွယ်လာတော့ ကိုယ်မှန်တယ်ထင်တာ ကိုယ့်အမှန်တရားပေါ့။ ဒါပေမယ့် ကဗျာဗေဒဆိုတာ ရှိသေးတယ်လေ။ ကဗျာဆိုတာ အနုပညာဖြစ်တယ်ဆိုရင် “အနုပညာ”မှာ “ပညာ”ဆိုတဲ့ စကားလုံးနဲ့ အဲဒီစကားရဲ့ အနက်အဓိပ္ပာယ်ရှိသေးတယ်ဆိုတာ မမေ့အပ်ဘူးလို့ ထင်ပါတယ်။ ပညာဆိုတာကလည်း လေ့လာလိုက်စားသူအတွက် ကြိုက်နှစ်သက်စရာ တန်ဖိုးရှိတဲ့ ကြိုက်နှစ်သက်စရာလည်း ဖြစ်ပါတယ်။ ကဗျာဗေဒလည်း ထိုနည်းတူပေါ့။

အဲဒီတော့.. တီ၊ အက်စ်၊ အဲလိယစ်တ်ရဲ့ sensibility။ ဒီ sensibility ကိစ္စကို အဲလိယစ်တ်က The Metaphysical Poets ခေါင်းစဉ်တပ် essays ထဲမှာ ရေးသားဖော်ပြခဲ့တာရှိပါတယ်။ ၁၉၂၀လောက်ကပါ။ ဗြိတိသျှနိုင်ငံ၊ ပထမအလစ်ဇ်ဘက်သ်ဘုရင်မခေတ်မှာ ပေါ်ပေါက်ခဲ့တဲ့ ကဗျာဆရာတွေရဲ့ ကဗျာအမျိုးအစားဖြစ်ပါတယ်။ ဦးဆောင်သူတွေထဲမှာ ထင်ရှားကျော်ကြားခဲ့တာကတော့ John Donne ဖြစ်ပါတယ်။ ဒီကဗျာဆရာတွေနဲ့ ဆက်နွယ်ပြီး အဲလိယစ်တ်ထွင်လိုက်တဲ့ စကားနှစ်ခွန်းကတော့ “Unification of sensibility” (အာရုံခံစားမှု ဆက်စပ်စည်းလုံးခြင်း)နဲ့ “Dissociation of sensibility” (အာရုံခံစားမှု အဆက်အစပ်ပြတ်တောက်ခြင်း)လို့ ကျွန်တော် ဘာသာပြန်ကြည့်လိုက်ပါတယ်။

အဲလိယစ်တ်ရဲ့ sensibility ဟာ ကျွန်တော့်တို့ သာမန်သုံးစွဲနေကြတဲ့ “အာရုံခံစားမှု/ အာရုံခံစားနိုင်စွမ်း” ဆိုတဲ့ အဓိပ္ပာယ်ထက် ကျယ်ဝန်းနက်ရှိုင်းတာကို တွေ့ရပါတယ်။ အဲလိယစ်တ်ပြောခဲ့တဲ့ sensibility ဆိုတာ သူကိုယ်တိုင်ရှင်းပြတဲ့ “synthetic faculty” ဖြစ်ပါတယ်။ “ပေါင်းစပ်နိုင်တဲ့ စွမ်းရည်”လို့ အဓိပ္ပာယ်ယူလို့ ရပါတယ်။ အဲဒီတော့ အဲလိယစ်တ်ရဲ့ sensibility ဟာ အာရုံခံစားမှုဆိုတာထက် “အာရုံများပေါင်းစပ်နိုင်တဲ့ စွမ်းရည်”၊ သို့မဟုတ် “အာရုံခံစားမှုများ ပေါင်းစပ်နိုင်တဲ့ စွမ်းရည်” ဖြစ်ပါတယ်။ ကဗျာရေးသူတွေမှာ ရှိ(သင့်)တဲ့ စွမ်းရည်လို့ အဲလိယစ်တ်က ဆိုပါတယ်။ အဲလိယစ်တ်ရဲ့ အလိုအရ ဒီMP ကဗျာဆရာတွေဟာ ပညာရပ်တွေကို အထူးလိုက်စားကြတယ်။ ဗဟုသုတအမျိုးမျိုးကို ရှာမှီးကြတယ်။ စာတွေအများကြီး ဖတ်ကြတယ်။ ဖတ်ပြီး ကြေကြေညက်ညက် စဉ်းစားကြတယ်။ ဒီလိုပညာတွေ၊ ဗဟုသုတတွေ ရှာမှီးစုဆောင်းခြင်းအားဖြင့် သူတို့ရဲ့ (အာရုံ)ခံစားပုံဟာ တစ်နည်းတစ်ဖုံပြောင်းလဲသွားကြတယ်။ သူတို့ဟာ အတွေးနဲ့ ခံစားမှုကို ပေါင်းစပ်လိုက်ကြတယ်။ နှင်းဆီတစ်ပွင့်ရဲ့ ရနံ့ကို တိုက်ရိုက်ခံစားသလို အတွေးတစ်ခုကိုလည်း တိုက်ရိုက်အာရုံခံစားဖို့ ကြိုးစားတယ်။ အတွေးနဲ့ (အာရုံ) ခံစားမှုကို မခွဲခြားတော့ဘူး။ အတွေးကို အာရုံခံစားပြီး အာရုံခံစားမှုကို တွေးကြတယ်။ တွေးခြင်းဟာ အာရုံခံစားခြင်းဖြစ်တဲ့အထိ။ အတွေးနဲ့ အာရုံခံစားခြင်ဟာ တစ်သားတည်းဖြစ်တဲ့အထိ။

နောက်တစ်ခုက ကွဲပြားခြားနားပြီး အဆက်အစပ်မရှိတဲ့၊ သာမာန်အားဖြင့် ဆက်စပ်လို့မရတဲ့၊ ဆန့်ကျင်ဘက်တွေတောင်ဖြစ်နေကြတဲ့ တွေ့ကြုံခံစားမှုတွေ၊ အတွေးတွေကို ပေါင်းစပ်ယူလိုက်ကြတာ ဖြစ်တယ်။ သိမှု၊ စဉ်းစားမှု၊ ယုတ္တိနဲ့ ယှဉ်ကြည့်ရင် ကွဲပြားခြားနားကြပေမယ့် အာရုံခံစားမှုမှာ သွားတူတာတွေကို ပေါင်းစပ်လိုက်တာဖြစ်တယ်။ ဂျွန်ဒေါန်ရဲ့ အချစ်ကဗျာတစ်ပုဒ်မှာဆိုရင် သန်းတစ်ကောင်ကို ပင်မဇာတ်လိုက် လုပ်ထားတာတွေ့ရပါတယ်။ အချစ်ကဗျာဆိုမှတော့ အချစ်ခံစားမှုအကြောင်း ရေးဖွဲရမှာပေါ့။ ဘာဖြစ်လို့ ဒီရွံ့မုန်းစရာကောင်းတဲ့ သန်းက ဇာတ်လိုက်ဖြစ်နေရတာလဲ။ ကဗျာထဲမှာ အမျိုးသားဇာတ်ဆောင်ဟာ သူချစ်ရတဲ့ အမျိုးသမီးဇာတ်ဆောင်ကို ပြောနေတာဖြစ်ပါတယ်။ မင်းနဲ့ငါ ချစ်ကြလျက်သားနဲ့ မပေါင်းစပ်နိုင်ကြ၊ မစပ်ယှက်နိုင်ကြတာဟာ သန်းတစ်ကောင်ရဲ့ ဘဝလောက်တောင် မကောင်းရှာကြဘူး။ ဘာဖြစ်လို့လဲဆိုတော့ ဒီသန်းဟာ မင်းကိုကိုက်ပြီး မင်းရဲ့သွေးကို စုပ်ယူတယ်။ ပြီး ငါ့ကို ကိုက်ပြီး ငါ့ရဲ့သွေးကို စုပ်ယူတယ်။ သူ့ခန္ဓာကိုယ်ထဲမှာ မင်းရဲ့သွေးနဲ့ ငါ့ရဲ့သွေးတွေရောနှောခွင့်ရကြတယ်။ မင်းနဲ့ ငါကျတော့.. ။ နောက်တစ်ပုဒ်မှာ သူနဲ့ သူ့ချစ်သူကို ကွန်ပါချွန်ရဲ့ ထောက်နှစ်ဖက်နဲ့ နှိုင်းထားတာ တွေ့ရပါတယ်။ အဲသလို မဆက်စပ်အပ်ရာတွေကို ဆက်စပ်ပြီး ရေးသားကြတဲ့အတွက် အဲဒီ MP ကဗျာတွေကို မဆီမဆိုင်တာတွေကို အတင်းအဓမ္မဆက်စပ်ရေးသားကြတဲ့ ကဗျာတွေကို ဝေဖန်ပုတ်ခတ်ခဲ့ကြပါတယ်။ အဲလိယစ်တ်ကတော့ အဲဒါကိုပဲ အထူးနှစ်သက်ခဲ့ပါတယ်။ အဲဒီကဗျာတွေမှာ Unification of sensibility ကို တွေ့ရှိရပြီး နောက်ပိုင်းကဗျာတွေမှာ အဲဒီ sensibility မျိုး ပျောက်ကွယ်သွားခဲ့တာဖြစ်ပါတယ်။ အဲလိယစ်တ်ရဲ့ modern sensibility ဆိုတာ အဲဒီ sensibility ကို ၂၀ရာစုဦးပိုင်း modern သမိုင်းကာလမှာ ပြန်ပျိုးထောင်လေ့ကျင့် သင်ယူသုံးစွဲနိုင်တဲ့စွမ်းရည်ဖြစ်ပါတယ်။

ဘာဖြစ်လို့ modern sensibility လဲ။ ၂၀ရာစုဦးပိုင်း လူ့သမိုင်းမှာမကြုံစဖူး အဖြစ်ထူးတွေပေါ်ပေါက်လာခဲ့ပါတယ်။ စက်မှုထွန်းကားပြီး တီထွင်မှုတွေများပြားလာတဲ့အလျောက် လူနေမှုဘဝပုံစံတွေ ပြောင်းလဲသွားကြပါတယ်။ အာရုံတွေများလာတယ်။ မြန်လာတယ်။ ပြိုကွဲလာတယ်။ ယဉ်ကျေးမှုမြင်မားလှချည်ရဲ့ဆိုတဲ့ အနောက်တိုင်းသားတွေဟာ ဥရောပမှာ ကမ္ဘာ့စစ်ကြီး ဖန်တီးပြီး လူသတ်ပွဲကြီး ကျင်းကကြပါတယ်။ ဘယ်မှာလဲ၊ ဆင်ခြင်ယုတ္တိမြင့်မားမှု။ ဘယ်မှာလဲ၊ အသိတရားနဲ့ မေတ္တာရှေ့ထားမှု။ ဘယ်မှာလဲ၊ သိပ္ပံနဲ့ နည်းပညာက တကြော်ကြော်အော်လာခဲ့တဲ့ လူနေမှုဘဝမြှင့်တင်မှု။ ဘယ်မှာလဲ သမိုင်းရဲ့စဉ်ဆက်မပြတ်တိုးတက်မှု။ ဘယ်မှာလဲ၊ အမှန်တရား။ ဘာလဲ၊ အနုပညာ။ အကုန်လုံးပြိုကွဲသွားခဲ့ပြီ။ အဲဒီလို အပိုင်းပိုင်းအစစ၊ သမိုင်းခေတ်ရဲ့ ရလဒ်၊ modern သမိုင်းခေတ်ရဲ့ စရိုက်လက္ခဏာ၊ modern သမိုင်းခေတ်ရဲ့ ရလဒ်၊ modern သမိုင်းခေတ်ရဲ့ အာရုံခံစားမှု။ အဲဒီလို အပိုင်းပိုင်းအစစ၊ အစိပ်စိပ်အမွှာမွှာပြိုကွဲသွားခဲ့ပြီဖြစ်တဲ့အတွက် အဲဒီအပိုင်းပိုင်းအစစ၊ အစိပ်စိပ်အမြွှာမြွှာ fragments တွေနဲ့ပဲ ဖန်တီး၊ ဖွဲ့စည်း၊ တည်ဆောက်ယူရတော့မှာပဲ ဖြစ်တော့တယ်။

အဲလိယစ်တ်ရဲ့ The Wasteland ကဗျာမှာပါတဲ့တစ်ကြောင်းက ‘These fragments I have shored against my ruin’ ‘ငါ့ ပျက်ဆီးခြင်းကို ဟောဒီအပိုင်းပိုင်း အစစ၊ အစိပ်စိပ်အမြွှာမြွှာတွေနဲ့ပဲ ငါ ကျားကန်ခဲ့ရပြီ’ ။

အဲလိယစ်တ်ရဲ့ modern ခေတ်မှာ ဘယ်ဟာကိုမှ သူ့ချည့်သက်သက် တစ်လုံးတစ်ဝန်းတည်း အာရုံခံစားလို့ မရတော့ဘူး။ အာရုံ ခံစားမှုကိုယ်တိုင်ဟာ ပြိုကွဲခဲ့ပြီ။ ဘယ်အရာကိုမဆို အပိုင်းပိုင်းအစစ၊ အစိပ်စိပ်အမြွှာမြွှာသာ အာရုံခံစားလို့ ရတော့တယ်။ အဲဒီအပိုင်းပိုင်းအစစ၊ အစိပ်စိပ်အမြွှာမြွှာအာရုံတွေဟာလည်း အဆက်အစပ်မရှိ၊ ဆက်စပ်လို့မရ၊ ဖရိုဖရဲ။ modern သမိုင်းခေတ်ကာလမှာ ကဗျာရေးသူရဲ့ sensibility ဟာ အဲသလိုဖြစ်သွားတော့တယ်။ အဲသလိုပဲ အာရုံခံစားရတော့တယ်။ အဲဒီ အဆက်အစပ်မရှိတဲ့ အပိုင်းပိုင်းအစစ၊ အစိပ်စိပ် အမြွှာမြွှာအာရုံတွေနဲ့ပဲ ကဗျာရေးကြရတော့တာပဲပေါ့။ အဲဒါကြောင့် အဲလိယစ်တ် နှစ်သက်ခဲ့တဲ့ Metaphysical Poetry ။ အဲဒါဟာ အဲလိယစ်တ်ရဲ့ modern sensibility ။ အဲဒါဟာ အဲလိယစ်တ်ရဲ့ modern poetry ။ အဲဒီနည်းနဲ့ပဲ အက်ဇရာပေါင်းန်ဒ် ဆော်သြလိုက်တဲ့ ‘Make it new’ (အသစ်ဖြစ်အောင် ပြုလုပ်ကြ)။ အဲဒါကြောင့် အပေါ်ယံကြည့်ရင် အဆက်အစပ်မရှိတဲ့ နိမိတ်ပုံတွေ၊ အဲဒါကြောင့် “မျဉ်းသဘော မဆောင်၊ အကွက်သဘောဆောင်”တွေ။ အဲဒါကြောင့် “ဝေ့ကာ၊ ဝိုက်ကာ”တွေ။ အဲဒါကြောင့် . . . ။

ဒီအပိုင်းပိုင်းအစစ၊ အစိပ်စိပ်အမြွှာမြွှာအာရုံတွေနဲ့ပဲ နိမိတ်ပုံတွေဖွဲ့စည်းရေးသားနိုင်တာ modern sensibility ရှိလို့ ဖြစ်တယ်။ အဲလိယစ်တ်ရဲ့ အလိုအရ ကဗျာရေးနိုင်ဖို့ အသင့်အနေအထားမှာ ရှိနေတဲ့ ကဗျာဆရာရဲ့ စိတ်ထဲမှာ အဲဒီလို ဆက်စပ်မှုမရှိတဲ့ အပိုင်းအစ၊ အစိပ်အမြွှာတွေဟာ အပေါင်းအစည်းသစ်တစ်ခုအဖြစ် လာရောက်စုစည်းတာဖြစ်တယ်။ တစ်နည်းပြောရရင် ဒီအပိုင်းအစတွေနဲ့ အပေါင်းအစည်းသစ်တစ်ခုကို ပြုလုပ်ယူတာဖြစ်တယ်။ သာမာန်လူဟာ ချစ်စိတ်ဝင်နေမယ်၊ စပီနိုဇာရဲ့ ဒဿနကျမ်းကို ဖတ်နေမယ်၊ လက်နှိပ်စက် ရိုက်သံကြားနေမယ်၊ မီးဖိုချောင်မှာ ချက်ပြုတ်နေတဲ့ ဟင်းရနံ့တွေ ရနေမယ်။ ဒါပေမယ့် ဒါတွေဟာ ဆက်စပ်မှုမရှိတဲ့ သီးခြားကိစ္စတွေ ဖြစ်နေတယ်။ ကဗျာဆရာမှာတော့ ဒီအာရုံတွေရောက်လာပြီး ဒီအာရုံတွေကိုပဲ ဆက်စပ်ဖွဲ့စည်းပြီး ကဗျာဖြစ်စေတာ၊ ကဗျာပြုလုပ်တာ ဖြစ်တယ်။ အဲသလို ဖရိုဖရဲအာရုံတွေကို စုစည်းဆက်စပ်နိုင်တာဟာလည်း modern sensibility ရှိလို့ ဖြစ်တယ်။ ဒီလို modern sensibility နဲ့ ရေးမှ modern poetry ဖြစ်တယ်။ modernism (အထူးသဖြင့် အနောက်တိုင်း modernism) ရဲ့ အမြင်၊ အယူအဆ၊ ဝါဒ၊ အာရုံခံစားမှု၊ အာရုံခံစားမှုပေါင်းစပ်ယူမှုတို့နဲ့ ရေးသားဖွဲ့စပ်ထားတဲ့အတွက် ဒီကဗျာတွေကို modernist poetry လို့ သုံးနှုန်းတာလည်း ရှိပါတယ်။ အင်္ဂလိပ်ဘာသာစကားမှာ modern ဆိုတာ “ခေတ်ပေါ်”လို့လည်း အဓိပ္ပာယ်ထွက်တဲ့အတွက် ခေတ်ပေါ် modern ကဗျာနဲ့ modernistရဲ့ modern sensibility နဲ့ ရေးသားတဲ့ modernist ကဗျာ ကွဲပြားစေလိုတဲ့သဘောလို့လည်း ယူလို့ရပါတယ်။ ဥပမာ၊ ဒီနေ့ အိန္ဒိယမှာ ရေးနေတဲ့ ကဗျာကို Modern India Poetry လို့ ခေါ်ကြပေမယ့် modernist ဟုတ်ချင်မှ ဟုတ်မှာဆိုတဲ့ သဘောပါပဲ။ အဲဒါကြောင့်လည်း modern၊ modernist စတဲ့ label မတတ်တော့ဘဲ Contemporary ခေတ်ပြိုင်လို့ပဲ သုံးလာကြတာလည်း တွေ့ရပါတယ်။

အဲဒီတော့ အဲလိစ်တ်ရဲ့ ‘modern sensibility’ နဲ့ မြန်မာကဗျာလောကမှာ သုံးနေတဲ့ “ခေတ်ပေါ်အာရုံခံစားမှု”တို့ တူ၊ မတူ စဉ်းစားလို့က စဉ်းစားနိုင်ပါတယ်။ တစ်ဆက်တည်းမှာပဲ ၁၉၆၈ လောက်က စခဲ့တဲ့ “မော်ဒန် ပေါ်ယဲ့ထရီ” ကိစ္စ၊ မြန်မာမော်ဒန်ကဗျာခေတ်ဦးကာလတုန်းက (“ခေတ်ပေါ်”လို့ မသုံးဘဲ “မော်ဒန်”လို့ သုံးခဲ့တဲ့) ကဗျာကိစ္စ၊ တိုက်ခိုက်ရေးသားခဲ့တာတွေရဲ့ ကိစ္စ၊ “မော်ဒန်”ကဗျာကနေ “ခေတ်ပေါ်”ကဗျာ ပြောင်းသွားတဲ့ကိစ္စ၊ အဲဒါတွေကိုပါ မြန်မာ ခေတ်ပေါ်ကဗျာသမိုင်းဖြစ်စဉ်အမြင်နဲ့ ရှုထောင့်တစ်ခုကနေ စဉ်းစားကြည့်ကြရအောင်ပါ။ စဉ်းစားခြင်းအလေ့အထရှိသူတွေတော့ စဉ်းစားမိကြလိမ့်မယ်လို့ ထင်ပါတယ်။ အားနာစရာတစ်ခုတော့ ရှိပါတယ်။ တခြားမဟုတ်ပါဘူး။ ဒီနေ့လို ၂၁ရာစုဦးပိုင်းကာလမှာ ၂၀ရာစုအစောပိုင်းကာလတုန်းက ကဗျာအကြောင်းကိစ္စကို ပြောနေရသေးလို့ပါပဲ။

ဇေယျာလင်း

၂၁၊ စက်တင်ဘာလ၊ ၂၀၀၇

(ကဗျာ ဘဝ ရှာတော်ပုံမှ)

ဟုတ်စေ/ဟုတ်ကဲ့

2010-04-21T09:27:00.000-07:00

ယို့.. ယို့..

ဟုတ်ချင် ဟုတ်မယ်

မဟုတ်ချင် မဟုတ်ဘူး

အောင်စေ ပိုင်စေ နိုင်စေ ပွဲပေါင်း

ဟုတ်ဒါန်း ငယ်ဆောင်

မဟုတ်က ဟုတ်ကတွေဗျာ

ဟုတ်ရမယ်လို့ နင့်ကို ပြောနေလို့လား..

အဲဒါ ဟုတ်ကို မဟုတ်တာ

မင်းလည်း မင်းဘာသာဟုတ်

ဟုတ်ရဲ့လား၊ ဟုတ်ပြီလား..

တကယ် အဟုတ်ကြီး

တယ်ဟုတ်ပါလား..

“ဟာ”တွေ ဖြုတ်လိုက်ရင်တော့

အဟုတ်ဗျာ

သူ့ဟာနဲ့ သူတော့လည်း

ဟုတ်နေတာပဲလေ

ဒါ “ဟုတ်”အကြောင်းတွေ မဟုတ်လား..

ဟုတ်တိ ပတ်တိလည်း

မဟုတ်ပေါင်ဗျာ..

တကယ် ဟုတ်လို့ကတော့

ကိုကို သေပြီသာမှတ်

ဟုတ်ဟုတ် မဟုတ်ဟုတ်

ကျွန်တော် နောက်ဆုံးအနေနဲ့ စမ်းကြည့်ချင်တယ်

ဟုတ်မဟုတ်

သေချာလှန်လှောကြည့်ခဲ့ပါလားရှင်

မဟုတ်ဘူး..

ဘတ်သီးများ

တယ်ဟုတ်နေပါလား..

လုပ်ကြံစရာ ဟုတ်မှန်ရာများနည်းတူ

ဟုတ်ကြောင်းကုန်စင် ပြောလို့ရသမျှ

ဒါမှမဟုတ်..

ဒီနေ့ဟာ ဒီနေ့မှ

ဟုတ်-ရန်-ကော-ဗျာ-

ခန့်နေ

စာပို့ခို

2010-04-13T19:57:00.000-07:00

ဘာမှန်းမသိလည်း

အသက်နဲ့ရင်းပြီး ပျံသန်းလာမယ်။

ပုံပြင်ထဲမှာဆို

ယုန်ကလေးလည်း ပညာရှိ။

လိပ်ကလေးလည်း

တစ်နေ့တစ်လံရွေ့နေမယ်။

လူနဲ့မတူတဲ့ လူ့ဘဝ

ဘယ်သူနဲ့မှလည်း မတူတဲ့လူ့ဘဝ

လူ့ဘဝဟာ

မျှော့တစ်ကောင်လို သွေးမစုပ်နိုင်ခဲ့ပါ။

နေရောင်ခြည်မှာ

ဘလိတ်ဓားဟာ တလက်လက်ဝင်းပလို့။

မနက်ဖြန်မှာ

ဘယ်သူ့နာရေးသတင်းကြားရမလဲ။

ဘာမှန်းမသိလည်း

အသက်နဲ့ရင်းပြီး ပျံသန်းလာမယ်။ ။

ကြည်ဇော်အေး

(ရိုးရိုးသားသားသစ်သီး ကဗျာစာအုပ်မှ).

ညီလေး.. ကိုယ့်ကို သတိတစ်တို့လောက်

2010-04-12T20:46:00.000-07:00

ဆာပေမယ့် မနင်..

နာပေမယ့် မကျင်ပါဘူး..

ခင်များ ဒဏ်ရာတွေ နက်မှန်း ကျွန်တော်သိနေတာပဲ

ဒါမယ့် နီတယ်လို့ ပြောရင် ပိုမှန်မလားဗျာ..

အပူချိန်တွေ မတက်ဘဲ ဖျားနေသူကြီးငဲ့

မနေ့က အကြောင်းမပြန်တာနဲ့

ဒီမှာ အက်ကြောင်းတွေ ပြန်ထနေပြီ

တကယ်..

ဝန်/ဝင် ခံပေးဖို့ ကျုပ်မှာ

(ဓါတ်ခဲ) အားမရှိတော့ပါဘူး

ကောင်းကင်မှာ ဟိုအကောင်တွေ

အစုတ်လိုက် အရွဲ့လိုက် ပျံနေတာကိုကြည့်ရင်း

ဒီမှာတော့ ပန်းဝင်လိုက်၊ ပန်းထွက်လိုက်

တစ်ယောက်ထဲ စိတ်ချတတ် သူ့အကြောင်းသိရလို့

စိတ်ဓါတ်ရော ကိုယ်ဓါတ်ပါ ကျ လေ တယ်

သူ့ ကျော်ခိုင်းမလား..

ကိုယ် ကျောခိုင်းရမလား..

အဝတ်တွေ

သူပုံထား/ သူပုန်ထတာ တွေ့တွေ့နေ..

မေးခွန်းကို မဖြေတတ်ခင်တော့

အဖြေကို မေးကြည့်မယ်..

ဒါနဲ့ နေမကောင်းတဲ့နေ့တွေကို

နှစ်ဆယ်ပေးဝယ်လာတယ်ဆိုတာ ဟုတ်လား..

တရားသူကြီးမင်းရေ..

ကျွန်တော်တို့ဟာ တကယ် ထုတ်နှုတ်/လုပ် သုံးစွဲလို့ရမရ

လေ.ကုန်.နှုတ်.ပိတ် လိပ်မူပေးပို့ပေးပါ

ခန့်နေ

အမှတ်ရခြင်း

2010-04-11T21:32:00.000-07:00

ကိုချောရေ

တစ်နေ့က ခင်များကိုတွေ့လိုက်တယ်

သစ်သားဘတ်စ်ကားအိုကြီးတစ်စီးပေါ်မှာ

ခင်များသူငယ်ချင်း မာယာကော့ဗ်စကီးနဲ့

စကားတွေ ဖောင်ဖွဲလို့

ခင်များတို့ အနာဂတ်အကြောင်း

ပြောခဲ့ကြတာလား ဒါမှမဟုတ်

ကြယ်ပြာလေးနဲ့ ခင်များစားခဲ့တာ

ထမင်းအသိုးတွေသာ ဖြစ်ခဲ့ရတဲ့အကြောင်းလား။

ပြီးတော့မှ

တစ်ခုခုကို ခင်များတို့သတိရသွားကြသလို

ဘတ်စ်ကားပေါ်က ခုန်ဆင်းသွားကြပြန်တယ်။

ဘာလဲ

ခင်များသူငယ်ချင်းက

မာရီယာနဲ့ လေးနာရီမှာချိန်းထားပြီး

ခင်များက ဂေါ်ကီရဲ့ဇာတ်လိုက်တွေနဲ့

သစ်တောလမ်းမှာ ချိန်းထားခဲ့လို့လား။

အခုလေးတင်

ကျွန်တော်မမြင်ဖူးလိုက်တဲ့ လူကြီးတစ်ယောက်

ကျွန်တော့်ကို လာမေးသွားတယ်

မောင်ချောနွယ်ကို တွေ့မိသလားတဲ့

သူ ကျောချစရာတစ်နေရာ ရသွားပြီလို့

ကိုယ် သတင်းကြားတယ် ဟုတ်လားတဲ့

ပြောပြောဆိုဆို ရေတစ်ခွက်သောက်သွားသေးတယ်။

ပြီးတော့မှ

အိပ်ရာက အမှန်တကယ်နိုးခဲ့ကြောင်း

ကျွန်တော့်ဦးခေါင်းမှ ခြေဖျားတစ်ဆုံး ဖျောင်းဖျ

မီးခလုတ်ကို ဖွင့်လိုက်တယ်

မိုးဝေးရေ.. ကိုယ်ပါကွာ..

မိုးဝေးရေ.. မင်းတို့

အိပ်ရာက နိုးကြပြီလားကွာ။ ။

မိုးဝေး

၂ ဖေဖော်ဝါရီ၊ ၂၀၀၃

မသိရင်ခက်မယ့် အိမ်ဘေးက မနက်ဖြန်တွေ

2010-04-06T09:18:00.000-07:00

ရုတ်တရက်ကြည့်လိုက်ရင်တော့ ဒါဟာ လယ်ထွန်သွား နွားမေ့လောက်အောင် ပျော်စရာကောင်းတဲ့ ကွင်းပြင်ကြီးများပေါ့.. သေချာကြည့်ကာမှ ၁၉ရာစုက ၂ထပ်တိုက် သချိုင်းအဆောက်အဦးကြီးမှန်း တွေ့မယ်.. ဒါတောင် ရေးရေးကလေး.. ဒါမယ့် ဘဲလ်တီးတဲ့အခါ အောက်ထပ်မှာနေတဲ့ ကျွန်တော်တို့တွေ ကော်ဖီဆက်ဖို့အတွက် ဝန်မလေးကြတဲ့ စိတ်ကတော့ ရှိတုန်းပဲ.. အဲဒီ ဘလက်အင်ဝှိုက် ကော်ဖီတွေထဲ အသည်းနှလုံးတွေ ပေါလောပေါ်နေတဲ့ တချို့တလေနေ့တွေကျ ကျွန်တော်တို့ နာမည်အသစ်တွေ ရကြတယ်လေ.. နေဝင်ရီတရော၊ အရုဏ်မိုးသောက်တွေ၊ မိုးမှောက်တွေ၊ အပြန်အလှန် မျိုချနေရတာတွေ၊ (တချို့လည်း နင်နေတာတွေ)၊ ထမင်းသိုးတွေ၊ တနင့်တပိုးတွေ၊ ရုပ်ရှင်ပြဇာတ်တွေနဲ့ ကျွန်တော်တို့တတွေဟာ ညစာကိုသာ စားသုံးသူများဖြစ်ပြီး အလွယ်တကူ စိတ်မဆိုးတတ်လျက် နေ့စဉ်အမှားတစ်ခုကို ပြုလုပ်ဖန်တီးပြီး ကုသိုလ်ပြုကြရာမှာ ပုံသဏ္ဌာန်အားဖြင့်တော့ ဒါဟာ အကွေးကြီး၊ အဝိုက်ကြီး ဖြစ်နေပေလိမ့်မယ်။ ဒါပေမယ့်လို့ ကျွန်တော်တို့တွေ လက်ခမောင်းခတ်ခဲ့ကြတယ်။ ရေငတ်နေတဲ့အချိန်ဆို တစ်ယောက်သွေးကို တစ်ယောက်ဖေါက်တိုက်ဖို့ အသင့်ရှိကြတယ်။ ဘယ်သူ့အလိုတော်ကျမှ မဟုတ်ပါဘူး။

သက်ဆိုင်ရာလူငယ်တွေဟာ ကျွန်တော်တို့ကို နိစ္စဓူဝ မျက်လုံးဒေါက်ဖြုတ်ကြည့်နေကြတာပဲ.. ကျွန်တော်တို့ကတော့ မမူးတဲ့အပြင် နောက်ဆုံးမိနစ်မှ ကပ်ဝင်သွားတဲ့ စည်းချက်တွေကိုတောင် အိပ်ယာဝင်တိုင်း အာရုံပြုနိုင်ကြသေးတယ်.. မိုးလင်းတိုင်း တစ်ယောက်ကို တစ်ယောက် အသက်ရှင်နေတာကို တွေ့ရရင် ယူကြုံးမရဖက်ငိုကြ။ ဘဝနေနည်းတွေကို ပြန်လည်ပြုပြင်ကြ၊ ဖြည့်စွက်ကြ.. အလိုလျောက် ဖွင့်၊ပိတ် တံခါးတွေမှာ ကပ်ထားတဲ့ “တာဝန်ရှိသူမှအပ အပြင်လူမဝင်ရ” စာရွက်တွေကို ကျွန်တော်တို့ ပြိုင်တူ စုတ်ဖြဲကြ၊ တချို့လည်း ဆေးတွေနဲ့ ပက်ဖြန်း.. ရာသီချိန်ပြန်ရောက်တဲ့အခါ ရန်သူ့နယ်မြေထဲက တခမ်းတနား အရိပ်ပြပွဲတော်များဆီ ပါဝင်ဆင်နွှဲလိုက်နဲ့ ကျွန်တော်တို့တတွေအတွက်တော့ ဒါဟာ တကယ့်ကို ခုံမင်ဖွယ်အတိနဲ့ ပျော်စရာတွေပါပဲ။ ရှင်ကြောင်းကြံစည်မှုနဲ့ တရားစွဲမယ့် ဝတ်လုံတော်ရများဆိုတာလည်း မတွေ့မိပါဘူး။ ရာထူးတိုးစရာမလို၊ တဘောင်တွေမလို၊ လုယက်စရာမလို၊ တဒင်္ဂ တံတားခင်းအိပ်မက်တွေမလို၊ ဇွန်း ခက်ရင်းချင်း ထိခတ်သံတွေမလိုဘူးဗျာ.. ချစ်သူခင်စ ကုထ္ထိယ၊ ပုရိသကိုတွေ့တဲ့အခါများမှာလေ သူ့ထံပါး ခေါင်းပုံဖြတ် အသက်ပေးရတာကိုပဲ ဆုလာဘ်ကြီးတစ်ခုလို ခံယူရင်း “ဒီဘဝအတွက် နောက်တစ်ယောက် မရှိနိုင်ဘူးဆိုတဲ့အခါ.. ဒါဟာ အကောင်းဆုံး သက်သေ/သတ်သေ ပြချက်သာလျှင် မဟုတ်ပေဘူးလား..”

ရွှပ် (ဓါးနှင့် အရေပြား ငြိသွားသံ)

ခန့်နေ

ပျင်းရိခြင်းများနှင့် ဖက်လှဲတကင်း

2010-04-02T01:20:00.000-07:00

တစ်နာရီကုန် တစ်နာရီခမ်း

တစ်ရာသီကုန် တစ်ရာသီခမ်း

ရေကုန် ရေခမ်း

ကဗျာကုန် ကဗျာခမ်းပဲ

မပြေးသော်လည်း ကန်ရာရှိ

မပြည့်ပေမယ့် လျှံလျက်ရှိနေသော

ထိုင်းမှိုင်းခြင်းနည်းနည်း

လေးလံခြင်းများများ ကွန့်မြူးလျက်

ဆူပူမှုဖြင့် ကဗျာမရေးနိုင်

မင်းမဲ့စရိုက်ဖြင့် ကဗျာမရေးနိုင်

အခြေခံအာရုံခံစားမှုဖြင့်သာ ကဗျာရေးနိုင်တယ်လို့

Access Denied တွေရှိတဲ့

သူ့ မြို့ကလေးကို ဘာသာပြန်ကြည့်ခိုက်

ကဗျာဟာ

ရပ်

ကြည့်

သွား လား

ကဗျာဟာ ရပ်ကြည့်သွားသလား

(ဒါမှမဟုတ်)

ဖြည်းဖြည်းမှန်မှန် လမ်းကြောင်းမြန်လား..

မိတ်ကပ်မဲ့သော ဧည့်ခံပွဲများအတွင်း

လက်ဝါးစောင်းပေးခြင်း သည်းညည်းခံလျက်

ထိုင်းမှိုင်းခြင်းနည်းနည်း

လေးလံခြင်းများများ ကွန့်မြူးလျက်

နေထိပေမယ့်လို့ ထိုင်၍မသာ

နေထိပေမယ့် ထိုင်နေတဲ့မသာ.သာ.သာ.

အဆိပ်ရှိတဲ့ဟာ

ကိုယ့်အဆိပ် ကိုယ်ပြန်သင့်လို့

သေသွားရှာပေါ့။

မြွေခြောက်ရုပ်ကလေးတစ်ရုပ်လို

သူ့ကို ကလေးများက ကိုင်တွယ်ဆော့ကစားကြသည်။

ခန့်နေ

စိတ်တစ်စ၊ စိတ်နှစ်စနှင့် `စိတ်´ပါ ၀င်စားနေသော စိတ်ကားလုံးများ

2010-03-26T08:08:00.000-07:00

စိတ်နဲ့ စိတ်ဟာ
စိတ်အခန့်မသင့်လို့
စိတ်သဘောထားချင်း မတိုက်ဆိုင်ကြတော့လို့
စိတ်ကွာရှင်းတယ်ပဲ ခေါ်မလား..
စိတ်ခွာပြဲတယ်ပဲ ပြောမလား..
ပေကပ်ကပ်နဲ့
အဲဒီ`စိတ်´ဆိုတဲ့ဟာလေးဟာလေ
ပြောစကားလည်း နားမထောင်
ပြောထားရဲ့သားနဲ့
အဆာစိတ်များသင့်နေသလားမသိ..
မဟုတ်.. အစာနဲ့ စိတ်များ မသင့်သလားမသိ
တစ်စိတ်ကို တစ်အိတ်လုပ်ချင်နေတဲ့ စိတ်ပဲ
(ဒါမယ့် ဖားကောက်မယ့်အိတ်)
တစ်ယောက်ထဲနေ တစ်စိတ်ထဲထားပေမယ့်
စိတ်ဟာ ပေါက်လိုက်၊ ဖေါက်လိုက်
တ `ပဲ´ `ပဲ´နဲ့
ပဲကုလားဟင်း စားချင်နေရှာတဲ့ စိတ်/ဆိတ် ကလေးများလား..
ကောင်းတဲ့စိတ်၊ မကောင်းတဲ့စိတ်
စိတ်နာမကျခင် စိတ်ခံတွင်းက ထွက်လာတတ်တဲ့
ဆရာချောရဲ့ စိတ်အန်ဖတ်များ..
ကောင်းလည်း ဒီစိတ်၊ မကောင်းလည်း ဒီစိတ်
ဣဿာမစ္ဆရိယစိတ်
အချဉ်ပေါက်ခဲ့ရသော အတိတ်စိတ်များဟု ဆိုလေတော့
"အောင်မယ်.. မင်းဘာမင်း စည်းကမ်းမရှိလို့
စိတ်မစင်စွန့်ချင်တဲ့ နေရာစွန့်
စိတ်ရောဂါဖြစ်နေတဲ့ဟာ
ငါနဲ့ ဘာဆိုင်လဲကွ"
"အင်.. စိက္တစိုးဆိုတာ.. ခင်များလား.."
"အေး.. ဟုတ်တယ်.. ဒီမြို့ရဲ့
စိတ်ပျက် စိတ်လျှော ရောဂါသည်ထဲမှာတော့
ငါဟာ ခေါင်းဆောင်ပဲ"
အဲဒီအချိန်မှာပဲ..
ဖတ်ခနဲ..
စိတ်ပြတ်သွားတယ်။

ခန့်နေ

အထ္ထုပ္ပတ္တိ

2010-03-25T20:27:00.000-07:00

လမ်းတွေပေါ်
ခွေးတွေဟောင်နေတာ မြင်တော့
ငါ့အဆာလောင်ဆုံးကို တွေ့လိုက်တယ်။

ကိုယ့်သွေးကြောထဲ
ကိုယ်တောင် အနှံ့မရောက်ဘူး
အနုပညာဆိုတာကလည်း
အရူးလောက်မှ မပေါက်မြောက် မဟစ်အော်
အိမ်ထဲက အိမ်ပြင်မထွက်နိုင်တော့
ဇာတ်လမ်းရဲ့ ဟာနေတဲ့ဇာတ်ကွက်ထဲ
ငါ့ကိုယ်ငါ ဆောင့်ကန်ချလို့
ငါ့နောက်မှာ ငါရပ်လိုက်တယ်။ ။

မိုးဝေး
၂၀၀၀ ခုနှစ်
("သူပဲအကြမ်း သူပဲအချော"ကဗျာစာအုပ်မှ)

ဟန်ချက်

2010-03-23T19:09:00.000-07:00

ဒီနေ့ ပုံမမှန်တဲ့ နေ့တစ်နေ့ဆိုတာ တစ်နေ့လုံး တယ်လီဖုန်းသံများနှင့် ကင်းဝေးနေခြင်းမှ စတင်ခဲ့ကြောင်းကို ခေါင်းနောက်နောက်ဖြင့်ပြန်လည် စဉ်းစားရင်း `ကျွန်တော် ဖျားနေပြီထင်တယ် မေမေ´လို့ ပြောမိကာမှ အဖျားတိုးသွားလို့.. တစ်နှစ်လုံးစာ အတိုးဖျား ဖျားရင်း.. ခုတင်ပေါ်တရေး.. ကြမ်းပြင်ပေါ်တစ်ခွေ.. တစ်ယောက်ထဲဆိုပေမယ့် စိတ်ထဲကတော့ အဖော်တွေဆီ.. မဆီမဆိုင်နဲ့ `ဂရုစိုက်နော်´ဆိုတဲ့ မတန်မရာ တစ်ခွန်းတစ်လေလောက်ကြားရရင် သိပ်ကောင်းမှာပဲ.. အတွေးတွေကိုလည်း ကလေးတွေလို ပုံပြောပြပြီး ပြန်ချော့သိပ်ကာရယ်။ ၀ုန်းခနဲ အိပ်မက်က လန့်နိုးရင်း ကစဉ့်ကလျား.. ခေါင်မိုးက ရေစက်ကျသံတွေဟာ ရင်ဘတ်တည့်တည့်ကိုပဲ ၈၀၀တန် ဖရဲသီးလုံးများနှင့် ပစ်ပေါက်နေသကဲ့သို့.. လူးရင်းလွန့်ရင်း.. စောင့်စားရင်း.. ဒိုင်ယာရီဖွင့်တော့လည်း ဒဏ်ရာတွေဟာ ရီပြနေသလို.. နံရံတစ်ထောင့်မှာ ခွေရင်း.. ဒီ`ရှင်တမ်းစာ´စာအုပ်ထဲ ဟိုစွယ်တော်ရွက်တွေများ ညှပ်ထားမိရင် သွားလွှတ်ပစ်နေရအုံးမယ်.. အခုတော့ မလိုအပ်တော့ဘူးပေါ့.. ဒန် ဒန်.. နေ့လည်ခင်းရဲ့ အရိပ်ကျပုံ ကျနည်းအောက်.. ပြန်အိပ်ဖို့ကြိုးစားရင်း.. နောက်ဆုတ်ဖို့ ကြိုးစားရင်း ကိုယ်ရှေ့ဆက်မိ.. blah blah blah.. ထမင်းမစားရသေးတာကို သတိရတော့မှ ဗိုက်ဆာလာသလိုလိုပင်.. အိပ်စက်ခြင်းသို့ ချဉ်းကပ်လမ်းကိုဝင်ရောက်တဲ့အခါကျရင်လည်း မျက်လုံးတွေမှိတ်၊ စိတ်ကိုလျော့.. အိပ်တာတောင်မှ အကန့်ပိုင်စရာတွေ လိုလာပီထင်တယ်.. ဟင်း (သက်ပြင်းချသံ)...

ခန့်နေ

မြေနှိမ့်ရာ နှလုံးသားမှာ မင်းစိုက်ခဲ့တဲ့ လှံတွေနဲ့

2010-02-27T01:24:00.000-08:00

နေ့နဲ့ည တူနေခွင့်ကလေးကိုပဲ

နေ့နဲ့ည အတူနေခွင့်လေးလို

သစ်ရွက်ခြောက်လေသံနဲ့ပြောမယ်ဆိုရင်တော့

ငါဟာ “ယူ”နေချင်သေးလို့..

မျက်လုံးဖွင့်လိုက်ရင် တွေ့ရမယ့်ကမ္ဘာမှာ

ကံဆိုတာ နဂိုရှိမှ နကိုင်းထွက်တာပါ..

သတိရနေသူလေးရေ..

ဝန်ခံရရင်တော့ ကိုယ်တကယ်ကြောက်တယ်..

ဘာကိုကြောက်နေမှန်းမသိတဲ့ ကြောက်ခြင်းဟာ

ကြောက်ဖို့အကောင်းဆုံးပဲထင်တယ်။

မင်းကရော..

ကိုယ့်ကို နာကျင်စေတဲ့စကားလုံးတွေ

ဘာကြောင့် ပြောထွက်နေတာလဲဟင်..

သက်ပြင်းတွေကို တစ်ချက်ချင်း ရေလို့ကြည့်တော့မှ

လက်ဖျားတွေဟာ မင်းကြောင့် အေးစက်ခဲ့ရမှန်း ကိုယ်သိတော့တယ်

စကားလုံးတွေ ထိခဲ့ဖူးတဲ့ စာသူငယ်လေးတစ်ကောင်..

အသက်ပြင်းနေတာလည်း မဟုတ်ပါဘူး ...

ဒီနှုတ်ခမ်းဖျားလေးအောက်မှာ ငါဟာ အခါခါသေဆုံးပြီး..

ဒီနှုတ်ခမ်းဖျားလေးကြောင့်သာ အခါခါ ပြန်ရှင်သန်လို့..

ရင်ကိုမခွဲလည်း အသည်းနှလုံးကို လှူဒန်းပေးအပ်ထားပြီးသားပါကွယ်..

ဤကောင်းမှုကြောင့်သာ

မမြင်ယောင်ဆောင်တဲ့မျက်ဝန်း၊

ရှောင်ကြဉ်နေတဲ့ ခြေလှမ်းတွေနဲ့

ဥပေက္ခာ မျက်နှာထားလေးတွေရဲ့ထံပါးမှ

အခါခပ်သိမ်း ကင်းလွတ်ငြိမ်းသည်ဖြစ်၍...

ခန့်နေ

4444 to 5555

2010-02-18T05:32:00.000-08:00

အပေါ်က ပုံလေးကတော့ ကျွန်တော့်ဘလော့ ဖတ်သူဦးရေ ၄၄၄၄ရောက်ပြည့်တဲ့နေ့က အမှတ်တရအနေနဲ့ record လုပ်ထားတာပါ၊ ကျွန်တော် ကိုယ်တိုင် ၄၄၄၄ရောက်မြောက်ဖြစ်နေခဲ့တာပေါ့။ အဲဒါက ၂၀၀၉ (၇)လပိုင်း ၁၂ရက်နေ့က။ အခု ၅၅၃၀ကျော်နေပြီဆိုတော့ ၅၅၅၅ရောက်မြောက်ဟာ ဘယ်သူဖြစ်မလဲ၊ ကျွန်တော်ကိုယ်တိုင်ပဲပြန်ဖြစ်နေမလား။ တိုက်ဆိုင်မှုတစ်ခုအနေနဲ့ပါ။ နံပါတ်တွေနဲ့ ပတ်သက်လို့ ကျွန်တော် အယူလည်း မရှိပါဘူး။ အကယ်၍ စာဖတ်သူထဲက တစ်ယောက်ယောက်ဖြစ်ခဲ့မယ်ဆိုရင် c-box ထဲမှာ အမှတ်တရအနေနဲ့ တစ်ခုခုရေးခဲ့ဖို့ ကျွန်တော် တောင်းဆိုပါရစေ။ ဘလော့ရဲ့ အောက်ခြေ Total Visitorဆိုတဲ့ နေရာမှာ ကြည့်နိုင်ပါတယ်။ reader interaction ပေါ့နော်.. :)

ကြိုးစားလျက်

ခန့်နေ

နှင်းဖြူလေးသို့ ရိုးသားစွာဖြင့်

2010-02-16T02:09:00.000-08:00

အရည်တလှည့်၊ အငွေ့တလှည့် ဖြစ်စဉ်အသီးသီးအား

အထပ်ထပ်ကျော်ဖြတ်ပြီးသည့်အခါသမယတွင်

မတိုင်မီနေ့ ည

ပင်လယ်ပြင်ရှေ့

နှစ်ဖက်ကမ်းဆီသော မှန်ဘောင်ကလေးများထံမှ

တီးတိုး ဝင်ရောက်လာသော

မျက်ဝန်းလေးများ၏ စွက်ဖက်နှောက်ယှက်ခြင်းအား

ကျွန်တော်သည်.. ဘီလူးစီးခံနေရသကဲ့သို့၊

ရှောင်တိမ်းခြင်း၊ အော်မြည်ခြင်း မပြုနိုင်ဘဲလျက်..

ကျရှုံးလျက်၊ ပြန်ထလျက်၊

ကျားတစ်ကောင်လို ခုန်အုပ်မည်ကဲ့သို့ ဖြစ်လျက်၊

နေစဉ်အတွင်းမှာပဲ

သိုးငယ်လေးလို ကျွန်တော့် စိတ်တွေ သိမ်ငယ်သွားလျက်၊

ရရာလက်နက် ဆွဲကိုင်လျက်၊

ဒဏ်ရာတွေ ထပ်ရလျက်၊ နာကျင်ချိန်တွေ တိုးလျက်၊

အချစ်အကြောင်းအား နှုတ်ဖျားမှ မပြောတတ်လျက်၊

လက်ထဲတွင်တော့

ခင်းကျင်းပြသမည့် အရုဏ်ဦးလေးကို

တစိုက်မတ်မတ် ဆုပ်ကိုင်လျက်...

ကျွန်တော်သည်

နှင်းဖြူလေးတစ်ပွင့်ကို ပြန်လန့်နေလျက်ရှိသော

နေရောင်တစ်ပေါက်ဖြစ်လျက်။

ခန့်နေ

မေ (၃၁) - မျိုးကျော့မြိုင်

2010-02-14T22:24:00.000-08:00

မေ (၃၁)

မျိုးကျော့မြိုင်

Get this widget

Track details

eSnips Social DNA

Credit: http://panamiko.googlepages.com/myokyawtmyaing

~ မင်းမလိုချင်တဲ့..

ကိုယ့်အချစ်တွေနဲ့..

စိတ်ကူးလို့ ရူးနေမိတယ်..

အချစ်ရယ်.. ~

~ လှလွန်းတဲ့ မင်းမျက်နှာလေး..

လှည့်လို့ ပြုံးပါအုံး..

မင်း မမြင်ချင်တဲ့ ကိုယ့်မျက်နှာ..

မင်းကို သိပ်တွေ့နေချင်တယ် ~

အနှောက် အယှက်ပေးလွန်းတဲ့ ကိုယ့်ရဲ့ အကြောင်းတွေ

မစဉ်းစားနဲ့တော့.. မင်းဦးနှောက် နုနုလေး..

ကိုယ့်ကြောင့် စိတ်ဆင်းရဲ သွားရင်..

မစဉ်းစားနဲ့..

ကိုယ်ဘာပဲ ဖြစ်ဖြစ်.. ~

~ မိုးတွေ ခြွေနေတဲ့ မေ(၃၁)

ကိုယ့်စိတ်တွေ လေနေတဲ့ မေ(၃၁)

နားလည်စေချင်တဲ့ ကိုယ့်အချစ်တွေ..

မင်းရဲ့ အနားမှာ အမြဲရှိနေပါတယ်..

ကိုယ့်အချစ်တွေ.. ~

အစီရင်ခံစာ (13/02/2010)

2010-02-12T20:14:00.000-08:00

ဒီရက်ပိုင်းအတွင်း Blogတွေ ပြန်ဖတ်ရင်းနဲ့ ဟိုတစ်နေ့က ကိုမိုးလှိုင်ညဆီကနေ ဘလော့အသစ်တစ်ခုတွေ့ခဲ့တယ်.. Burmese Potery Foundationတဲ့။ ကဗျာဆိုင်ရာ ဆောင်းပါးတွေနဲ့၊ ကဗျာဟောင်းတွေထဲက အကောင်းဆုံးတွေ ပြန်လည် စုစည်းတင်ထားတာဖြစ်တယ်။ ကျွန်တော် နှစ်သက်မိပါတယ်။ အဲဒါကြောင့် side bar မှာ လင့်ခ်ထားလိုက်တယ်။ နောက်ထပ်လင်ခ့်လုပ်ဖြစ်တာတော့ My Little World နဲ့ သူငယ်ချင်း စည်သူရဲ့ ဘလော့ပါ။ Little World က ကျွန်တော် ဖတ်ဖြစ်တာ နည်းနည်းကြာပြီ။ စည်သူကတော့ ကဗျာတွေ ရေးအားကောင်းနေလေရဲ့။

အခုလောလောဆယ် ကျောင်းက (၄)ရက် ဆက်တိုက်ပိတ်မယ်။ ပြန်ဖွင့်တာနဲ့ (၃)ရက်တက်ပြီးရင် ကျွန်တော့်ရဲ့ ကောလိပ်ကျာင်းသားဘဝ အဆုံးသတ်ပါပြီ၊ (စာမေးပွဲ မကျခဲ့ရင်ပေါ့လေ) ကျောင်းပိတ်တဲ့အခါ မြန်မာပြည် ပြန်ရင်ကောင်းမလား၊ ဒီမှာနေပြီးပဲ အလုပ်ရှာရင် ကောင်းမလား.. စိတ်တွေနဲ့ ဒီရက်ပိုင်း ဆုံးဖြတ်ချက်ချမရသေးဖြစ်နေတယ်။ အလုပ်ရခဲ့ရင်ကျ နောက်ထပ် ဒီလိုရက်ရှည်ပြန်နိုင်ဖို့ဆိုတာ မလွယ်ဘူးထင်တယ်။ နောက်ပြီး သူငယ်ချင်းတွေဆုံဖို့ပေါ့။ ဒါပေမယ့် အခု ပြန်သွားလိုက်ရင်လည်း ပြန်လာတဲ့အခါ အလုပ်ရှာရမယ့် ဒုက္ခနဲ့ နေဖို့ pass ကိစ္စတွေဘာတွေ ခေါင်းပိုစားရမယ်။ အခုတစ်ပတ်တော့ project ကို ပိုအာရုံထားသင့်လို့ အဲဒီကိစ္စတွေ သိပ်မထိချင်သေးဖြစ်နေတယ်။

ဒါနဲ့ စကားမစပ် ဒီနေ့ တရုတ်လို နှစ်သစ်ကူးရော၊ ဗိုလ်ချုပ်မွေးနေ့ပါ တစ်ထပ်ထည်းကျတယ်နော်။ ဗိုလ်ချုပ်အကြောင်း ဂုဏ်ပြုစာတွေ ကဗျာတွေတော့ အွန်လိုင်းမှာ အများအပြားတွေ့ရလို့ ဝမ်းသာမိတယ်။ ကိုကောင်းကင်ကလည်း မွေးနေ့အမှတ်တရ ကဗျာစာအုပ်ထုတ်ဖြစ်မယ်ဆိုလို့ အားကျမိတယ်။ ဒီစာအုပ်အတွက် သူအချိန်ယူခဲ့တာ တော်တော်ကြာပြီ။ တရုတ်နှစ်ကူးကတော့ ဒီမှာ နည်းနည်းဒုက္ခရောက်တာက စားသောက်ဆိုင်တွေနဲ့ ဈေးတွေ မဖွင့်ဘူးလေ။ (၂)ရက်လောက် ပိတ်မယ်။ ဒါကြောင့် ဒီနေ့ နောက်ဆုံးဖွင့်တဲ့ရက် ရိက္ခာ စုဆောင်းထားရမယ်။ ငယ်ငယ်တုန်းက နှံကောင်လေးက မိုးတွင်းအတွက် မစုမိလို့။ အခုတော့ ကျွန်တော်တို့တွေက နွေနဲ့တင် စုနေရပြီ။ (အဲ.. အမှန်တော့ ဒီမှာ ဘယ်ရာသီရယ်လို့ ပြောလို့တော့ မရပါဘူး၊ ရောနေတာကိုး)

ကဲ.. ဘာပဲဖြစ်ဖြစ် အားလုံး အဆင်ပြေကြပါစေ... ကျွန်တော်လည်း ကဗျာတွေရေးဖြစ်နေတယ်။ နောက်ပြီး Blogကို Facebook ပေါ် တင်ရင် ကောင်းမလား.. စဉ်းစားနေတယ်။

သူ နေမြင့်လို့ ဒီအရူးကြီးရင့်ခဲ့

2010-02-09T08:35:00.000-08:00

လူရွှင်တော်ဆိုတာ

သူ အမြင်မတော်ရင်

ရှော်တတ်၊ ယှက်တတ်တဲ့သဘောနဲ့

ပျော်တတ်၊ ပျက်တတ်တဲ့အပြော..

ဒါပေမယ့်လည်း

ချစ်တယ်ဆိုတဲ့ စကားနှစ်လုံးထဲကို

မင်း ဟားတိုက်ရယ်နေတာတော့..

မင်းသမီးရယ်..

တဆိတ်..

နာကျင်မှုတွေ နိုင်းချင်းနဲ့

ဟောဒီရင်ဘတ်ကြီးကို သုပ်လိုက်သလို။

ခန့်နေ

မျက်မမြင်စိန်ခေါ်သံများကို

2010-02-04T16:04:00.000-08:00

တစ်နေ့မှာ ငါဟာ ရောဂါတစ်ခုကိုရခဲ့တယ်။

အမှန်တော့ အဲဒါဟာ တခြားတစ်ခုခုလည်း ဖြစ်နိုင်တယ်

ဒါပေမယ့် ငါကတော့ ရောဂါလို့ပဲထင်တယ်

ရောဂါဆိုတော့ ပျောက်ဖို့ လိုတာပေါ့

ဒါပေမယ့် အဲဒီရောဂါဟာ တခြားရောဂါတွေနဲ့ မတူပဲသူ့ကို ဂရုမစိုက်မှ ပျောက်တယ်တဲ့

ဆေးလုံး ဆေးပြားတွေ၊ ခွဲစိတ်မှုတွေ ဂရုစိုက်မှုတွေ မလိုဘူး

ဒီအတိုင်းထားရင်ကို ပျောက်ပြီ

ဒါပေမယ့် ခက်တာက လူတွေဟာ ငါ ရောဂါရှိမှန်းသိတော့မှပဲငါ့ကို ဂရုစိုက်လာကြတော့တယ်

(H1N1 မဟုတ်တာ သေချာလို့တော့ ထင်ရဲ့)

ဒီလိုနဲ့ပဲ ငါ့ရောဂါဟာ တနေ့ထက် တနေ့ပိုဆိုးလာတယ်။

အကြောင်းသိတဲ့ ဆရာဝန်တွေကတော့ ငါ့နာမည် ကြားရင် ဝေးဝေးကရှောင်နေကြပြီ။

ငါ့အကြောင်းဆို စကားစပ်လို့တောင် မပြောဖြစ်တော့ဘူး။

ဂရုစိုက်မိနေမှာစိုးလို့..ဒါပေမယ့် နားမလည်လို့၊ သနားပြီး ဂရုစိုက်မိသူတွေဟာ ရှိတုန်းပဲ..

ကိုယ့်ကိုယ်ကိုတောင် ဂရုမစိုက်မိအောင်ကြိုးစားနေကာမှ၊ သူတို့တွေကြောင့် ခက်နေရတယ်..

ဒီလိုနဲ့ပဲ ငါ့ရောဂါဟာ တနေ့ထက် တနေ့ပိုဆိုးလာတယ်။

ညဖက်တွေမှာ တစ်ယောက်ထဲ ကမ္ဘာမကြေသီချင်းကို ထဆိုလို့..

တခါတခါ တယ်လီဖုန်းထဲက အသံတွေကို အမှန်ထင်ပြီး ယုံမိလို့..

တခါတလေကျ အိန္ဒိယရဲ့ စာလုံးပေါင်းကို ငါမေ့သွားပြန်တယ်.

.....

ဒါပေမယ့် လူတွေဟာ တစ်နေ့ထက်တစ်နေ့ ငါ့အကြောင်းကို လျစ်လျူရှုလာနိုင်ကြပြီ

အရင်က ပြောမဆုံးပေါင် တောသုံးတောင် ရောဂါအကြောင်းကိုလည်း မပြောဖြစ်တော့ဘူး

အက်ကြောင်းတွေ ထပ်လာပြီ၊ ဘူတာတွေ ဆိုက်ပါများသွားပြီ။

အဲဒါကြောင့်မို့

အခုဆိုရင် ငါ့ရဲ့ ရောဂါဟာတော်တော်လေးသက်သာနေပြီ

ငါတစ်ယောက်ထဲ ဟိုးအဝေးမှာလည်း သွားနေဖြစ်တယ် သိလား..

ဒါမယ့် အဲဒီအကြောင်းကို စပ်စုကြမှာစိုးလို့ ရောဂါပျောက်ပြီး နိုင်ငံခြားမှာသွားနေတယ်ဆိုပြီး ပုံမှန်သတင်းတစ်ပုဒ်လွှင့်ဖို့ ငါ့အိမ်ကိုပြောခဲ့တယ်

အမှန်တော့ လူတွေဟာ တစ်ယောက်ထဲရှိနေခြင်းကို ဘာကြောင့်မို့ မရောင့်ရဲကြတာလဲ..

နှစ်ယောက်ရှိမှဖြစ်မယ်၊ သဘာဝကျမယ်ဆိုတာ.. သတ္တိနည်းသူတွေရဲ့ အလုပ်လား..

ကို့ယို့ကားယားကတိတွေကို ငါမုန်းပါတယ်..

နောက်ဆုံးတော့ ငါဟာ ငါ့ကိုယ်ငါတောင် ဂရုမစိုက်ဖြစ်တော့ဘူး..

အဲဒီလောင်တောင် ရောဂါရဲ့အလိုကို လိုက်မိသတဲ့..

ဒီလိုနဲ့ တစ်နေ့ ငါ့ရောဂါ ပျောက်သွားတယ်ပေါ့..

အသက်ရှူသံတွေတောင် ငါ့ဆီ အဝင်အထွက်မလုပ်တော့တဲ့အခါ။

ခန့်နေ

ကိုယ့်နေ့တွေ (၂)

2010-01-23T19:45:00.000-08:00

အရေမရ၊ မဖတ်မရတွေထဲကပဲ

ငါဟာ အရေတွေ အဖတ်တွေကို ရှာနေခဲ့..

ပွဲတော်တွေရောက်တိုင်းမှာ

ရင်တွေဟာ ခုန်ဖို့၊ အသံတွေတုန်ဖို့ ဝန်လေးနေသူ

ဒီလိုနဲ့ ငါ့အိမ်လေးကို တံခါးပိတ်လို့

ငါတစ်ယောက်ထဲထွက်လာခဲ့တယ်

ငါရဲ့ ကျောင်းတော်လေးလည်း..

ငါ မတက်ဖြစ်တဲ့နေ့မှာပဲ

ဖွင့်တယ်...

ခန့်နေ

2010-01-17T09:04:00.000-08:00

မေ့တတ်တယ်ဆိုတဲ့ အကျင့်ဟာ သိပ်တော့လွယ်တဲ့အကျင့်မဟုတ်ပါဘူး..

အရာဝထ္ထုတစ်ခုကို မေ့တယ်ဆိုတာ ဖြစ်ဖို့အတွက် ပထမဆုံး ခင်များဟာ အဲဒီအရာကို မှတ်ခဲ့ဖူးတယ်ဆိုတဲ့ အဆင့်ကလေးကိုတော့ ဖြတ်သန်းခဲ့ရမယ် မဟုတ်လား..

နာမည်ကို မမှတ်မိတော့ဘူး၊ ငါအခု ဘာလုပ်မလုပ်ပါလိမ့်.. ဟိုအကြောင်းပြောမလို့ကွာ.. စသဖြင့် စကားတွေနဲ့ ကျွန်တော်ဟာလည်း မေ့တတ်သူတစ်ယောက်ပါပဲ

ဒါပေမယ့် မေ့သွားလို့ဆိုတဲ့ စကားကို လွယ်လွယ်သုံးလာကြာတော့ ပြောသူရဲ့ ပါးစပ်ထဲ၊ နားထောင်သူရဲ့ နားထဲ အဓိပ္ပါယ်ဟာ ပေါ/ပေါ့ရွှတ်လာတယ်၊

ဆေးများလို ထိုးပါ၊ စားပါများရင် မတိုးတော့သလိုပေါ့။ ဒီလူတစ်ယောက်ဟာ မေ့တတ်တယ်လို့ မှတ်ချက်ပေးလိုက်တာဟာ မှတ်တတ်တယ်ဆိုတဲ့ အဓိပ္ပါယ်လေးကို သွယ်ဝိုက်ပြီး ဖော်ပြရာရောက်သွားတတ်တယ်၊

မှတ်တာတွေများလို့ မေ့စရာတွေများသွားတာပေါ့.. ဒီလိုဆိုရင်ကော မှန်မလား။

ရုပ်ရှင်ရုံမှာ၊ စာသင်ခန်းမှာ၊ ဘောလုံးကန်နေစဉ်မှာ၊ ကျောင်းကန်တင်းမှာ တစ်ခါတစ်ခါ ကျွန်တော်ဟာ ကိုယ့်ကိုယ်ကို မေ့တွားတတ်တဲ့အကျင့်ရှိတယ်။

ကိုယ်ဘာသာကိုယ်လည်း မှတ်စရာတွေဟာ သိပ်များနေတာကိုး။

ကျွန်တော်တို့ ဗုဒ္ဓရဲ့တရားတော်အရဆိုရင် လူ့စိတ်ဟာ စက္ကန့်ပိုင်းလေးကူးနေတဲ့ကြားမှာတင် သိန်းသန်းချီပြီး ဖြစ်ပျက်နေတာ မဟုတ်လား။

ဒါကြောင့် ကိုယ့်နာမည်လေးကို သိတတ်စအရွယ်ကတည်းက အခုချိန်ထိ မှတ်မိနေတယ်ဆိုရင်ပဲ ကျွန်တော်ဟာ မေ့တတ်သူတစ်ယောက်မဟုတ်သေးဘူးလို့ သူများတွေ ပေးမသိဘဲ တွေးကြည့်မိဖူးတယ်။

တစ်နေ့ကပဲ ကြည့်လေ.. ကျွန်တော် ကျောင်းလည်းရောက်ရော တစ်ကိုယ်လုံးကို ရေတွေစိုရွဲနေတယ်။ အာ.. မိုးရွာနေတာကိုမေ့ပြီး ကျွန်တော် လမ်းလျှောက်နေမိတာကိုး။

ဘယ်လောက်များ ဂွကျလဲလို့.. ကျွန်တော့်အဖြစ်က။ အဲဒီအကြောင်းကို ညရုပ်ရှင်ကြည့် ချိန်းရင်း ချစ်သူကိုပြောပြမယ်ဆိုပြီး သူ့ဆီဖုန်းဆက်မလို့ ရုတ်တရက်ဖုန်းနံပါတ်ကို မေ့သွားပြန်ရောဗျာ။

ဖုန်းနံပါတ်တွေရှာကြည့်တော့ Aကနေ Zအထိ နာမည်တွေသာ ကုန်သွားတယ် မတွေ့လိုက်ပါဘူးလို့.. ဘယ်ဟုတ်မလဲ ကျွန်တော့်ကိုယ်ကျွန်တော် ချစ်သူမရှိတာလည်း မေ့နေပြန်တာပဲ။

အဲဒီလောက်ကို ကျွန်တော်ဟာ အမေ့ကြမ်းတဲ့သူ။ ခုလည်း ကြည့်လေ.. စာတစ်ပုဒ်သာတင်လိုက်တယ်၊ ခေါင်းစဉ်တပ်ဖို့ မေ့ကျန်ခဲ့ပြန်ရော။

အောင်စာရင်းထဲ ကျွန်တော့် နာမည် မပါတဲ့နေ့က

2009-12-07T06:00:00.000-08:00

အကြီး ရေးထားရင်

အရေးကြီးတယ် ထင်ကြမယ်.

အဓိကက

၁.၂.၃ မတိုင်ခင် နေရာယူတတ်ဖို့ပါပဲ။

စာသုံးသူများကို သုံးစား၍

ကောင်းစားသူများ စားကောင်းနေသည်။

“အိမ်ထဲ ဝင်ကြဟဲ့..

ဟိုမှာ ဗိုက်ပူနံကားတွေ လာနေပြီ” တဲ့

မေမေက ပြောတယ်။

အရှေ့ဆိုတာ

ရောက်ကောင်းတဲ့ နေရာမှန်း

ကျွန်တော် မသေချာသေးဘူး။

ဘာမှမရှိဘူးဆိုလည်း

ဘာမှမရှိဘူးတစ်ခုခုကို သွားတွေ့ခဲ့တယ်။

အင်္ကျီအသစ်နဲ့ လူဟောင်းတွေ၊

သေသူအချင်းချင်း မြေဖို့ချင်သူတွေနဲ့

အခန်းအပြင်ဖက်မှာ

ပိုမိုမွန်းကျပ်နေတယ်။

ဖြစ်ပျက်နေတာတွေက

ကျွန်တော်နဲ့ မဆိုင်ချင်တိုင်း

မဆိုင်နေလိုက်ကြပုံများ..

မိန်းကလေး..

ငါ့ကို တစ်ယောက်ထဲ ထားခဲ့တတ်တဲ့အကျင့်ကို

နင် ဖျောက်ပါ။

အခိုးမထွက်တဲ့ သံသရာမီးရဲ့

ဆိုးချက်ကြောင့်ပဲ

ပြက်လုံးတွေ၊ အနိုင်ဂိုးတွေ

လက်ခုပ်သံတွေ၊ မီးကင်ထားတဲ့ အသားတုံးတွေနဲ့

ပွဲတော်ရက်တွေဆီ...

စိတ်မရှိတော့တဲ့ အခါတိုင်း

ခွင့်လွှတ်ပါ.. သူငယ်ချင်းတို့..

ငါဟာ

တောင်ပေါ်က ပန်းကလေးရှိတဲ့ အရပ်မှာသာ

ငါပျော်တတ်လို့။

ဘာကြောင့်ရယ်မသိဘူး.. ဒီကဗျာကို အခုရက်ပိုင်း စိတ်ထဲစွဲရွတ်မိနေလို့.. အမှတ်တရ ပြန်တင်ဖြစ်ပါတယ်ခင်မျာ..

22/11/09

2009-11-19T14:34:00.000-08:00

ဒီဇင်ဘာ လကုန်လောက်အထိကို ကျွန်တော် အလုပ်များဖို့ ရှိနေလို့.. ဘလော့ကိုတော့ ပြန်ထိနိုင်မယ် မထင်ဘူးဗျာ.. ကဗျာတွေတော့ ကြိုကြားကြိုကြားပဲ တင်ဖြစ်ပါမယ်.. တချို့ရေးချင်တာလေးတွေလည်း စိတ်ထဲပေါ်လာပေမယ့် အခု အလုပ်သင်နဲ့ စက်ရုပ်ဘဝရောက်နေလို့ ကီးဘုတ်လည်း ကလောင်မဖြစ်တာကြာပေါ့. ကျွန်တော် အလုပ်သင်ဆင်းနေရတဲ့ ကုမ္ပဏီရဲ့ ဓါတ်ပုံလေးတွေတချို့ ရှဲလိုက်ပါမယ်...

Fig. ပထမဆုံးနေ့ briefing မှာ

Fig. ကန်တင်းက ပထမဆုံး နေ့လည်စာ

Fig. အလုပ်ခန်း တခါးဝ

Fig. Reception

Fig. Company အဆောက်အဦး နဲ့ Logo

Dရက်ပိုင်းမှာ.. “ထ” (ထဆင်ထူး) ရေးပြမယ်ဆိုပြီး တကယ်တမ်းကြည့်လိုက်တော့ “ဝ” နှစ်လုံးပူးပြထားတာပဲဖြစ်နေတဲ့ သူတစ်ချို့ကိုလည်း တွေ့ခဲ့ရတယ်..

ဤကဗျာကို ကောင်းစွာ မလှုပ်ဘဲ ဖတ်ပါ

2009-11-01T10:00:00.000-08:00

ကဲ.. ဘာဆက်လုပ်ကြမလဲ

ရှင်းလို့ပြီးပြီဆိုတော့ ပြန်ရှုပ်ဖို့ပဲ ကျန်တော့တာပေါ့

ဟောကိန်းတွေက လွဲရင် ကျန်တာပဲ နှုတ်ယူခဲ့..

သူပြောမယ့် ပုံပြင်တွေကို

ကျွန်တော် ကြားဖူးပြီးသား

ဒီတော့.. အားလုံး စခန်းရောက်မှရှင်း

နေအုံး..

မင်းစာသားတွေကို အရင် ခဏရပ်

အပြင်က မီးခလုတ်တွေကို ဘယ်သူက အဖွင့်အပိတ်လုပ်နေတာလဲ

သူပြောသလို ကျွန်တော်ဟာ ကိုင်လှုပ်ခံနေရတယ်ဆိုတာတော့

မဟုတ်ပါဘူး

ဒီကမ္ဘာနဲ့ ကဗျာကို အစာခြေဖို့ကတော့

အစာဖြေတဲ့ ကိစ္စထက်တောင် ပိုလွယ်အုံးမယ်

ဒီမယ်.. ပါလာတာ အကုန်ထုတ်လိုက်ရရင်

ကျွန်တော့် ဒေါသတွေ အရင်ထွက်လာမှာနော်

ကျွန်တော်က.. ကျုပ်က..

အတည်ပြောနေတာ (ရယ်စရာမပါဘူး)

ရယ်စရာလိုချင်ရင် ၅လပိုင်းကိုမျှော်

အဲဒီမှာ ကျကျနနစီမံထားတဲ့ ပြက်လုံးတွေရှိတယ်

အို.. ပြက်လုံးတင် မကပါဘူး..

အဲဒီမှာ အကုန်ရနိုင်တယ်

ကြာသပတေးကတော့ အဲဒီလိုမိန့်သွားတာပဲ

(ရယ်စရာ မဂ္ဂဇင်း)

ဒီတော့ သူငယ်ချင်း..

ခေတ်မှီချင်တယ်ဆိုရင် ချစ်တယ်လို့ မပြောနဲ့တော့ကွာ

ဒီခေတ်ထဲမှာ ခေတ်မှီတဲ့သူတွေက "မုန်း"ကုန်ကြပြီ

“မ”တစ်လုံးတွေ စားထားတဲ့ခေတ်မှာ

မုန်းတာတွေ ခေတ်စားနေပြီ

နောက်ပြီး..

ဒီခေတ်ကြီးမှာ ကလေးတွေကို မရိုက်ရတော့ဘူးတဲ့

ကလေးတွေအစား

လူကြီးတွေကို ပြောင်းရိုက်ကြတော့မယ်.. ထင်ပါတယ်။

ကဗျာဖတ်မလား

2009-10-19T07:21:00.000-07:00

ရေထဲက ငါးလေးတွေကို

အဓိပ္ပါယ်မရှိဘူးလို့ ထင်သလား

အဓိပ္ပါယ်မရှိဘူးလို့ ထင်ရင်

ရေထဲက ငါးလေးတွေကို

ရေကြည့်ပေါ့

တစ်.. နှစ်.. သုံး..

တစ်.. နှစ်... သုံး...

ရေထဲက ငါးကလေးတွေ။

ကိုယ့်နေ့တွေ

2009-10-14T09:13:00.000-07:00

ဘဝဟာ စာစီစာကုံးမဟုတ်တော့

မောနင်းကို မနက်ခင်းပါလို့

ဘယ်သူတွေ သတ်မှတ်မလဲ

ကိုယ်ကတော့ မောရင်း နင်းဆဲ

ဒီလိုပြောရင် သူတို့ရယ်မယ်မှန်းကြိုသိပြီး

အရင် ရယ်လိုက်မိတယ်

အဟက်

ဟိုတစ်ခြစ် ဒီတစ်ခြစ်

ပိုစ့်မော်ဒန် မဟုတ်တဲ့အခါ

မော်ဒန်ကိုတော့ ပြန်ပို့လိုက်မယ်နော်

ကဗျာဆန်ခြင်းဆိုလျှင်

ရှောင်သွေလွှဲလို့

မရီနာဘေး (Marina Bay)သို့ ၅မိနစ်။

ကဗျာကတော့ ဘာမှ မဟုတ်ပေမယ့်

2009-09-24T06:18:00.000-07:00

အစကတော့

တိတ်ဆိတ်နေတဲ့ ကိုယ့်အခန်းလေးကို သွန်ချလိုက်မလို့ပါပဲ

ဒါပေမယ့်လည်း

ကိုယ်အသွန်မတတ်လို့ တစ်ကမ္ဘာလုံးမှောက်ကျခဲ့တယ်။

သီချင်းလေးတွေ တီးတိုးလိုက်ရွတ်တတ်တဲ့ နှုတ်ခမ်းလေးကအစ

အာရုံခံလွန်းတတ်တဲ့ ငါ့ရဲ့ စိတ်ဝေဒနာအဆုံး

အိမ်ဘေးသစ်ပင်က ကျလိကျလိတွေကို

ငါ့အိပ်မက်အား မြည်းကြည့်စေချင်တယ်။

ဘာကြောင့်များ ကဗျာဟာ ကဗျာဖြစ်နေရသလဲ

တဆိတ် ငါ့စိတ်တွေဟာ လေနိုင်လွန်းလှတယ်။

သမင်မလေးရယ်

ဟောဒီမုဆိုးရဲ့ ချုပ်ရိုးရာများဟာ

မင်း မပစ်ခဲ့တဲ့ မြှားတွေကြောင့်ပဲ ဖြစ်ပါတယ်။

ခေါင်းကလေးကို တစ်ချက်မော့ကြည့်လိုက်တာ

ကြုံလှီနေတဲ့ လက်မောင်းလေးကို ဖက်တွယ်ထားမိတော့မလိုနဲ့

အမှောင်ခန်းဟာ တကယ့်ကို ကယောင်ကတန်းပဲ

“ပြည်ကြီးရေ..

ဒီတစ်ခါ ပုလင်းအဖုံးတွေ ဖွင့်ရင်တော့

အပြင်းဆုံးတွေနဲ့ လွင့်မယ်ကွယ်”

မှတ်ဥာဏ်တွေမှာ ခဏညှပ်ထားလိုက်

အပ်ကျသံလေးတစ်ချက်ဟာ မိုးချိန်းသွားရလောက်အောင်

ငါ့အကြားအာရုံတွေထဲ ပုံသွင်းလိုက်မိပြီ

နှုတ်ဆိတ်နေသူလေးရဲ့ ငြိမ်သက်မှုဟာ

တစ်ချက် တိတ်ဆိတ်လွန်းလှပါတယ်။

ခန့်နေ

နတ်သမီးနှင့် အခိုက်အတန့် တစ်စိတ်

2009-09-17T17:50:00.000-07:00

"ကောင်းကင်အထက် တိမ်တွေပေါ်

နတ်သမီးနှင့် အတိတ်က

ပြဇာတ်တစ်ခုရဲ့ တစ်စိတ်…"

သေနေတဲ့ ရင်ခွင်ကို အသက်သွင်းသည်။ လမ်းအဆုံးကို ရွာအဖြစ် ခေါင်းစဉ်တပ်ပါ။ တွေ့ခဲ့တဲ့ရက်တွေက ကျူရှင်ရှေ့မှာစောင့်ရင်း ‘ ရှိ ’ ဟု လက်ညှိုးထောင်ကြသည်

မနက်ဖြန် ကျွန်တော်နှင့်တွေ့ရမည်ဆိုခြင်းကို သူမ ရင်ခုံနေမလား။ အမည်မဖော်လိုသော ဝက်ခြံလေးများ သူမ၏ ပါးပြင် တစ်ဖက်တစ်ချက်တွင် တည်ရှိနေသည်။ သို့သော် ကျွန်တော်တပ်မက်သည်မှာ မျက်မှန်ထူထူလေးနောက်မှ ရွှန်းလဲ့နေတဲ့ မျက်ဝန်းလေးများသာ ဖြစ်သည်။ (သို့မဟုတ် ဖြစ်ကောင်းဖြစ်မည်။) အရင်တစ်နေ့က ကျွန်တော်နှင့်တွေ့ဖို့ သူမ အလှပြင်လာကြောင်း သူငယ်ချင်းကပြန်ပြောပြသောအခါ ၁ဝတန်းတုန်းက ဆရာမသင်ပေးခဲ့တဲ့ သန္တရသအကြောင်း ကျွန်တော့်ကို သတိရစေခဲ့သည်။ အဲဒီနေ့ ဘက်စ်ကားပေါ်ကအဆင်း သူမတွင် မျက်နှာပါမသွားဘဲ၊ ကျွန်တော့် ရင်ဘတ်ထဲတွင် မေ့ကျန်ခဲ့လေသည်။

သူမနှင့် စကားပြောခွင့်ရကြောင်း ကျွန်တော် အာခိမိဒိကို အသိမပေးဘဲ ထားလိုက်သည်။ ပထမဆုံးတွေ့သည့်နေ့က သူမ၏ ကြည့်ကောင်းသော ဆံပင် ရှည်ရှည်လေးများကို စည်းထားခဲ့သည်။ အဲဒီအတွက် ကျွန်တော့် အိပ်မက်တွေ ကစုန်ပေါက်နေခဲ့သည်။ (ခံစားချက်တွေကို စာလုံးပေါင်းရတာ သိပ်တော့မလွယ်ကူပါ။) နောက်ပြီး ခပ်တည်တည်ကြည့်တတ်သော သူမ၏ ပါးချိုင့်လေးတစ်စုံ…. အဲဒါကတော့ ကျွန်တော်ရဲ့ ရင်တွေခုံစေဖို့ ဖြစ်ပါသည်။

စိတ်ကူးထဲမှာ ကျွန်တော် ကဗျာတွေ စီဖြစ်သည်။ ချိန်းတွေ့တဲ့အခါ နှစ်ယောက်ထဲ ကမ္ဘာတွေ တည်ဖြစ်သည်။ (နာရီများသည် ကျွန်တော်တို့အတွက် လည်ကြသည်။ ပန်းများသည် ကျွန်တော်တို့အတွက် မွှေးကြသည်။ ၉ရက်နေ့တွင် သူမနှင့် ကျွန်တော် ခေတ္တ ဝေးရမည်။)

သူမ၏ဆံနွယ်များမှာ အနက်ရောင်ဖြစ်သည်။ သူမနှင့်လိုက်ဖက်သည်ဟု ဆိုတိုင်း “ပိုပြီ”ဟု ပြန်ပြောတတ်သည်။ သူမသည် bill gate မဟုတ်သလို၊ ကျွန်တော်ဟာ Microsoft မဟုတ်။ ကိုလမ်ဘတ်စ်ကား ကျွန်တော့်နာမည်မဟုတ်၊ သူမ၏နာမည်မှာလည်း အမေရိကားမဟုတ်။ ကျွန်တော်တို့သည် တစ်ယောက်ကိုတစ်ယောက် တွေ့ရှိခြင်း မဟုတ်။ ကျွန်တော်တို့နှစ်ယောက်စလုံး ကွမ်တမ်သီအိုရီထဲက “h” မဟုတ်သော်လည်း အာဒံကိုက်ခဲ့သော ပန်းသီးထဲမှ ပိုးကောင်တွေ တော့ ဖြစ်ကောင်းဖြစ်နိုင်သည်။ သူမတွင် ဆံပင်နှင့်လိုက်ဖက်သော ခပ်ရှည်ရှည် အရပ်လည်း ရှိသေးသည်။ ‘အတူတူ’ ဆိုသောစကားလုံးသည် ကျွန်တော်တို့အတွက် ဖြစ်ရမည်။ (အူတူတူနှင့် မမှားစေလိုပါ)။ ဖြစ်နိုင်လျှင် ပြောနေကျ သင်တန်းနဲ့ စာမေးပွဲတွေအစား နားလည်မှုနဲ့ သစ္စာတွေအကြောင်း ကျွန်တော် ခေါင်းစဉ်ပြောင်းချင်သည်။ ခေတ္တခွဲခွာသည့်အခါ လက်ဆောင်အဖြစ် သူမကို ကဗျာလေးတစ်ပုဒ်ပေးရန်၊ ရည်ရွယ်ခဲ့သည်။ ထိုကဗျာလေးမှာ ကျွန်တော်သူငယ်တန်း ဥာဏ်ဖြင့် တွေးမိဟန်ရှိသော သူမ၏ တက္ကသိုလ် အလှများနှင့် အဝေးရောက် မှာတမ်းတချို့ ပါဝင်သည်။ (I just think and link the things, all about you) အိမ်ပြန်ရောက်သောအခါ ကျွန်တော့်အကြောင်းတွေ သူမ တွေးချင်မှတွေးဖြစ်မည်။ ကျွန်တော်ကတော့ သူမအကြောင်းတွေ ရေးချင်တိုင်းရေးဖြစ်သည်။ (သူမ၏ လှုပ်ရှားမှုတိုင်းသည် ကျွန်တော်ဥာဏ်မမှီ၍ မရေးနိုင်ခဲ့သော ကဗျာတချို့လည်း ဖြစ်ခဲ့သည်။) အိုင်းစတိုင်းရဲ့ ရီလေးတစ်ပ်သီအိုရီ မရှိဘူးဆိုလျှင် သူမသည် ကျွန်တော့်အတွက် အလှဆုံးဖြစ်ပါသည်။ ဒုတိယမြောက်တွေ့သည့်နေ့က သိပ်မလှဟု ထင်မိသော်လည်း ကျွန်တော် စိတ်မချဖြစ်ပါ။ ထိုနေ့တွင် သူမကို ကျွန်တော် ရယ်အောင်လုပ်နိုင်ခဲ့သည်။ ရာဇဝင်တွင် ကျွန်တော့်ကိုယ် ကျွန်တော် ဂုဏ်ယူသော နေ့တစ်နေ့ ဖြစ်ခဲ့ပေါ့။

ဘတ်စ်ကားပေါ်တက်ပြီး ကျွန်တော်တို့ တိမ်တွေစီးခဲ့ကြသည်။ စကားတွေနည်းနည်းပဲပြောသည်.. နားတွေ များများလည်သည်။ (နာရီတွေလိုပေါ့) အကြည့်တွေနည်းနည်းပဲ ရှိသည်. စိတ်တွေချင်း အပြန်အလှန် သိသည်။ မျက်ရည်တွေကို ခြေထောက်နှင့် ပိတ်ကန်ပစ်သည်။ (သူတို့ တရုတ်စကား မတတ်ပါ) သူငယ်ချင်းတွေ မေးတဲ့မေးခွန်းအတွက် အဖြေကို အတူတူ စဉ်းစားနေကြသည်။ အဲဒီ အဖြေဟာ အထီးလား အမလား၊ ဒြပ်ရှိလား၊ ဒြပ်မဲ့လား၊ သူမသည် ကျွန်တော့်ထက် ပိုသိနိုင်ပါသည်။

နောက်ဆုံးအနေဖြင့် ဖွင့်ပြောခဲ့သည့်နေ့က သာပေးသော နေမင်းကို ကျေးဇူးတင်သည်။ လာဝှေ့သော လေညှင်းနှင့် တယ်လီဖုန်းကတ်တစ်ခုကို ကျေးဇူးတင်သည်။ သူမတွင် နားရွက် ရှိခြင်းကို ကျေးဇူးတင်သည်။ ငြိမ်းကျော်ကို ကျေးဇူးတင်သည်။ (စာရေးဆရာ မဟုတ်ပါ) ပြန်ပေးမည့် အဖြေတစ်ခုကို ကြိုတင်ကျေးဇူးတင်သည်။ “ကျေးဇူးတင်သည်” ကို ကျေးဇူးတင်သည်။

စမ်းချောင်းလမ်းထဲ ပန်းကလေးတစ်ပွင့် လမ်းလျှောက်လာသည်။

အနမ်းတောင်းရန် ကောင်လေးတစ်ယောက် ကပ်လိုက်သွားသည်။

အလွမ်းရောင်းရန် သူ့ထံတွင် ဝယ်သူ မရှိသေးပါ ။

“ မာယာရွှေ့ကွက်တွေနဲ့ ငါ့ရဲ့ စစ်တုရင်တွေအား အနိုင်ပိုင်းလိုက်ပါကွယ်။ နင့်ရဲ့ ဗျူဟာတွေကို မခန့်မှန်းတတ်ပေမယ့်.. ငါ့ရဲ့ လျှို့ဝှက်ချက်ကတော့ မျက်မမြင်ခြင်းပါပဲ ”

ဤစာသည် ကျွန်တော်၏ ရပ်စောင့်ခြင်းသီအိုရီမှ ရှင်းလင်းချက်အခန်းတစ်ခုဖြစ်စေ.. နောင်အခါတွင် သူမအကြောင်းကို ထို့ထက်ပို၍ နီးနီးကပ်ကပ် ခြယ်မှုန်းခွင့် ရပါစေသား… ။

………………………………………………………………………………………….

မှတ်ချက်။ ။ သူငယ်ချင်း အောင်ဖြိုး၏ tag သို့.. အဟောင်းလေးပဲ ပြန်နွေးလိုက်တယ်ကွာ.. ဆားချက်တယ်တော့ ဟုတ်ဝူးပေါ့.. ချိန်းတွေ့တုန်းက အကြောင်းလေးကို နည်းနည်း polish တင်ထားတာ..

ဘဝကို မြန်မြန်သုံးစွဲ.. ရန်သူအတွက် ချန်မထားနဲ့

2009-08-31T07:45:00.000-07:00

“ဘဝကို မြန်မြန်သုံးစွဲ.. ရန်သူအတွက် ချန်မထားနဲ့”.. ဆရာ စိုင်းဝင်းမြင့်ရဲ့ “များများ မြန်မြန်” ကဗျာစာအုပ်ထဲက ကဗျာခေါင်းစဉ်လေးတစ်ခုပါ.. အပေါ်က ဗီဒီယိုလေးနဲ့ လိုက်တယ်ထင်လို့ ပို့စ်ခေါင်းစဉ်လေးတပ်ဖြစ်တယ်။

ကျွန်တော်က ထမင်းစားတဲ့အခါ ကိုယ်ကြိုက်တဲ့ဟင်းလေးများပါရင် ချန်ထားခဲ့ပြီး နောက်ဆုံးမှ စားတတ်တယ်.. ကျွန်တော့်အကျင့်ပေါ့။ အခုလည်း ဘဝရဲ့ ကောင်းနိုးရာရာအပိုင်းလေးတွေကို မသုံးဆောင်နိုင်သေးဘဲ နောင်တစ်နေ့အတွက် ချန်ထားနေရပြီ။ အဲဒီအတွက် ကျွန်တော် ဝမ်းမနည်းပါဘူး။ မြန်မြန်သုံးစွဲဆိုတဲ့အခါ ဘဝထဲက ဘာတွေကို ကျွန်တော်တို့ သုံးစွဲမလဲ.. သုံးစွဲမယ်ဆိုတဲ့အတွက် မသုံးစွဲဖြစ်တဲ့ အပိုင်းတွေလည်း ကျန်ခဲ့မှာပါ. အဲ့ဒီအခါကျရင် ဘာတွေကို ခင်များအနေနဲ့ ချန်ထားခဲ့ချင်သလဲ.. ကျွန်တော့်လိုပဲ ကောင်းနိုးရာရာတွေလား.. ဒါမှမဟုတ် တခြားအရာတွေလား.. အဲဒီ ကောင်းနိုးရာရာဆိုတာတွေကရော သုံးစွဲမယ့်အချိန်အထိ အထားခံပါ့မလား.. သူတို့မှာ တာရှည်ခံနိုင်လောက်တဲ့ ဂုဏ်သတ္တိတွေပါမလား.. ဒါမှမဟုတ် နာတာရှည်တွေကော မဖြစ်နိုင်ဘူးလား.. ဘယ်လောက်မြဲမမြဲ ဘာတွေနဲ့ တိုင်းမလဲ..

30th August when I am 20

2009-08-29T20:56:00.000-07:00

မနက်ဖြန် ဘလော့ဂါဒေးအတွက် ဘာအစီအစဉ်တွေများ ရှိကြတုန်းဗျ... ကျွန်တော်ကတော့ ဖိုင်နယ်စာမေးပွဲ နောက်ဆုံးနေ့ဆိုတော့ အပျော်ကြီးပျော်မိမှာ.. ဒါပေမယ့်လည်း ဖြေနိုင်၊ မဖြေနိုင်ပေါ်မှာတော့ နည်းနည်း မူတည်မှာပေါ့.. ကျောင်း(၃)နှစ်ရဲ့ နောက်ဆုံးဖြေရမယ့် စာမေးပွဲပေါ့.. နောက် (၆)လလုံး အလုပ်သင်ရယ် ပရောဂျက်ရယ်နဲ့ပဲ စခန်းသွားရတော့မယ်.. သြော်ဒါနဲ့.. ဒီနေ့က ကျွန်တော့်ရဲ့ မွေးနေ့ဗျ.. ဘာလိုလိုနဲ့ (၂၀)တောင်ရှိခဲ့ပေါ့.. မွေးနေ့ဆိုပေမယ့်လည်း ဘာမှတော့ ထူးထူးခြားခြားမလုပ်ဖြစ်ပါဘူး၊ ဟဲ.. ကျွေးရမှာစိုးလို့ မဟုတ်ပါဘူးဗျာ.. စာမေးပွဲကြောင့်ပါ... မနက်(၃)နာရီလောက်မှ အိပ်လိုက်တော့ အခု (၁၀)နာရီလောက်မှ နိုးလာ.. မနက်စာလည်း မဟုတ်၊ နေ့လည်စာလည်း မကျ၊ စားပြီး အခုကွန်ပြူတာရှေ့က ခွာမရဖြစ်။ ကျွန်တော်လည်း ကိုယ့်မွေးနေ့တောင် ကိုယ်မေ့သယောင်ဖြစ်နေတာနဲ့ ညက ၁၂နာရီထိုး သူဖုန်းဆက်မှ သတိရသွားတယ်.. :D (အလဲ.. သူဆိုပဲ) ဒီမွေးနေ့မှာတော့ လက်ဆုပ်လက်ကိုင်ပြစရာ ချစ်သူတစ်ယောက် ရှိခဲ့ပေါ့..

ကျွန်တော့်မွေးနေ့အတွက် Facebookမှာ ကွန်မန့်လာပေးကြတဲ့၊ phoneနဲ့ တစ်call၊ msgနဲ့ တစ်ဖန် ဆုတောင်းပေးကြတဲ့၊ (ဒီပိုစ့်လေးမှာလည်း လာမန့်ကြမယ့်) သူငယ်ချင်းတွေ၊ ဆရာတွေအားလုံးကို ဒီပိုစ့်လေးနဲ့ ကျေးဇူးမှတ်တမ်းတင်လိုက်ပါတယ်..း)

ရာသီပြောင်းချိန် (When a season ...

2009-08-27T02:50:00.000-07:00

ကျွန်တော်ငယ်ငယ်တုန်းက ကြိုက်ခဲ့တဲ့၊ အခုလည်း ကြိုက်နေဆဲဖြစ်တဲ့ ဦးဗိုလ်ထီးရဲ့ ရာသီပြောင်းချိန်ဆိုတဲ့ သီချင်းလေးပါ.. youtubeမှာ တော်တော်နဲ့ ရှာလို့ မတွေ့ဘူး.. လွန်ခဲ့တဲ့တစ်ပတ်လောက်ကမှ ပိုက်စိပ်တိုက်ရှာရင်း တွေ့ခဲ့တာ.. ရည်ရွယ်သူကို ပို့ပေးဖြစ်တယ်.. အင်္ဂလိပ်လိုကတော့ ကျွန်တော်ဘာသာပြန်ထားတာပါ.. facebookမှာ တင်လိုက်တော့ တခြားနိုင်ငံသား ကျွန်တော့်သူငယ်ချင်းတွေအတွက် အဆင်ပြေအောင်ရယ်.. ကိုယ်တိုင်လည်း ဘာသာပြန်ရတာ ဝါသနာပါတာရယ်ကြောင့်ပါ။ ဘာသာပြန်ရာမှာ youtubeက ကိုGersingရဲ့ စာသားတွေကို နည်းနည်းယူထားပါတယ်.. သူ့ရဲ့ videoကိုပါ တစ်ခါတည်း တွဲတင်ပေးလိုက်ပါတယ်.. ကျွန်တော့်ရဲ့ ဘိလပ်စာအဆင့်နဲ့ဆို ၈၀%လောက်တော့ ကျေနပ်မိပါတယ်.း)

Gersingရဲ့ ဆိုဟန်နဲ့ စာသား.. (၁၈နှစ်အောက် လူကြီးများ ကြည့်မရ)

ရာသီပြောင်းချိန်

ဆို- စိုင်းထီးဆိုင်။ ရေး- စိုင်းခမ်းလိတ်။

ရာသီပြောင်းချိန်မှာ အဖေါ်ကွာလို့ 

အပြင်ရော အတွင်းရော ဥပါဒ်ဝင်

မောင်တစ်ယောက်တည်း ဘယ်လိုနေရှာမလဲ

ကြင်နာသူလေး စဉ်းစားနေရင် ....

ရယ်သံတိတ်ဆိတ်လို့  အသက်မဲ့တဲ့ရက်တွေမှာ

ကိုယ်တစ်ယောက်စိတ်ဖြေသာပြီ

ရင်ခုန်သံတိုးတိုးလေး ကြားရမယ့်ရက်တွေကို

ကိုယ်စောင့်ရကျိုးနပ်ပြီ ....

ရွှေလက်တွဲတုန်းက သူ့ ဖ၀ါးနုနုရဲ့

အထိအတွေ့  ကိုပြန်အောက်မေ့မိတဲ့အခါတိုင်း

နေပူကြီးထဲမှာ ဒီဘဝလမ်းခရီးကို

လျှောက်လှမ်းဖို့  ခံနိုင်ရည်စွမ်းအားနဲ့ ပြည့် .....

ရွှေပါးပြင်အပ်တုန်းက သူ့ အနမ်းဖွဖွရဲ့

နူးညံ့မှု ပြန်အမှတ်ရမိတဲ့ အခါတိုင်း

ပျော်အောင်အိပ်မရတဲ့ ဒီညချမ်းခရီးကို

ဖြတ်သန်းဖို့  ခံနိုင်ရည်စွမ်းအားနဲ့ ပြည့် ....

နာနေ ဖျားနေရင် ဘယ်သူက

လာပြီး စောင့်ရှောက်ပေးမလဲဟင်

ဆင်ခြင်ပြီးနေပါ မောင်ရယ်နော်

လူကြုံနဲ့ စကားလေးပါးလာရင်....

အနေအထိုင်ဆင်းရဲလို့  စိတ်ညစ်တဲ့ ရက်တွေမှာ

ကိုယ်တစ်ယောက် မွေ့ လျော်သာပြီ

သူကိုယ်တိုင် တယုတယနဲ့  ပြုစုမယ့်ရက်တွေကို

ကိုယ်စောင့်ရကျိုးနပ်ပြီ ...

ရွှေလက်တွဲတုန်းက ချစ်ပြုံးလှလှနဲ့ 

မခို့ တရို့  နဲ့  ရင်ခွင်ကို ပြေးဝင်တာတွေ

အိပ်မက်တော့ မဟုတ်ဘူးရယ်ဆိုတဲ့

အသိကလေးနဲ့  နလုံးသားမှာ

ကြည်နူးမှု လေးကြွင်းကျန်နေ ....

ရွှေမျက်ရည်စို့ တုန်းက ပဝါစလေးနဲ့ 

တို့ တို့ ကာ ကြင်နာစွာချောမြှူတာတွေ

နောင်များလည်းရှိဦးမယ်ဆိုတဲ့

အသိကလေးနဲ့  လွမ်းရက်မှာ

မျှော်လင့်ချက်ကလေးအသက်ရှင်နေ ....

ရွှေလက်တွဲတုန်းက သူ့ ဖဝါးနုနုရဲ့

အထိအတွေ့  ကိုပြန်အောက်မေ့မိတဲ့အခါတိုင်း

နေပူကြီးထဲမှာ ဒီဘဝလမ်းခရီးကို

လျှောက်လှမ်းဖို့  ခံနိုင်ရည်စွမ်းအားနဲ့ ပြည့် ....

"When A Season Changes"

Sang by Sai Htee Saing, Lyrics by Sai Khan Lait

Season changes here without you

And sufferers are both internally and externally of me.

But, just knowing of you making thoughts about how i m doing all alone,

I will feel relieved from the lifeless days without ur laughters

And it is really worthy to wait the days when ur heart beats whisper

Whenever i call up the feelings of ur hand holding mine,

I feel engergised to be able to walk my current days alone.

Whenever i call up the feelings of ur kisses landing to my cheek,

It energises me to pass a journey of this lonely night, filling happiness

The times you miss me, and

The messages sent make me ease off the days when i feel bad due to inconveniences here.

And it is really worthy to wait the days when yourself take good care of me.

With the memories of holding your hands with smiles

And those of my cuddly hugs, being a shelter for you,

Keep assuring myself those are not the dreams

And the pleasures you gave still remain in my heart

Remembering your comforts to my sorrows,

And believing that there will be another such chances,

A little hope is still alive during the days i miss you too.

ဆရာတာရာ၏ ကဗျာများ

2009-08-25T06:45:00.000-07:00

Commentမှာ ကိုIMnotFR တောင်းဆိုလို့ ဆရာတာရာမင်းဝေကဗျာ(၃)ပုဒ် (ရှိသလောက်) ထပ်တင်လိုက်ပါတယ်။ ကျွန်တော့် စိတ်ကြိုက်ကဗျာလေးတွေပေါ့. အားလုံးကို လမ်းအိုလေးကနေ ဒေါင်းထားတာပါ. မူရင်းအတိုင်းပဲ image file နဲ့ တင်လိုက်ပါတယ်. လမ်းအိုလေးမှာတော့ ဆရာ့ကဗျာတွေ ဒီထက်အများကြီးရှိပါအုံးမယ်. Blogရဲ့ ညာဖက်ခြမ်း side bar “စာပေနဲ့ မီဒီယာ” အောက်မှာ လမ်းအိုလေးသို့ လင်ခ့်ထားပါတယ်..

်Firefox (ပြသနာရှာမရဘဲ) ဒေါင်းသွားလို့.. Chromeလေးနဲ့ အသက်ဆက်နေရပါတယ်.. Bloggingအတွက်တော့ သိပ်အဆင်မပြေဘူး.. စာမေးပွဲ ဒီနေ့တစ်ဘာသာတော့ ဖြေနိုင်သွားပြီ။ ကိုအောင်ဖြိုးရဲ့ ပန်းကိစ္စတော့ စာမေးပွဲပြီးမှပဲ ရှင်းရတော့မယ်. (း

Diary Aug 19

2009-08-19T05:57:00.001-07:00

၂၅ရက်နေ့ နောက်ဆုံးစာမေးပွဲစဖြေရတော့မယ်.. အခုထိ စာကောင်းကောင်း မကျက်ဖြစ်ပါ. ဟိုတွေး ဒီတွေး၊ ဟိုလေး ဒီလေး. ဒါနဲ့ပဲ ဆရာတာရာမင်းဝေရဲ့ ကဗျာလေးတစ်ပုဒ်ကို သွားသတိရတယ်. ကျန်းမာရေးသိပ်မကောင်းတော့တဲ့ hard disk အဟောင်းလေးထဲက ပြန်ရှာထားတာပါ. ဒီစာမေးပွဲပြီးရင်တော့ ပိုက်ဆံအပိုစုဖို့ အချိန်ပိုင်းအလုပ်တချို့လုပ်ဖို့ စဉ်းစားမိတယ်. ကျောင်းစကတည်းက အိမ်ကိုတစ်ပြားမှမတောင်းပဲ ကိုယ့်ပိုက်ဆံကိုယ်ရှာပြီးတက်တဲ့ သူငယ်ချင်းတွေကို အားကျမိတယ်။ တကယ်တော့ ကျွန်တော်ဟာ ဟိုယောင်ယောင် ဒီယောင်ယောင်ပဲ။ ဘာကိုမှ တစိုက်မတ်မတ်လုပ်ခဲ့တယ်ဆိုတာ မရှိဘူး။ စိတ်ကူးတွေ၊ အတွေးတွေနဲ့ပဲ အချိန်ကုန်ခဲ့တာ။

ပြည်မှာ သင်္ကြန် (၂၀၀၉)

2009-08-16T19:18:00.000-07:00

ပြီးခဲ့တဲ့ ၂၀၀၉ သင်္ကြန်ကို ကျွန်တော် ပြည်မှာ ပြန်ကျခဲ့ပါသည်။ တကယ်တော့ ပြည်ပြန်ရောက်တုန်း ဓါတ်ပုံတွေရိုက်ပြီး ဘလော့မှာ တင်ဖို့ လုပ်သေးတယ်။ ဒါပေမယ့် ကူးထားတဲ့ Cdလေးက (ကျွန်တော့်ရဲ့ ပေါ့ဆမှုကြောင့်) ဘယ်ကျန်ခဲ့တယ် မသိဘူး။ အပေါ်က ပုံတွေကတော့ ကျွန်တော့်ရဲ့ ချစ်လှစွာသော ဒယ်ဒီရဲ့ လက်စွမ်းပြချက်တွေပေါ့.. ဘာရယ်မဟုတ်ဘူး.. သင်္ကြန်တွင်းဆို အားလုံးက ကိုယ့်မွေးရပ်ဌာနေ (ဒါမှမဟုတ်လည်း)ပျော်စရာကောင်းမယ့်၊ အေးအေးဆေးဆေးရှိမယ့် နေရာတစ်ခုခုမှာ ရှိချင်ကြတာများတယ်၊ သင်္ကြန်တွင်းခရီးသွားရတာတော့ ကျွန်တော့်အနေနဲ့ သိပ်မကြိုက်လှဘူး။
ပြည်မှာ သင်္ကြန်မရှိတာဆို ၂နှစ်ဆက်ဖြစ်ခဲ့တယ် ၂၀၀၇ နဲ့ ၂၀၀၈ ပေါ့။ ကျွန်တော့်ရဲ့ High school batch က လူတော်တော်လေးညီတော့ နှစ်တိုင်း တစ်ခုခုလုပ်ဖြစ်တယ်။ ၁၀တန်းမပြီးခင်ကတော့ ကားနဲ့ အားလုံး စုပြီးလည်ကြတယ်.. နောက်ပိုင်း တက္ကသိုလ်တွေရောက်တော့လည်း ဒီလူတွေက မကွဲတဲ့အပြင် ပိုပြီးတော့တောင် လူစုံလာသေး.. ၂၀၀၈ နဲ့ ပြီးခဲ့တဲ့ ၂၀၀၉ ဆက်တိုက် မဏ္ဍပ်ဆောက်ဖြစ်တယ်။ ၂၀၀၈ကတော့ ကျွန်တော် မရှိဘူးပေါ့။ အခု ၂၀၀၉မှာတော့ မဏ္ဍပ်မှာ ညဖက် ပြဇာတ်တို့၊ သီချင်းတို့တောင် ဆိုဖြစ်၊ ကဖြစ်ကြတယ်။ ကျွန်တော်တို့ဆီက မဏ္ဍပ်တွေက ရန်ကုန်တို့ မန္တလေးတို့နဲ့ တည်ဆောက်ပုံချင်းမတူပါဘူး။ ရန်ကုန် အင်းလျားက မဏ္ဍပ်တွေလောက် ကြီးတာဆို သိပ်မရှိဘူး၊ အများစုက အလယ်အလတ်လောက်နဲ့ ပုံစံချင်းတူကြတယ်။ ကုမ္မဏီကြီးတွေကလည်း Sponsor ဆို ကျွန်တော်တို့လို မြို့ကျဉ်းကျဉ်းမှာ ဖြုန်းချင်ကြတာ မဟုတ်ဘူး။ အဲဒီတော့ တော်တော်များများက ကိုယ့်မြို့ထဲမှာ ရှိတဲ့ စက်ရုံ၊ ဒါမှမဟုတ်လည်း ကိုယ့်အသိအချင်းအချင်း နီးစပ်ရာနဲ့ ပေါင်းလုပ်ကြတာ.. အများအားဖြင့် အရှုံးခံရတာများပါတယ်။ မဏ္ဍပ်တွေမှာ ရပ်ကွက် မဏ္ဍပ်တွေ ရှိသလို၊ ကျွန်တော်တို့လိုပဲ စုပေါင်းစပ်ပေါင်း လုပ်ကြတဲ့ မဏ္ဍပ်တွေလည်းရှိတယ်။ တခြားကတော့ ကိုယ့်အိမ်ရှေ့မှာ ကိုယ် အုန်းလက်လေးနည်းနည်းနဲ့ အမိုးလုပ်ပြီး ပက်ကြပေါ့။ ရပ်ကွက်မဏ္ဍပ်တွေက နှစ်စဉ် ယိမ်းတွေ ထွက်ကြပါတယ်။ (ပြည်မှာ (ကျွန်တော်မှတ်မိသလောက်ပေါ့လေ) ကျောင်းကြီးအိုးတန်း၊ ရွှေကူ၊ နဝင်း၊ ရွာဘဲ၊ ဆံတော်၊ တရုတ်စု၊ ဆင်စုဆိုပြီး ရပ်ကွက်ကြီးပေါင်း (၇)ခုရှိတယ်။) သင်္ကြန်တွင်း ညဖက်တွေဆို ဗဟိုမဏ္ဍပ်မှာ တစ်ရက်သွားကရပါတယ်။ ဗဟိုက အကဲဖြတ်ပြီး ဆုချီးမြှင့်ပေးတယ်။ ကျွန်တော်တို့လို စုပေါင်းစပ်ပေါင်းလုပ်တဲ့ မဏ္ဍပ်တွေကတော့ အများစု ညဖက်အစီအစဉ်မရှိကြတာများပါတယ်၊ ဒါပေမယ့် နောက်ပိုင်း တီးဝိုင်းတွေ၊ မော်ဒယ်ရှိုးတွေ၊ ယိမ်းတွေ လုပ်ပြီး တစ်ခုနဲ့တစ်ခု ယှဉ်လာကြတာတွေ့ရတယ်။ သင်္ကြန်တွင်း ညဖက် မြို့ထဲပတ်ပြီး လျှောက်ကြည့်ရတာလည်း ပျော်စရာကောင်းပါတယ်.. နေ့ခင်းဖက်ကို အားကုန် မကဲထားရင်ပေါ့။ မဏ္ဍပ်တွေကိုတော့ တိုင်ကီတွေ၊ ဇလီဖားတုံးတွေ ခုပြီး ဘေးလက်ရန်းတွေကိုတော့ သစ်တွေနဲ့ အကာပြုရပါတယ်။ ဇလီဖားတုံးဆိုတာက မီးရထားသံလမ်းကိုခုတဲ့ သစ်တုံးကြီးတွေပေါ့၊ အဲဒါအတွက်တော့ မီးရထားရုံမှာ သင်္ကြန်နီးတဲ့အခါ လျှောက်လွှာတင်၊ တုံး ၃၀၀ကနေ ၅၀၀အထိလောက် သုံးရပါတယ်။ မိန်းလမ်းကို ကန့်လန့်ဖြတ်ထားတဲ့ လမ်းတွေ တစ်လမ်းခြားဆီကို ပိတ်ဆောက်ရတဲ့အတွက် သင်္ကြန်နားနီး တစ်လလောက်ဆို စက်တပ်ယာဉ်တွေအတွက် သွားရလာရတာ အခက်အခဲရှိတတ်တယ်။ မဏ္ဍပ်တစ်ခုကို အကျယ်က ပေ ၄၀ x ပေ ၆၀ပေါ့။ အမြင့်ကတော့ တိုင်ကီကို အလှဲတစ်ထပ်၊ အထောင်တစ်ထပ် (ဒါမှမဟုတ်) အထောင်နှစ်ထပ် စီတဲ့အပေါ်မှာမူတည်ပြီး နှစ်မျိုးလောက်ပဲ တွေ့ရပါတယ်။ အောက်မှာ ရေပက်စင်တစ်ထပ်၊ အပေါ်မှာ Dancing floor ထားတာချင်းတော့ တူမယ်ထင်တယ်။ ကျွန်တော့်တို့ မဏ္ဍပ်ကတော့ အခုနှစ် (၃)ဆင့်ဆောက်ထားတာတွေ့ရတယ်။ နောက်ဆုံးအဆင့်မှာ စက်ပစ္စည်းတစ်ချို့နဲ့ sound boxတွေ တင်ထားတယ်။ Membership ကတော့ (၄)ရက်လုံးကို ၁၅၀၀၀ နေ ၂၅၀၀၀ အတွင်း ရှိတတ်တယ်။
ကျွန်တော့်အမြင်ကတော့ အခုနောက်ပိုင်း အဲဒီလို မဏ္ဍပ်တွေဆောက်ပြီး ပျော်ကြတာပဲ ဖြစ်ဖြစ်၊ လည်ကြတာပဲဖြစ်ဖြစ်၊ သိပ်မကြိုက်တော့ဘူး။ အားလုံးဟာ မူးအောင်သောက်မယ်၊ ပြီးရင် ရေစိုပြီး ကမယ်၊ ခုန်မယ် ဖြစ်လာကြပြီ။ ဒါကိုပဲ typical အလုပ် တစ်ခုလို တစ်နှစ်ထက်တစ်နှစ် ပိုမိုကျင့်သုံးလာကြပြီး ပျော်တာထက်၊ ပျက်တဲ့အဆင့်ကို ရောက်သွားပြီ။ မူးယစ်သောက်စားတာမပါရင်ဘဲ သင်္ကြန်မဟုတ်သလိုဖြစ်လာပြီ။ မူရင်း ကျင်းပရခြင်းရည်ရွယ်ချက်နေ ကျွန်တော်တို့တွေ တစ်နှစ်ပြီး၊ တစ်နှစ်ပြီး ဝေးဝေးလာကြသလိုပဲ.. အဲဒါဟာ စိုးရိမ်တတ်ရင် စိုးရိမ်ဖို့ကောင်းတယ်.. အခုနေ ကလေးအရွယ်တွေဟာ ဒါတွေကို မြင်မယ်၊ လိုက်ပြီး အတုခိုးလာကြမယ်ဆိုရင် နောက်ပိုင်းမှာ သင်္ကြန်ရဲ့ရည်ရွယ်ချက်ဟာ ကြောက်စရာကောင်းလောက်အောင်ကို ပြောင်းလဲ(လွဲ)သွားလိမ့်မယ်။ “နှစ်ဟောင်းအညစ်အကြေးတွေကို နှစ်သစ်မှာ အတာရေနဲ့ ဆေးကြော၊ မင်္ဂလာယူတယ်ဆိုတာ”တွေဟာ စာအုပ်တွေထဲမှာဖတ်ဖို့၊ စာမေးပွဲမှာ အမှတ်ကောင်းအောင် ချရေးပြဖို့လောက်ပဲ ကျန်ခဲ့တော့မှာလား.. ကျွန်တော် ဆိုလိုချင်တာ တိုက်ပုံဝတ်ပြီး၊ ငွေဖလားနဲ့ နံ့သာရေလောင်းဖို့ကို မဟုတ်ပါဘူး၊ ဒါပေမယ့် ခေတ်မှီတယ်လို့ဆိုလိုက်တိုင်းမှာ ဘောင်းဘီတိုဝတ်တာပဲ ပြေးပြေးမြင်နေတဲ့ စိတ်တွေ.. ကျွန်တော်တို့ဘယ်လို ရှေ့ဆက်မလဲ။

ညီမလေးထံ ပေးကဗျာ

2009-08-09T03:44:00.000-07:00

အတွေးထဲက သူ့ရီသံတွေကို
အစီခံတွေထဲ စစ်ထုတ်လို့
အပျင်းပြေ..
ပုလင်းတွေလည်း ဖွင့်တတ်နေပြီ။
ညီမလေး (သို့မဟုတ်)
ထိချင်တိုင်း မထိရ၊
ထိမရ တဲ့ ကမ်းလွန်ဒေသလေးတစ်ခု။

(အိပ်မက်တွေ အဟောင်ပြင်းလို့
စာမေးပွဲတွေ မအောင်ဖြစ်ရင်လည်း
သူလေးပေးတဲ့ အမှတ်တွေနဲ့ပဲ
ကိုယ့်ကိုယ်ကို ပြန်အောင်နေမိတယ်)

ခန့်နေ

Status 09.08.09

2009-08-09T02:44:00.000-07:00

ဘာရယ်တော့ မဟုတ်ဘူး.. ဦးဗိုလ်ထီးရဲ့ သီချင်းလေးကို ကိုယ်ပိုင်စာသားလေးနဲ့ အစားထိုးကြည့်တာ.. ကျွန်တော့်ရဲ့ သောကြာနေ့က စာမေးပွဲ အခြေအနေလေးပေါ့..

“ Common test မေးခွန်းအောက်မှာ.. ကိုယ့် အတွေးထဲ လှည့်ပတ်ရှာကြည့်..
အဖြေရယ်ဆိုလို့ MCQ ၂ ပုဒ်ထဲ.. ရင်ခွင်မှာတော့ Distinction ကြီးတစ်ခု ”

ဟက်ဟက်.. သီချင်းခေါင်းစဉ်ကိုတော့ သိကြမယ်ထင်တယ်..
MCQ ရဲ့ အရှည်ကတော့ Multiple Choice Question (ဓမ္မဓိဋ္ဌာန်မေးခွန်း)

ဒါနဲ့ စကားမစပ်.. ဒီနေ့ စင်္ကာပူနိုင်ငံရဲ့ အမျိုးသားနေ့ဗျ.. တနင်္ဂနွေနေ့မှာ ကျရောက်လို့၊ မနက်ဖြန် တနင်္လာနေ့ကို ကျောင်းပိတ်ပေးပါတယ်။

ဘာခေါင်းစဉ်နဲ့လိုက်သလဲ ဒီကဗျာ

2009-08-06T05:26:00.000-07:00

ပျင်းနေရတာနဲ့ ပျင်းဖို့ပြင်ဖို့တောင် အချိန်မရဘူး..
ထည့်ပါဟ.. ခပ်ပြင်းပြင်းလေး..
ဒီထက်ပြင်းတာဆို ဘာမှချန်မထားနဲ့
“အပျင်းထန်”တာလေးကို ခံစားချင်လို့
ပြောရင်းဆိုရင်း လုပ်ပြီ
လိုနေတာက တစ်ခြား၊ ပေးတာက ဆား
အနာပေါက်တဲ့တစ်ယောက်မဟုတ် ကျောင်းသူလည်းမဟုတ်ဆို..
သူပြောတော့
ကျေးဇူးပြုပြီး ဆန်အိတ်တွေပဲ ဖောက်ပေးပါတဲ့..
မျက်စိတွေလည်း ဒေါင်းကုန်ပြီထင်တယ်
လိုအပ်တာထက် ပိုကြင်နာပါလို့ ပြောတဲ့အချိန်
ရေချိုးနေတဲ့သူနဲ့၊ ကျောင်းရောက်နေတဲ့သူနဲ့၊
ဆုတောင်းတယ်ဆိုတာ လက်အုပ်ချီထားတဲ့ ခိုင်းစေခြင်းတစ်မျိုးပဲ။
မင်းပြောတဲ့စကားတွေထဲ
“ဒါပေမဲ့” ထူထပ်မှုကို လျော့ချသင့်တယ်
အတုဖြစ်ခြင်း အစစ်ဖြစ်ခြင်းဆိုတာကတော့
သတ်မှတ်ခြင်းရဲ့ ဦးရေပါပဲ..
ဒီတစ်ခါ တကယ်ပြောတာ။

အခုတလော ရောက်တတ်ရာရာများ

2009-08-04T18:15:00.000-07:00

ကျွန်တော်လည်း ပိုစ့်တွေ ကောင်ကောင်းမတင်တာကြာပြီ.. လာလည်နေကျ သူငယ်ချင်းတွေကို အားနာမိပါတယ်.. အခုတလော ဘာတွေလုပ်နေလဲ ကိုယ့်ကိုယ်ကို ပြန်စဉ်းစားကြည့်တော့လည်း ဘာမှကို မယ်မယ်ရရ လုပ်နေတာလည်း မရှိဘူး။ ပြီးခဲ့တဲ့ တစ်ပတ်က အိမ်ပြောင်းတာပဲ.. (၃)ရက်လောက်တော့ ကြာသွားတယ် ပစ္စည်းရွှေ့နေတာနဲ့ တင်.. သောကြာနေ့ စာမေးပွဲတစ်ခုရယ်၊ စနေနေ့ နှုတ်ဖြေစာမေးပွဲရယ် ရှိပါအုံးမယ်..
ပြီးခဲ့တဲ့ weekends တုန်းကတော့ ရှေ့က ပိုစ့်မှာ ကြော်ငြာထားတဲ့ Singapore Poly ရဲ့ နှောင်းနွေဆုံမှတ်ကို ရောက်ဖြစ်ပါတယ်။ ကျွန်တော် ဒီကိုစရောက်တဲ့ ပထမနှစ်ကတည်းက SP ပွဲကို ကြည့်ဖြစ်တာပါ. အရင်နှစ်ကတော့ စာမေးပွဲနဲ့ ကပ်နေတာနဲ့ မသွားဖြစ်လိုက်ဘူး.. အခုတစ်ခေါက်တော့ နည်းနည်းလေး ကွာသေးတာနဲ့ (ကွာချင်ယောင်ဆောင်ပြီး) ကြည့်ဖြစ်ပါတယ်။ ပွဲကို အကြောင်းပြုပြီး မတွေ့တာကြာပြီဖြစ်တဲ့ Blogger တွေရော၊ မတွေ့ဖူးသေးတဲ့ Blogger တွေနဲ့ပါ ဆုံခွင့်ရလို့လည်း ဝမ်းသာမိတယ်။ ဝေဖန်ရေး ဘာညာတော့ ကျွန်တော်လည်း သိပ်မလုပ်တတ်လို့.. ယေဘုယျအားဖြင့်ဆိုရင်တော့ ပုံမှန်ထက်ပိုတဲ့ ပွဲတစ်ပွဲပါပဲ။ Foreigner တွေ မြန်မာလို ဆိုတာ၊ ကတာ တွေ့ရတော့ ကိုယ့် Culture ကိုယ်ဂုဏ်ယူစိတ်လို့ပဲ ပြောရမလား.. စိတ်ထဲ ဖြစ်မိတယ်။ နောက်တစ်ခု ကျွန်တော် သတိထားမိထားမိသလောက် SPရဲ့ အငြိမ့်တွေမှာ (အခုနောက်ပိုင်း အငြိမ့်အများစုမှာ အသုံးများတဲ့) ခါးအောက်ပိုင်းပြက်လုံးတွေ ပါလေ့မရှိပါဘူး။ ကျွန်တော် လေးစားနှစ်သက်မိတဲ့ အချက်တစ်ချက်ဖြစ်ပါတယ်။
ကဗျာနဲ့ပတ်သက်ပြီးတော့တော့.. ရေးဖြစ်တဲ့ကဗျာတွေကို သိပ်မကြိုက်တာကြောင့် မတင်ဖြစ်တာပါ။ ဒါပေမယ့် စာဖတ်သူအနေနဲ့ ပုံမှန်တော့ လည်ဖြစ်ပါတယ်.. ကဗျာ၊ စာကောင်းတွေ ဖတ်ရတိုင်းလည်း ဖန်တီးသူများကို အားကျကျေးဇူးတင်မိတယ်။

အားလုံး အဆင်ပြေကြပါစေ..

Singapore Polytechincs ရဲ့ နွေထဲက နှောင်းဆုံမှတ်

2009-07-28T07:15:00.000-07:00

စင်္ကာပူမှာရှိတဲ့ Singapore Polytechnics မြန်မာကျောင်းသားများ တင်ဆက်ကပြမယ့် “နှောင်းနွေဆုံမှတ်” Stage Performance များကို အခုလာမယ့် သြဂုတ်လ (၂)ရက်နေ့ Polytechnics ရဲ့ Convention Centre မှာ ပြုလုပ်မှာဖြစ်ပါတယ်။ စင်္ကာပူက ရွှေမြန်မာတို့ လာရောက်အားပေးကြဖို့ ဖိတ်ခေါ်ပါ၏ ခင်မျ။ လက်မှတ်ဈေးများကတော့ S$9 နဲ့ S$12 ဖြစ်ပြီး ညစာအတွက် လက်သုပ်ပုဝါ.. အဲလေ.. နတ်သုဒ္ဓါ၊ အအေးနဲ့ အချိုပွဲလည်း ပါမှာမလို့ ..

နေရာ။ ။ Singapore Polytechincs, Convention Centre (Dover MRT)
အချိန်။ ။ 2.00 pm to 7.00 pm
ရက်စွဲ။ ။ August 2, 2009
ဆက်သွယ်ရန်။ ။ ရဲမာန် - ၉၁၉၁ ၄၈၇၉

The Pen Story

2009-07-20T03:59:00.000-07:00

Olympus Camera ရဲ့ ideaကောင်းနဲ့ ကြော်ငြာလေးတစ်ခုပါ.. ဒါမျိုးကို တစ်ခါက MTV ပုံစံမျိုးလည်းကြည့်ဖူးတယ်.. အဲဒီတုန်းကတော့ Background က အသေထင်တယ်.. ဒီတစ်ခုကတော့ Background ပါလိုက်ပြောင်းနေတယ်..

This is the PEN Story in stop motion. We shot 60.000 pictures, developed 9.600 prints and shot over 1.800 pictures again. No post production! Thanks to all the stop motion artists who inspired us. We hope you enjoy

Free download of the music at http://olympus.eu/penstory/